يا بنات ياحلوين اكيد تعرفوا الاكله هذي لان الكل يحبها واولهم انا
لكن المشكله انو بعض الناس مايضبطون العجينه وفي الاخير تخرب
المهم هذي طريقة عجينه مره ماشالله رووعه وتصير مثل القطن..وكمان تقدرون تستفيدوا منها في عمل الفطاير..
خلية النحل بالجبن 1بيضه
2ثلاث ملاعق حليب بودره
3ملعقة خميره فوريه+ملعقة سكر+ذرة ملح
4كاس الا ربع ماء دافي
5 فنجان قهوه زيت
وتخلطوووووووووووون هالمقادير بالخلاط لمدة 10 دقايق ضروري جدا
بعد كذا تضعين الخلطه السابقه في طبق عميق وتضعي عليه 2كاس دقيق وتعجنين
واذا لاحظتي انو العجينه ماتماسكت لسى زودي دقيق (انثري الدقيق بيدك) وفيه
سر ابقوله لاول مره بالعالم وعلى الانترنت
انو انا اضع 4 حبات جبنالبقره الضاحكه(مثلثات) مع العجينه واعجنها جيدا وماتصدقوا قد ايش يطلع طعم
الخليه لذيذ..المهم بعد ماتعجني زين غطي العجينه بكيس بلاستك واتركيها على الاقل
نص ساعه تخمر وانتي لاحظي لما تظغطي عليها بيغوص اصبعك بالعجينه
بعد كذا اكيد تعرفوا كيف تقطعوها دوائر صغيره وتفردوها بالاصبع وتحشى قطعه
جبن كيري وترص بصينيه(افضل تكون دائريه) وندخلها الفرن من تحت اولا ثم من
فوق تحمر تحمير خفيف.. ونصب عليها شيره وهي حاااره اوكي بالعافيه
جربوها واتمنى منكم اذا عملتوهاا تقولوا لي النتيجه \
اتفقنـــــــــــــــــــــــــــــــــــا
تورتــــــــــــــــــــــــينا