الله يجزاكم خير ماقصرتوا بس الاحظ انكم تذكرون بس مولات طيب مافيه ملاهي خارجيه مو اللي بالمولات او اماكن ثانيه ترفيه وانا اعرف انه السنه هذي بتفتح ملاهي اللي مثل ديزني متى افتتاحها ؟وابي مثلا كوفي غريب
يعني جلسات لي ولزوجي ان شاءالله ماتقصرون

هلا فديتج أنا من الامارات ومن دبي وحياج العالية البلاد بلادج بتورونها عندج المولات والحدائق مثل زعبيل والمشرف وشاطئ جميرا وحديقة الصفا
وشارع الشيخ زايد فيه أماكن راقية حقكج وحق زوجج تيلشون فيه وأي شيء تامرينه به حاضره أنا من عيوني

هلا وغلا أختي ..

في مول يديد فاتح اسمه العربي سنتر ، الحلو فيه انه مب زحمة وايد وفيه ألعاب، انا مب ساكنة في اماراة ثانية غير دبي بس قالو لي ان الزحمة خفت شوي في دبي بعد المترو والحمدلله ، ليش ما تودينهم صوب الشارجة لصحارى سنتر لانه في طريج الشارجة ودبي

والأسواق الشعبية عندج نايف والوصل والسوق الكويتي وسوق مرشد...

أتمنى لج رحلة موفقة مع أبنائج أن شاء الله ..وحياج الله في دار زايد أختي وأي سؤال حاضرين للطيبين..

شوفي اختي الحين توها فاتحة ملاهي ستار جيت في حديقة زعبيل بالمررررة تجنن

عن خبره في دبي احلى واضخم مول الامارات مول هذا يبي له 3 ايام وما تخلصين من التمشي فيه

و برجمان الجديد طبعا هذولي المولين كل الماركات فيها

والاسواق الشعبيه سوق نايف و ابو هيل للعبايات