معلمات الدين للمرحلة المتوسطة ضرووري قبل يوم السبت

حبيبتي ياليت ان كان في الكتاب عناوين للاحاديث المطلوبة تكتبينها علشان اقدر اساعدك

مشكوره أختي على ردك

على فكره الكتب الجديده مافيها عناوين مثل أول

بس راح أعطيك عنوان الحديثين من الكتب القديمه

الحديث الاول/النهي عن إضاعة الوقت والمال.

الحديث الثاني/العبرة بصلاح القلوب.

وانا بانتظارك...

بالنسبة للحديث الاول ينطبق على وقتنا الحالي واقرب مثال الزوجات وما فيها من اسراف وتبدير وقد قال عز وجل (ولا تجعل يدك مغلولة الى عنقك ولا تبسطها كل البسط ) فقد نهانا عز وجل في الاية السابقة عن الاسراف
وكثرة الكلام في الزواج وبعد الزواج مثل شفتي فلانة وش لابسة والاتسريحتها تحوم الكبد.

الكلام السابق يكون ربط بالواقع .....معليش ابروح اصلي وارجع لك بكلام مرتب بس يمكن اتاخر شوي

شوفي يالغالية ابقولك عن فكرة قد سويتها وعجبت المشرفة حقتي
اولا غلفت لي هدية زين وبعد مادخلت على الفصل وحلينا الواجب سوا طلبت منهم انهم يسكرون الدفاتر وبعدين طلعت الهدية وقلت لهم عندي سؤال واللي بتحلة بتحصل على الهدية وانبسطوا البنات وانشدوا لي وعلى احر من الجمر ينتظرون السؤال وكل وحدة تبي تجاوب قبل الثانية لدرجة ان بعض البنات رفعوا يديهم قبل ما اطرح عليهم السؤال ههههههههه وانتي ان عجبتك الفكرة وش رايك تسالينهم عن شي يوصلون من خلال اجاباتهم الى موضوع الدرس ويكون اللي سويتية كلة تمهيد للدرس مثلا اساليهم عن حال الاعراس في الوقت الحاضر وهم بيعددون لك وش اللي يحصل فيها من اسرف وغيبة ونميمةواضاعة وقت من اهم الاوقات وهو النصف الاخير من الليل

قال صلى الله عليه وسلم "لا تزول قدم عبد يوم القيامة حتى يسال عن اربع عن عمره فيما افناه ، وعن علمه فيما فعل به وعن ماله من اين اكتسبه وفيما انفقه وعن جسمه فيما ابلاه"
ما ادري اكمل والا خلصتي من التحضير