السلام عليكم ورحمه الله وبركاته
كيف حالكم جميعا ***** الله تكونو بخير وبصحه وعافيه .. حبيت احكي لكم قصتي مع حبيبي الله يرحمه ويغفر له ويجعل قبره روضه من رياض الجنه..
رحل منهو يسليني .. وصار اليوم في قبره
رحل عني وفارقني .. حزين وصرت في حسرة
ذكرته يوم يحاكيني .. وهالبسمات من ثغره
ذكرته يوم يواسيني .. اذا ما هلت العبره
ذكرته يوم يشكي لي .. عن همومن ملت صدره
ذكرت وهلت ادموعي .. وصار الفكر في اسره
حبيبك راح ياقلبي .. ولا حتى تشم عطره
وظلك مات ياظلي .. سكن وياه في قبره
بحكي لكم قصتي الي اشبه بلخيال خمس شهور مرت وكانها حلم غفيت على قلب انسان وماتمنيت اصحى من هلحلم وصحيت على نهايه هزت كياني غيررررت حياتي دمرتني ااااه راح الغالي راح الانسان الي الناس تشهد بطيبه واخلااقه راح الانسان الي ماجرحني راااح ..
بلبدايه انا بنت عمري 20 سنه تزوجت وعشت حياه مع هلانسان غييير كنت في حلم مايرفض لي طلب كان طييييييب مايجرحني مر اول شهر والثاني والثالث ونا كل يوم لابسه لابس غير ومتشيكه وطالعين نتونس كنت احس بشعور ررر غيير كل وقته يضحك وينكت والبسمه على شفاته معي ومع غيري .. لو مرضت مايخليني اقوم من السرير مرت خمس شهور من زواجنا وكل يوم مكانته بقلبي تكببر كل يوم اكتشف فيه شي غير حلو .. وفي يوم من الايام طلبني نسافر مكه نسوي عمره وكمان لاان عمه تعبان وبيزوره قلنا بنروح نتعتمر ونزور عمه قبل ذاك اليوم الي نسافر فيه استشورت شعري تعطرت لبست فستان عارفين توني عروس :) شافني الغالي وقال .. يوووه احسك اليوم غيرر حلووه ..نزلت عند اهله وسلمت عليهم وسولفت معهم وبعد كذا رحنا لااهلي وسلمنا عليهم وقلنا لهم احنا بكرا نبي نسافر نعتمر .. جاء اليوم الثاني لمينا اغراضنا مرينا نودع اهلينا ومشينا كان يقول سبحان الله يمكن هاذي اخر مره نكون فيها هنا .. مشينا طول الوقت وحنا نسولف ونضحك اااه كانت اخر ساعت اقضيها مع الغالي .. وحنا ماشين مرينا من عند بحر نزلنا شوي سولفنا ماادري يابنات وربي كنت حاااااسه انه بيصير لنا شيي قلت له (لو مت وش وصيتك ) ماادري كيف طلعت مني هاذي الكلمه.. قال اتمنى انك ماتتقاطعون انتي واهلي .. ذاك اليوم مر احس باحساس غريب ضحك وهستره وحاسه بشي هيصير سبحان الله.. مرينا الميقاات احرمنا .. ومشينا وشوي الى تجينا سياره من اليمين زوجي حاول يبعد عنها شوي كان يقول الفرامل علللللقت سبحان الله السياره توها جديده مالها الى شهرين مشى شوي وعلى طول جات سياره من قدامه من جهته ااااااه خلالالالالاص ماحسينا بشييييي انا اخذوني المستشفى وهو على طوول ماات ااه كفنوه بااحرامه وصلو عليه بلحرم ونا ضليت بلعنايه المركزه شهرين بغيبوبه كانت معي كسور ونزيف بعد الشهرين طلعوني بتنويم كنت مااقدر اتحرك من الكرسي ولااجلس ورقبتي فيها كسر وكنت اسئلهم وين فارس تقولي امي فارس جت بعثته الي بستراليا واجبرناه يسافر سبحان اللهَ ربي ماڪتب نزلت بعد وفاتهَ.. احززن واقول ليش مايجي يزورني كانو يصرفوني وينسوني مرت الايام ونا استناه يجيني وفي يوم جاء ابوي وجلس يناظرني من بعيد ونا اشوف بعيونه دموع قلتله شفت فارس قال لا فارس يبيك تدعيله هو راح بعثته .قلتله طيب وليش تبكي كان حزيين قلتله امانه قولي وش في فارس ابغى اكلمه قولوله يجي يزوني قال انتي تومني بربك وبقدره قلتله ايوا قال فارس محتاج دعااائك حسيت كان صخره طاحت على قلبي قلتله لالالا تقول مات والله فارس مايخليني قال فارس مات الله يرحمه ادعيله ونتي ***** الله تقومي وترجعي لنا بصحتك راح الغالي وراحت ايامي الحلوه الي عشتها معاه مابقت الى هداياه.. وذكرياته ورسايله ..رقمه لسى مخزنته كل يوم ارسل لرقمه الي بخاطري اااه يافارس رحت واخذت معك كل شيي حلو راحت ضحكتي من بعدك وراحت احلى الايام .. الحين انا لسى ماامشي محتاجه عمليات دعوااااتكم لي كل مانروح مستشفى حكومي يقولو مافيه كراسي وانتظار ومدري ايش افكر اسوي عمليه في مستشفى خاص بس عمليات الكسور ودي الحاجات غااااليه واهلي ماعندهم تكفوون الي عندها احد يقدر يمشي اموري في اي مستشفى الله يجزاها خير تعبت ماادري من وين الاقيها ..اهله .... خلوني مايزوروني مادري ليش وربي ماضريتهم بشي في الخمس الشهور بس خلاص هاذ حظي احسسن شي ان الغالي ماات وهو راااضي عني ونا رااضيه عنه اما الناس مايرضيهم شي
!! و الله يخليلي اهلي ولا يحرمني منهم واخيررا دعواتكم
اللهَم آجـِـرني في مصيبتي و اخلفني خيراً منهَا واشفني ياارحم الراحمين
اللهَم ان ڪان زوجي من المحسنين فزد في حسناتهَ وان ڪان من المسيئين فتجاوز عن سيئاتهَ
..
غـــــآليه @ghalyh_42
عضوة جديدة
كمْ أتمنىْ ان اذهب الى ذلكٌ المِكان كل يِوم..!لِـ ألقي عليٌك التحية واقبل ترآبك↘↙قصتي
61
6K
يلزم عليك تسجيل الدخول أولًا لكتابة تعليق.
الصفحة الأخيرة
لي رجعه ****لله