رفع

السلام عليكم ورحمة الله وبركاته

عــــــــــــدنا .. عفوا اعتذر عن التاخير لاني كتبت رد العطور وانشغلت ونمت :22: واليوم قلت اكمل ردي ..


ما دام بنت خالتك مو زياده مع المكياج لا تشتري ميكب زايد ..

خليها تركز على الاساسيات مثل ما قالت ..

خليها تشتري ..

1- كريم اساس سهرات (ثقيل شوي وتغطيته اقوى )
دام انك قلتي ان بشترها دهنيه بردك للاخت بدر البدور .. انصحها تاخذ اساس كانيبو او فورايفر (مات فيلفيت ) او جيرلان (ديفنورا ) << كلهم حلوين ومناسبين للبشره الدهنيه
طبعا علشان تعطيها نتيجه حلوه ضروري تحط بيس قبل الاساس بدقايق .. و لو بشترها دهنيه بزياده خليها تجرب بيس فورايفر ( all mat ) وايد يمدحونه ويقولون يتحكم بافرازات الدهون ..

اساس جيرلان ديفنورا ..





اساس فورايفر مات فيلفيت ..




2- كريم اساس يومي (خفيف وبتغطيه جيده )

الصراحة ما في شي معين ببالي .. خصوصا البشره الدهنيه تحتاج كريم اساس له مواصفات خاصه .. بس خليها تشوف كريم اساس ماكس فاكتور .. او كريولان (عنده خط اساسات خفيفه الى حد ما وتغطي )
واذا تحب ممكن تكتفي بوضع البيس ثم الكونسيلر على الاماكن اللي تحب تغطيها ثم تحط بودره


3-كونسيلر (يفضل تاخذ لها اثنين بحيث يكون واحد للسهرات وواحد خفيف لليومي بس دام انها مو زياده مع المكياج اعتقد يكفي واحد)

حبوبتي الكونسيلر له عده صيغ (ستيك وكريمي و سائل ومضغوط .. الخ )
الستيك و المضغوط << تغطيه ممتاااازه
السائل و الكريمي << منظر طبيعي اكثر وتغطيه جيده

على حسب هالاتها والعيوب اللي تحب تغطيها تختار الكونسيلر .. لو هالاتها لونها غامق خليها تاخذ الستيك او الكريمي ولو هالاتها عاديه بنيه فاتحه.. خليها تاخذ كريمي او سائل .. ok


* الستيك .. ما احبه ولااا اعرف شنو الزين فيه بس اشوف البنات يمدحون ماكس فاكتور الاصبع
* المضغوط .. فورايفر الباليت جداا حلوه وخصوصا ان فيها عده درجات
* الكريمي .. استخدم هلينا روبنشتاين و الصراحة روووووووووووعه جدا طبيعي وحلو على البشره غير مبالغ فيه
*السائل .. الصراحة ما عندي فكره !! بس اعتقد تحصل هالنوعيه من الكونسيلر عند ماك .


4- بودره مضغوطه و بودره سايبه (احلى للسهرات )

خليها تختار شنو تحب وترتاح باستخدامه اكثر ..

بس خليها تنتبه ان البودره السايبه راح تساعدها على وضع مكياج العين بدون ما تخرب الاساس ولذلك بوضع كميه من البودره السايبه تحت العين .. وازالتها بعد الانتهاء من وصع مكياج العين (قبل وضع المسكرا علشان ما تغبر )

وطبعا كل بودره لها مميزاتها وعيوبها ..

ولو انا بمكانها الصراحة راح اخذ النوعين :22: لان كل نوع له احتياجاته


يمدحون بودره جيرلان الجديده المضغوطه .. الصراحة ما جربتها بس اثق بجيرلان و مبين عليها حلوه





5- 5 -7 الوان شدو

اعتقد كفايه لو تاخذ الالوان الاساسيه (البني .. الاسود .. البيج .. الموف .. الكحلي .. الوردي .. الذهبي )
على حسب الالوان اللي تحبها .. يمكن ما يكون كميه كبيره بس نظرا لانك قلتي انها مو بزياده مع المكياج لهذا السبب اعتقد 5-7 كاافي ويمكن ما تستخدمهم ..

ارشح شدوات ماك .. و فورايفر .. وجيرلان ..



6- 2-3 بلاشرات

مشمشي .. وردي .. برونز <<< كاافيه

بلاشرات ماك حلوين .. و بودي شوب .. و لانكوم .. ونارس



7-5-7 ارواج و قلوس

شوفي .. خليها تشوف شنو الوان ملابسها وشنو الالوان الارواج اللي تناسبها وتشتري الارواج على هل الاساس ..
(الوردي الفاتح .. الوردي الغامق .. اللحمي الفاتح .. اللحمي الغامق .. الاحمر .. العنابي )


لا تنسى تاخذ قلوس شفاف بلمعه ذهبيه << تحطه على اي روج بيعطيه جاذبيه


8- لب لاينر = تحديد شفايف

طبعا على حسب الوان الارواج تاخذ المحددات

وممكن اذا عجبها لون محدد تاخذه وتحطه على الشفايف .. ثم تحط فوقه قلوس شفاف او لابيلو (مرطب شفايف ) وبيطل لوون حلوو


9- لمعه

لمعه لتحت الحاجب ( نايلون ماك .. فورايفر .. جيرلان )

لمعه لما بعد الاساس .. ارشح وبقووووووووووووه .. دايموند كريم من فورايفر .. رائـــــــــــــع @@



10- اي لاينر و كحل ( لو تحب خليها تاخذ كحل ملون مثل كحلي وزيتي .. الخ )

اي لاينر لانكوم حلووووووو
ويمدحون ايلاينر محمود سعيد

اقلام الكحل .. ماك .. فورايفر .. بودي شوب .. بورجواز ..


11- مسكرا ( افضلها تاخذ ثنتين .. مكثفه ومطوله للسهرات ..... و مكثفه لكل يوم )

احلا مسكرا وبدون نقااااااش سان لوران الذهبيه << خطيرررررررررررررره

ومسكرا ماكس فاكتور 2000 الكحليه .. واااي عليها تينن .. وايد وايد وايد وايد حلوه



اعتقد هذا الكولكشن كاافي .. خصوصا انها مو واايد مع المكياج .. ما اتصور انها بتستهلكه كثير .. واذاكانت تنوي ان اذا صارت عندها مناسبه تحط مكياج بصالون شطبي على كلشي قلت لك انه للسهرات والمتاسبات .. لان حرام تشتريه ولااا تستخدمه ويخرب وتقطه !!!!




موفقه ان شاء الله انتي وبنت خالتك وربي يتمم عليها على خير وعقبالك :26:

ادخلى هذا الرابط

http://alfrasha.maktoob.com/showthread.php?t=402902

ياعمري عليك يابنت ابوها عن جد ماقصرتي

يعطيك الف عافية

كفيتي ووفيتي