الحمد لله وجهي مورد من ماء الورد..

السلام عليكن يا بنات...شخباركن...

شوفو يالغاليات... وعن نفسي , ماباعيد كلام مكرر إلا للتذكير.. كل بشره تختلف من وحده للثانيه. بس هالطريقه الحمد لله نفعتني.. نوعية بشرتي مخلوطه.. صوب دهني و صوب عادي.. وفي الصيف أتغربل.. المهم... الكريمات اللي أستخدمهه الحمد لله OK , بس إتعرفون إن بعض الكريمات في الصيف ما تنفع.. يبيلهه وجه وجو بارد.. و ألحين المكيف ما يبرد إلا بعد ما تزخين عراااااق (يعني الوجه كله مدهن) والكريم ما يجلس عليه:05: ... إلا أن توصلت للحل.........جان جا جاااان...

ماء الورد... أخلي غرشه ماء الورد في الثلاجه... بس أرجع الظهر من شغلي و على طول , وينك يا ماي الورد.. والله إني بعد ما أنظف وجهي بزيت اللوز و أمسحه بالكلينكس, وبعدين أغسله بالماء و الصابون, وبعدين أمسحه بقطنه مبلوله بماء الورد.. و الله يا بنات.. إن تشوفين القطنه (سوده) كأنك مو مغسله وجهك توك.. و أتم أمسح لين أشوف القطنه نظيفه.. و بالليل قبل النوم (أغسل) وجهي بماء الورد ولين ينشف.. أعط الكريم إللي أستخدمه دايماً لإزالة آثار الحبوب.. وأخلي على عيوني قطن مبلل بشاي البابونج البارد.. والله يا بنات والحمد لله إن الحبوب خفت.. والهالات السوده بعد... وعلى فكره.. أنا يومياً العصر ( من إسبوع تقريباً) أعمل ماسك وهو لإزالة شوائب الوجه من حبوب و رؤوس سوده و إصفرار و عدم تناسق لون البشره.. وهذا الماسك هندي.. وتعليماته إني أحطه يومياً ألين الوجه يصفه تماماً.. وبعدين أخليه بالإسبوع مره. ومن مكونات هالماسك ( صندل+ زعفران مطحونين) أعجنهم بماء الورد .. والحمد لله تبارك الله.. هذا أحسن كورس عملته في حياتي.. لأن نتيجته اللي تبان بإذن الله بعد إسبوع.. وجه منور , مورد, منعنش....:32:

والسلام عليكن...
:26: