هذي انا بادية فيها والشغالة مستغربة وزوجي اخذني تريقة وتحطيم ويقول اشوف اذا الملابس ماجلست اسبوعين ماتغسلت؟؟

انا معاكي انتظر البنات وان شاء الله مايطولوا

اختي هنادي الله يبارك فيكي يارب ومشكورة علي الرابط0

انتظرك ترجعي وتعطينا لو نصيحة وحدة00 انتي كريمة واحنا نستاهل؟؟

اختي فوف ايش رأيك نبدأ مع بعض ونكتب يومياتنا هنا ايش سوينا صحيح ان اغلب الشغل راح يكون علي الخدامة لكن نحاول نساعدها عشان يدنا تاخذ علي شغل البيت00

وماقلتي كيف بيتك وكم غرفة انا بيتي صغير ومايتعب00

الان غرفة النوم000


1- الدولاب سويت له جرد نفس دولاب عيالي00 وحتي دولاب زوجي ماسلم مني أي شئ مر عليه سنة لم يلبس استغنيت عنه00واي شئ للعيال علي طول لغرفتهم00

2- تعرفون الارفف اللي تجي تتعلق في الدولاب اخذت منها وحدة وعلقتها في دولاب زوجي وحطيت ملابسه فيها <<< استحلال لباقي الدواليب لي!!

3- ملابسي انا البديهات رصيتها في درج والبنطلونات برمتها ورصيتها في درج
00
4- البلايز علقتها مع الفساتين وتحتها رتبت الجزم

5- طبعا بقيت الارفف اللي في الدولاب فاضية وحدة خليتها للشراشف الزيادة والمناشف ووحدة حطيت فيها الارفف ورتبت الشنط فيها0 والاخيرة فوق خليتها لمفرش السرير الثاني<<< صراحة الارفف هذي مااحب ارتب فيها الملابس احسها كبيرة مرة والملابس تضيع فيها
00
6- الشنفيرة فيها درجين وتحت دولاب صغير0 الدولاب خليته لاعمالي الفنية والدرج الاول اخذت القمصان وبرمتها ورصيتها في علبة
والدرج الثاني نفس الطريقة في علب للملابس الداخلية


7- الكمدينة وحدة خليتها لكتب الكلية والثانية درج لشرباتي ودرج لشربات زوجي( الشرابات كل زوج ادخله في بعضه زي الكورة)

8- التسريحة درج للكريمات ودرج للاكسسوارات طبعا في علب انا سويتها لو قدرت اصورها ان شاء الله ودرج للاحزمة ودرج لمكرات الشعر والاستشوار
ودرج خليت فيه اكياس زبالة صغيرة عشان لما اخرج زبالة الغرفة علي طول احط كيس ثاني00

9- طبعا فوق التسريحة مافي شئ غير فرشة الشعر وشنطة فيها مكياجي بس00


كل يوم لما اصحي اول شئ اسويه ارتب السرير وكل يومين اكنس الغرفة ومسح الشباك والجدار مرة في الاسبوع00

طبعا اهم شئ أي شئ اخذه ارجعه مكانه طوالي وممنوع دخول الاكل للغرفةولما ارجع الملابس ارجعهم بنفس النظام00

خلاص تعبت من الكتابة المطبخ والحمامات بعدين ان شاء الله

0

فكره حلوه تساعدنا لتشجيع بعض والاستمرار
وأنا مـــــــعــــــــــــــك:26:

وبيتى يا حبيبتى غرفتين وصاله ومطبخ وغرفه للشغاله ومجلس

أنا ببدأ اليوم بترتيب غرفة الاطفال وملابسهم
والعشاء راح يكون على

وأغسل ملابسى عشان أتعود:eek:


فى أنتظارك