بعد هالموضوع باْذن الله حياتك جميلة وسعيدة وبالك مرتاح والاهم ربي راضي عنك

السلام عليكم ورحمة الله وبركاته
اخواتي الجميلات اللي عمرهم ماتركوني بمشكلة او هم الا وكانو لي عون بعد الله
كنّا في اجتماع للأهل وجلست انا ومجموعة من البنات بمن هم في عمري (28 29 30 ) وتقريبا حنا لنا نفس الاهتمامات وكل وحدة لها تمنياتها وهمومها وأشياء كثير ..
وبعد كلام ونقاش طويل قررنا نغير كل هالحياة خصوصا إننا مقبلين على فترة جديدة وهي فترة بعد سن الثلاثين يعني نكون اكثر نضج ونترك كل التفاهات اللي كانت ونقول انها كانت (ذكرى جميلة)
توصلنا الى نقاط كثيرة حبيت تشاركونا فيها لان الأغلب احس فيه وبهمومه وبكل شي داخل قلبه فيكم
اول شي اخلصي النية لله بكل شي تقولونه وتسمعونه وتساعدون فيه الغير وبعدها يابنات الصلاة ممكن الأغلبية يصلي الحمدلله لكن النقطة كانت هي ( اننا نبي نصلي بالوقت يعني مثل دقة الساعة نبي نكون مع الصلاة )
نجي لفقرة راحة البال تخلصي من كل الأفكار السلبية اللي بداخلك ( هاذي ماتحبني - تكرهني - تكلمو فيني - مالي داعي بالحياة - انا موجميلة - وصلني كلام انهم يحشون فيني ) لا لا يابنات كل هالكلام أنسىيه وعاملي الناس باللي انتي تشوفينه يعني خلي عندك قناعه ان كل هالناس تحبك وان محد يتكلم فيك وأنك جميلة وإذا وصلك كلام من أحد طنشي ولا كنها بالحياة بادليها بالمقابل بالحب ورح تكون بين امرك ( يارح تحبك يا رح تكفيك شرها ) وبالاخر انتي الكسبانة بالحالتين وبالتالي تنامين وتقومين على راحة بال لأنك بالأساس نظيفة من الداخل
اخر فقرة هي الأمنيات .. وييين احنا عن الدعاء والاستغفار وقيام الليل وقراءة القران والصلاة على النبي صلى الله عليه وسلم .. تبين الزواج ؟ كلنا نبي وانا أولكم من هاللحظة مع كل نبض ونفس مارح نترك الاستغفار وعيشي حياتك انك عروس تجهز لعرسها وابدأي اعتني بنفسك وجسمك واختاري قاعتك ومسكتك وفستانك لان ربي مايرد عباده أبد لذلك توقعي اي يوم تقومين فيه من النوم يكون يوم خطبتك نفس الشي للوظيفة عيشي حلم انك بمكتبك وكونتي علاقات مع الزميلات وتداومين بمكتب جميل وصباح جميل استغفري لين تحسين انك وصلتي وبتفتحين عينك وتلقين نفسك بمكتب بيوم قريب ونفسها للأمومة جهزي جسمك وغذي نفسك واختاري حتى اسم البيبي لان ربي مارح يردك أبد عيشي بتفاؤل وشوفي حلمك قدامك حقيقة وصدقيني مابعد الضيق الا الفرج والشمس لابد ان تشرق
عيشي حياتك مثل ماانتي تبين وكلام الناس خليه شي ماله أساس وصدقيني عيشي ايام عمرك بسعادة لان ماينفعك شي الا انك تكونين مع ربك بخير