السلام عليكم
هذي افكار جمعتها من المواقع الاجنبية يمكن للشخص انه يبتدي فيها بدون راس مال كبير ويطلع منها عائد مجزي
1- بيع الماء : اشتري كرتون (24 علبة) طبعا راح تكون تكلفة القارورة ارخص وبيعيها بريال او حسب سعرها في بلدك
ممكن تاجرين عامل يبيعها لك عند الاشارات خصوصا في الصيف الناس ميتين عطش او تبيعينها في مكان عملك
2- طباعة البحوث وهذي انذكرت في المنتدى وهي انه لو تعرفين تكتبين وتنسقين بحوث وتقارير ودفاتر تحضير حقت المدرسات فاعرضي مهارتك للكل
او اذا لك معرفة باي برنامج سواء للبرمجة وغيره ممكن تسالين اي شركة وخصوصا الصغيرة عن رغبتها باي برنامج عشان تصممينه لها
3-بامكانك بيع الاغراض اللي ماستعملتيها او كان استعمالها خفيف على غيرك او في موقع ebay (للاسف ماعرف طريقتهم) بس مرة سمعت قصة عن واحد باع دبوس اوراق وشرى شي ثاني اغلى وباع واشترى وفي الاخير جمع مبلغ كبير وعنده عقد لتقديم برنامج << يعني في الموقع بتلقون ناس تشتري اشياء غبية
كمان ممكن تشترين الاشياء الخربانة وتصلحينها وترجعين تبيعينها
(مثل واحد سعودي عاطل تسلف من اخته واشترى مكيفات برخيص ويقوم يصلحها ويبيعها بربح وشوي شوي بدا يتوسع وصار الحين شريك وكيل احد شركات التكييف المعروفة ماشاءالله)
4- اشتري بضاعة مثل حلويات او اي شي ثاني بسعر الجملة وبيعيها على العائلة او في اماكن العمل
5- اشتري خرز واحجار وسلاسل وسوي منها اكسسورارات باشكال حلوة ومختلفة عن اللي في السوق (دوري على التصاميم في النت)
6-اذا تحبين الخياطة اشتري اقمشة واكسسورارات وسوي منها تلبيسات سواء للجوال او لاغراض المطبخ مثل ترامس القهوة والشاي او علبة المناديل وسلة المهملات وغيره
7- اذا لك طولة بال وتعرفين تستخدمين مكياج بامكانك تزيين وجوه اللي تعرفينهم وبمبلغ معقول
8- شاطرة في الطبخ ابدأي بطبخات بسيطة وغير مكلفة وفي نفس الوقت يكون لها طعم يعني مو مجمدة وتتسخن وقت الطلب
9- عندك سيارة وسواق ماتحتاجينهم طول الوقت ممكن يوصل الناس بفلوس
10- ممكن تستاجرين او تشترين الة للقهوة (اللي تحطين فيها فلوس وتطلع لك كوب) وتحطينها في مدرسة او مكان عمل (اذا وافقت الادارة)
11- ممكن تشتغلين مدرسة خصوصية لاي مادة شاطرة فيها
بنت ابوها @bnt_aboha_1
عضوة شرف في عالم حواء
يلزم عليك تسجيل الدخول أولًا لكتابة تعليق.
مساء الخير
بصراحه مشاريع وافكارروعه بس تبيلها شوية تصميم.
وبكل امانه وصدق اقول جزاك الله خيرا وبارك لك في رزقك وسهل جميع امورك وامورنا والمسلمين اجمعين.
بصراحه مشاريع وافكارروعه بس تبيلها شوية تصميم.
وبكل امانه وصدق اقول جزاك الله خيرا وبارك لك في رزقك وسهل جميع امورك وامورنا والمسلمين اجمعين.
الصفحة الأخيرة
جزاك الله خيرا وعليكم بكثره الإستغفار يرزقكم الله من حيث لا تحتسبوا