OceaN_TearS @ocean_tears

عضوة نشيطة

اللـي مانفعـت معـاهم الخلـطات يمـكن يـكون هذا الـسبب؟

الـسلام عليـكم ورحمة اللـه وبركـاته ،،

حـبيبـاتي آنـا بس لاحظت شـغلة وحبيـت أقولكم عـليها .. وأكيد الـكل يعـرفها ولكن مو الـكل يحط فـباله إن هـذا السبب لأني أشـوف وايد بـنات يتهمون صـاحبة الـخلطة انهـا تجذب عليهم أو انها تبـالغ ويدعون عليـها اذا ما نفعت ويـاهم الـخلطة !! واهـيه مسـكينة تكون على نيـاتهـا ،،

حبيـت أقولكم يـاليت لمـه تاخذون مقـادير الـخلطة تتـأكدون انهـا اصـلية لأني اكتشـفت ان صـابونة غـار فيـه منهـا أصـلي وفيـه منهـا لأ .. وكريم الـجيلـيسوليد الأحمـر ( الجلسرين ) هم فيه منـه أصـلي وتقليـد .. اللي عليـه ختمه إهوه الأصـلي واللي مـا عليـه ما اعتقد انه اصـلي .. وأكيد التقليـد ما اييب نتيجة مـثل الأصـلي ..

والكـركم وايد بـنات يشتكون انه يضـبغ لهم لـونهم ومـايروح بـسرعه .. لأن فيـه كركم للأكـل وفيـه كركم للـجسم أدري انكم تعرفـون هالشـغلة بس في بـعد بنـات يجهلـونهـا .. الكركم اللي للأكـل ضـايفين عليـه صبـغة برتقـالية .. واللي للـجسم مـافيه صبغه يعني لا تـخافون الكركم ما يصبـغ الجسم الا اللي مـاخذه للأكـل !! ووايـد شغـلات غيره وغيـره يمكن يخـدعونكم فيـها واحنـا مو أي شـي نشـوفه نـاخذه ونصـدق لازم نتأكد انه أصـلي

وآنـا مادري الـصراحة شـلون تتأكدون اذا اهيـا اصـلية أو لأ أو من وين تـحصلون الأصلـي واللي عـندهـا خبرة بهالشغـلات تفيـد الـبنات ويـزاها اللـه خيييير :)