بسم الله الرحمن الرحيم
صباحكم عسل ................................
ومساكم سكر ...............
انا جبت لكم اليوم وصفه من مطعم لونوتر العالمى ذقتها عندهم وخذيت الوصفه
لكم
ما امدح فيها بس صدوقنى اللى تسويها لازم تتطبقها حرفيا وتتمتع بالطعم الخيااال
سلطه خفيفه ولذيذه وتصلح للريوق
مكوناتها :
حلوم مقطع مكعبات ومشوى قطع سميكه بنفس العرض والطول 3 سانتى
توست مقطع نفس الطول ومشوى بشوية زبده واعشاب عطريه ( كزبره / روزمارى : حبق )
تغرز شريحه من التوست وشريحه من الحلوم وبعدين شريحه من التوست فى سيخ خشبى قصير
بالتتابع وتشوى بشكل سريع ع الطاير وانتبهوا لا تاخذ اللون الاسود مجرد تشويحه سريعه
يفضل تكون هالخطوة اخر شى قبل التقديم حتى نحافظ على حراره الحلوم
فى طبق التقديم :
نحط جرجير مقطع كبار
طماطه صغيره مقطعه طوالى من غير البذور ( مو كثير يكفى اربع جوانح طماط )
مشروم ( مقطع شرائح تقريبا 3 ملاعق
جوز مكسر بالايد ملعقتين
بيديانه صغيره مقطعه جوانج كبار تقريبا 4 قطع ومقليه
الصوص :
4 ملاعق روب مضاف له ملعقه صغيره زنجبيل طازج مفروم + ملح + سنة ثوم ( نتفه )
طريقة التقديم :
نحط الجرجير والمشروم والجوز و و جوانح الطماط والبيديانه بشكل عشوائى
مخلوطين
وفوقهم الصوص .................لا تكثرون مجرد توزيع بالملعقه
واااخر شىء نحط اسياخ الحلوم والتوست فوووقهم على شكل x
الكميه تكفى اربع اسياخ
بيصير الطبق .........................................قمه
وصدقونى
هالطبق ذوووووق بس مشكلتى ما صورته
ووصفه راقيه ............................................للناس اللى تحب الذوق بالاكل
ومن ( جوانا @ )
جوانا @ @goana_11
محررة
يلزم عليك تسجيل الدخول أولًا لكتابة تعليق.
رهيبه ماشاء الله عليك
بس لو تصورينها نفهمها اكثر مافهمت بعض الاشياء
روزمارى ؟؟؟
حلوم مقطع مكعبات ومشوى سميكه ؟؟؟
بس لو تصورينها نفهمها اكثر مافهمت بعض الاشياء
روزمارى ؟؟؟
حلوم مقطع مكعبات ومشوى سميكه ؟؟؟
الصفحة الأخيرة
اتوووووووقع طعمها روووووووووووعه
وياليت المره الثانيه تصورينه يمي يمي
مشككووووووووورة