السلام عليكم ورحمة الله وبركاته ..
اخواتي الحوائيات بصراحه انا اموت في الأطفال واتضايق :44:لمن اشوف احد يسيئ لهم
وبصراحه اللي خلاني اتكلم اني من امس وانا متضايقه من موضوع ( يمكن انا حساسه شوي )
وابغاكم تشاركوني وتصوبوني ان كنت على خطأ ابغى ارائكم ..
السالفة وما فيها اني قبل امس يوم الأثنين كنت رايحة لسوق الفيصلية انا وبنتي الله يحفظها
وجلسنا نتعشى في المطاعم اللي فوق المهم واحنا جالسين كان فيه الطاولة اللي قدامنا مباشرة
طفلتين اعمارهم بحدود 4-6 سنوات ومعاهم شغالتين فلبينيات والبنات ماشاء الله عليهم يتكلمون انجليزي بطلاقة وكانت البنت الكبري ( 6سنوات ) تتكلم مع الشغالة بشوية حدة وكانها تطلب منها شي
انا بصراحه مااسمع وش يقولون وشكل البنت عصبت شوي على الشغالة والشغالة كانت توجه لها نضرات
كلها شرر وتطاير عيونها ( انا خفت )
المهم وكانت نضراتها تحاول كمن يريد ان يضرب او يهم بالضرب والبنت لاحول لها ولاقوة
وفجأة الشغالة تجمع فمها للامام و تتفل ( تبصق ) في وجه البنت . . البنت في تلك اللحظه خافت
وسكتت وانزوت في مقعدها ... ياقليبي عليها روعتها حسبي الله عليها
وبرضه الشغالة تنظر للبنت بكل شراسه ..
انا في هذيك اللحظه توترت اعصابي والله ما اعرفت آكل حتى بنتي لاحظت وقالت ياماما ما عليك منهم
كان ودي اقوم واعطي الشغالة كف او اتكلم عليها بس خفت لو جت امها بتقول وش دخلك ومن هالكلام
وكانت ام البنتين رايحه تطلب الأكل وجاءت ومعها و حده ثانية .. والله بغيت اقوم واكلمها واقولها عن اللي صار
لإن مو بعيده هالشغالة في مكان عام تسوي كذا ... اجل اذا صاروا بروحهم وش تسوي لهالبنت المسكينه
وترددت وبنتي ما شجعتني قالت مالنا وللمشاكل وبعدين اللي ما خلاني اتشجع ان الأم ومعها اختها
(شكلها كذا ).. كانوا لابسين عبايات مخصرة ومزكرشة وكاشفين وجوههم ... انا ذا النوعيات ما احب اتعامل معاهم ..
برأيكم هل سكوتي غلط وإلا المفروض اني انبه الأم .. و ما اوقف مثل المتفرج .
يمكن البعض يقول كبرتي المسألة وهي صغيرة بس والله من امس وانا الوم نفسي ..
ما ادري انتم وش رأريكم ؟؟
لاتحرموني من مشاركاتكم..
وتقبلوا مني كل محبة وتقدير .
عزوزة @aazoz_1
محررة برونزية
يلزم عليك تسجيل الدخول أولًا لكتابة تعليق.
قدر الله وماشاء فعل
حلو الاهتمام والاحلى النصح وماعليك من شكل امها
بس انك تنبهين الام الصراااااااااااااااااااااحه موقف مليون بالميه ماترضاه الاجنيبه (انتى) للبنت
كيف بترضاه الام لبنتها ؟؟؟؟؟؟؟؟؟؟؟؟؟؟؟؟؟؟
مع انى شكيت قد ما تكون بنتها ؟؟؟؟
ودايم اذا صرتى بموقف كذا تخيلى نفسك مكان ذيك الام وبنت الى بسقطت عليها الشغاله
وش موقفك ودك احد يعلمك والا تقعدين زى الاطرش بالزفه .........؟؟؟؟؟
وطبعا شىء مهم الاسلوب وطريقه التنبيه
حلو الاهتمام والاحلى النصح وماعليك من شكل امها
بس انك تنبهين الام الصراااااااااااااااااااااحه موقف مليون بالميه ماترضاه الاجنيبه (انتى) للبنت
كيف بترضاه الام لبنتها ؟؟؟؟؟؟؟؟؟؟؟؟؟؟؟؟؟؟
مع انى شكيت قد ما تكون بنتها ؟؟؟؟
ودايم اذا صرتى بموقف كذا تخيلى نفسك مكان ذيك الام وبنت الى بسقطت عليها الشغاله
وش موقفك ودك احد يعلمك والا تقعدين زى الاطرش بالزفه .........؟؟؟؟؟
وطبعا شىء مهم الاسلوب وطريقه التنبيه
الصفحة الأخيرة
بس انتى غلطانه كان اقل شيء قلت لي امها ويش ذنب البنت الصغيره حسبي الله على الشغالت والامهات لى ما ينتبهون للعيال