كان عندي سهرة صديقات وسويت سفرة صغيرونة
على فكرة العزيمة قد اكلت عليها الايام وشربت يعني قديمة شوي بس شفت بنات حواء يحطون سفرهم
قلت يالله مع الخيل يشقرا ومن زمان الصورة بالمحفوظات عندي تعرفون لازم نسوي توثيق لاي شي نسويه
عشان مايجحدوني البنات بعدين ويقلون ماقد بسطينا
المهم الصور عندكم والي حابة وصفة من وصفاتي تسالني وانا حاظرة للحلوين
قبل ماطبخ دايم يهمني ان تكون القيمة الغذائية متوازنة
وقبل مايجو الضيوف اعلق جدول على الثلاجة عشان مانسى شي
الي في الصينية البيضاوية برياني لحم ومغطيته بعجين صراحة مابقى منه حبة رز
وسموسة هندي الي هي مثلثات تجنن
وسمبوسة مسويتها اختي لاتسالوني
وشوربة عدس وخظار بتهوس خفيفة ولذيذذة
والي في الصينية حقت ام الشموع فيها مكعبات سمك وربيان طريقة هندية بمعجون الكاجو والزنجبيل والتوم مابقى شي
وساندويتشات مكسيكية بخبز التورتلا قليلة في حقها لذيذة فيها خظار ودجاج وهي عشان الصغار
لان الاكل فلافل تشوط السان
وسلطة مكسيكية وقليل في حقها لذيذة
وصوص زبادي تبع البرياني
وعصير مانجو طريقة هندية برضو
ولبن على الطريقة الافغانيه بيهوس
والسويت
فطيرة تفاح الحشوة انا مسويتها والكرز الحشوة علب
وكشك الامراء بموية الورد ياكشك الامراء هو الي يحكي عن نفسه مو انا
وسلطة الفاكهة لا تدققون هههههههههههههه في احد مد يدة على العنبات توي انتبه منتفه
ترى كل كلامي مو مدح وخراط فاضي بس والله ومن فضل ربي وفقني وطلع الاكل زين
وسلامتكم اترك المايك لكم :)
ماشاء الله سفررره تحوووووفه راااائعه
بس ياليت تحطي الطرق ياعسل