قصة ولادتي بثاني يوم من الشهر التاسع

بسم الله الرحمن الرحيم
طبعا بالبداية بدي اشكر كل البنات اللي باركولي بولادتي وهنوني بمجيء مولودي حبيبي كنان
انا كان اخر دورة يوم 21 _4_2010 .......وموعد الولادة 28_1_2011
بدت القصة من يوم 25 _12_2010 اصبت بانفلونزا حادة جدا وكحة قوية وصعبة والله متت منها الحمد لله فرحت لمراجعة الدكتورة حتى تصرفلي دوا للانفلونزا وارتاح شوي .....لما فحصتني بالسونار استغربت انه راس البيبي نازل كتير بعنق الرحم وطلبت تفحصني داخلني ......وبالفحص الداخلي طلع عنق الرحم مفتوح ورطب ومتوسع 3 سم ......بصراحة انا خفت كتير بس الدكتورة طمنتني انه ما في خوف والمهم ارتاح حتى اتعدى اول اسبوع بالتاسع بكون احسن للبيبي ......وضليت نايمة ثلاث ايام مرتاحة واشرب ادوية الانفلونزا ....وخفت الانفلونزا ولله الحمد ......وغي يوم الثلاثاء الماضي الساعة الثالثة صباحا ليلة الاربعاء بدا معي مغص قوي جدا ويرافقه اسهال (اكرمكم الله)واصبح كل ربع ساعة يشتد الالم ثم يختفي انا خفت كتير بس الكل طمني انه هاد مش طلق هاد اكيد برد او اني اكلت شي مش نظيف سببلي اسهال ........المهم المغص صار يشتد وصار يرافقه وجع بالظهر الساعة التاسعة صباحا اصبح المغص يشتد كل خمس دقائق ....اتصلت بزوجي وعاد من عمله وذهبنا للمستشفى ......في قسم النسائية فحصولي توسع طلع 5 سم وتركوني بالغرفة الطلق .....وصار الطلق يشتد بسرعة والتوسع يزيد وعلى الساعة الثانية ظهرا من يوم الاربعاء 29_12_2010 اصبح التوسع 9 سم وادخلوني غرفة الولادة وانا اصرخ واصرخ من شدة الالم وكان كل الطلق بظهري وفجاه حسيت اني بدي اتبرز (اكرمكم الله)ودفعت دفعة واحدة وخرج البيبي كامل من بطني مرة واحدة ثم نمت وارتحت .......وصحيت على الممرضة تقول لي قومي انت اولدتي وجبتي ولد والولد صحته ممتازة وما يحتاج للحضانه والله كانت لحظة لا تنسى وفرحة رائعة الحمد لله .............انجبت ولد وسميته كنان وكان وزنه عند الولادة 3350 غرام وطوله 50 سم الحمد لله كانت ولادة سريعة ومفاجئة للجميع ولي انا اكثر شي ...........