الي تشتري من محل مكياجي تفيدني عن افضل شي عندهم

شوفى حبيبتى اناالاشياء اللى اعجبتنى وجربتها من عندهم مجموعة بلاك ايز روعة وعلبة اى شادو بس ماتصلح الالطلعات الصباحية والزيارات لان الوانهاخفيفة وماتصلح للاعراس واخذت كريم اساس نوبا اما بالنسبة للشناط ماانصحك فيها انا اشوف ان فيها اشياء مالهاداعى وسعرهاكان 450 انا اخذت شنطة وعبيتها بماركات متنوعة وعلى ذوقى اخذتها من محل مى واذابتاخذين منهم منزلين اى شادو علبة صغيرة اسمه جيتارو بلمعة ناويةانشالله اخذمنه وبس.

فيه روج عندهم اسمه صبايا

رهيب رقمه 04

وكمان بلاك ايز رهيبه

والباقي ماجربته

شوفي حبيبتي انا عندي اشياء بسيطه منه وهو محل معقول بس طبعا لايقارن بالماركات العالميه الثانيه يعني ينفع اكثر شي للصباح او للدوامات او للبنوتات المراهقات

علبة بلاك حلوه ماجربتها بس شفتها عند صديقتي بس عيبها انها تجي معها اشياء مو حلوه مثلا الماسكرا ومسكرتهم سيئه فالافضل انك تشتري كل شي على حدة

عندهم سكين جلو كريم فيه لمعه بس خفيييفه يعني تلقين لمعات احلى في محلات ثانيه

عندهم اضاءة ستار لايت حلوه خاصة الون الابيض اللمعه قويه

اقلام الكحل الملون عند حليوه وعندي الاخضر والازرق والاسود

جلوساتهم حلوه عندي جلوس صبايا رقم 3 حلووووو ورقم 11 اورنج


اخذت طقم الفراشي الصغار حقت الشدو يمكن ب25 ريال فيها فرش صغار كثير بس ندمت جدا سييييييييئه
بس الفرش العاديه الكبار مدري عنها ماجربت الا وحده واشوفها معقوله

وعندي باليته شدوات وارواج واضاءات الشدو والاضاءه حلوين بس خفيفه كثيير حقت صباح والارواج فتره بسيطه وساااااحت وصارت كانها زيت مع ان ارواجي الثانيه معها وماصارلها شي

عطورهم ماعجبتني ابداااااااا مع ان في ناس تموت على عطورهم

طبعا اساس وبودره وكونسيلر مافكرت اخذ من عندهم احس الي عندهم ماتنفع ولا بريال

يعني مثل ماقلتلك مكياجهم زوين بالنسبه لطلعات صبح والي ماتبي تاخذ مكياج غالي للدوام

وعلى فكره عندهم شركه جديده اسمها 22k ماجربت منها شي بس اتوقع اغراضها احلى من مكياجي لاني شفت كم روج منها عند صديقتي الي تجهز لزواجها وعجبتني اكثر من ارواجهم

اتمنى اكون افدتك:26:

ماقد شريت منهم لي بس اسمع البنات يمدحون علبة الكحل الكاملة :)

اي شدو ماركة نوبا عندهم حلو

والماسكرا اللي جهتين جهه مرطبه وجهه مكثفه

وبعض العطور مش بطاله