اريد بيتا فى الجنة :

بصوا يا بنات انا حاكتب موقف حصل لى حسيت فيه انى شاطرة يمكن البنات يتشجعوا ويحكوا همه كمان كنا فى العيد بنقضى اول يوم فى مكان زى الملاهى فى امريكا وبعدين كان فى العاب للاولاد وقفنا فى اللاين لان ابنى كا ن عاوز يركب العربيات الصغيرة. بعد كدة كان ابنى مش عارف يسوق لان مش طايل البدال بتاع البنزين" ربنا يحميه لسة صغير " و قعدت انادى على الراجل المسئول عمل نفسه مش سامعنى والله اعلم! خدتها فى نفسى وسكت:D المهم فى الآخر لقاه مش عارف يسوق راح ركبنى معاه على مضض :( و بعد شوية ابنى حب يركب تانى اضطريت اروح ما هو يوم عيد عاوزاه يتبسط و كان مع صحابه المرة دى ابنى ركب العربية لوحده وبعدين لقى نفسه مش عارف يسوق قام من العربية علشان يقعد مع صاحبه فى عربية تانية فى الوقت دة الراجل كان بدأ يشغل العربيات من غير ما ياخد باله ان ابنى بيتحرك بينهم:icon33: المهم قعد يزعق لابنى ويقوله كدة غلط ما ينفعش ومسكه من هدومه طلعه برة انا اتنرفزت منه لما مسكه من هدومه لانه طفل ما يفهمش كان الاولى ان هو ياخد باله المهم صممت ان ابنى يركب وقلت له مش الفروض تعمل كدة دة طفل ما يعرفش و بعدين كان عاوز يدخل واحد تانى بدل ابنى اتغظت اكتر وقلت له لا دة دوره هو اللى حيركب و اضطر فعلا يركبه وانا عارفة ان الموضوع بسيط بس دى كانت اول مرة اتخانق بالانجليزى :) و حسيت بعدها انى محرجة شوية لان صوتى علا شوية بس انا اتعصبت لما جر ابنى وطلعه برة وابنى اتكسف وكان حيعيط . بس خدت حقى من الراجل دة اللى كان مش طايقنى علشان محجبة . ها ! لو ما حكيتوش حاحكى لكم انا تانى.. انا مستنية هههههههههههههههههههههه

بصوا يا بنات انا حاكتب موقف حصل لى حسيت فيه انى شاطرة يمكن البنات يتشجعوا ويحكوا همه كمان كنا فى...