مــــــــــــرحــــــــــــــــبــــــــــــا فــــــــــــــــراشـــــــــــــــــــــــات حـــــــــــــــــــــــــــــــــــواء
بصراحه اشكركم من كل قلبي علشان استفدت من تجاربكم كنت اقراء مشاكل البنات واشوف حلول البنات
لين جاء ذاك اليوم كنت اذا زعل زوجي مني اجي بسرعه اراضيه ماخليه كنت لزقه وكان الغلط عليه مو مني
كنت احاول اراضيه بس هو كان ما يرضى كان يسب فيني وانا ابكي عنده اقوله كل هذا الكلام لي يقول ايه
ويقول انا طفشت منك ويروح يطلع مايرجع الا الساعه 12ص يروح الغرفه اللي جنب غرفة النوم يقفل
الغرفه وينام وانا اروح ادق عليه الباب ابي اراضيه وهو مطنش بعدين يجي هو يرضى بعد محاولات مني
ومره زعل مني وطبعا الغلط عليه وطلع من البيت زي العاده وانا قاعده اتصفح المنتدى دخلت على حياه اسريه
سعيده واقراء مشاكل البنات وتكون مشابه لحالتي واشوف حلول البنات جزاهم الله خير
قلت خلاص بطبقها واشوف وكانت اني اسوي واجباتي كلها من غير ما اكلمه
اكشخه في ملابسي ابخر الغرفه واعطرها واقعد مبسوطه مو مكشره او حزينه علشان مايحس اني ندمانه او ميته من الزعل علشان مايكلمني يمشي يومي عادي كانه ما صار شيء
والله يا بنات اليوم الثاني قام معصب يبغى يدور مشكله ما لقى شيء دخا المطبخ يبغى يشوف سويت غداء
مالقى دخلت غداه داخل الفرن انا تغديت وبخرت البيت وسويت القهوه والشاي كل شيء جاهز
جاء سال ليش ما سوتتي غداء قلت من قال سويت والحين اجيبه حسيت انه انقهر
وانا قاعده اتقهوى عادي واسولف مع اختي واضحك وهو يناظر فيني متعجب يحسبني بزعل على فراقه
والله يابنات يروح ويجي من قدامي انا جالسه بالصاله وهو يروح المجلس ويجي يجلس بالصاله ويروح غرفة النوم
ويشم ريحت البخور والفواحه يبغى يلفت نظري وانا كاني ما شوفه ويطلع من البيت يمكن طلع ودخل 4 مرات
ويقعد في المجلس احسه كانه منتظرني لكن يحلم اجيه ويجي يقول تبين شيء من برا اقول له لا
مو احنا تزاعلنا يوم الخميس بالليل يوم السبت جاء يراضيني وانا اسوي نفسي زعلانه وانا من داخلي فرحانه ماينفع معكم الا كذا يالله رضيت بعد محاولات منه
جزاكم الله خير لولا الله ثم انتم ما انحلت مشكلتي شكرا :)
يلزم عليك تسجيل الدخول أولًا لكتابة تعليق.
ياقلبي عليك والله انك سنعه شفتي كيف هالأسلوب وبس اللي يمشي مع الأغلبيه اهم شي حقوقه كامله وبس
..sky
•
انا زوجي اذا زعلنا من بعض ليته يطلع من البيت يبقى صاااااااااااااامت ولا كلمه ومستحيل يراضيني لازم انزل نفسي له واراضيه واذا راضيته يقول انا بعد آسف بس مايقولها الا اذا انا بديت هذا اللي يقهرني يسكت ومايقول شي وانا اهاوشه اقول طيب قل كلمه يقول وش اقول انتي تخلقين المشاااااكل ههههههه الله يعين عليهم كل واحد من الرجال له طبع يرفع الضغط
الصفحة الأخيرة
الله يسخره لك يارب