لمحبي الأكل الصيني حياكم

اطباق عالم حواء

السلام عليكم ورحمة الله وبركاته
اليوم حابة أوريكم الأرز الصيني على طريقتي أكلة لذيذة وسهلة
بسم الله نبدأ بالمقادير
1صحن دجاج فيليه تقطعيه شرايح رفيعة طبعا بعد غسله وتنظيفه
2 كوسة و2جزر مقطعة شرايح رفيعة نفس الشي
3حبات بصل أخضر مقطعة صغار
رز أبيض مسلوق عادي مع موية وملح وزيت بس بدون إضافة بهارات المقدار اللي يناسبك
صويا صوص (الحلوة)
ملعقتين نشا مذوبة في نصف كوب ماء
علبة ماشروم مقطعه ومصفاه من الماء
نجي للطريقة
تجيبي تاوة كبيرة وتسيحي فيها ملعقتين زبدة أوإذا تحبي زيت حسب رغبتك
بعدين تضيفي كمية الدجاج المقطعة كلها وتقلبيه وتتركيه لما تجف مويته تضيفي عليه الخضاركلها والماشروم والبصل الأخضر وتقلبي



بعد مايتقلى الدجاج والخضار مضبوط ضيفي قليل ملح وفلفل أسود والصويا صوص تقريبا مقدار بيالة شاي وضيفي كمان النشا اللي ذوبناه في الماء وقلبيه الين يثخن الصوص ويتسبك


بعدين تاخذين ربع هذه الخلطة على جنب نحتاجها في التزيين
وباقي المقدار تضيفي عليه الرز المسلوق وتقلبيه مضبوط حتى يتشرب كل الصوص الموجود





في ناس يضيفوله البيض المقلي مقدار بيضتين تقريبا يقلوها عادي مع زيت وشوي ملح وفلفل أسود ويضيفوها للرز كما هو معروف عن الأكل الصيني وفي ناس ماترغب للبيض حسب الرغبة
عند التقديم تغرفي مقدار من الرز مع مقدار من خلطة الدجاج اللي تركناه على جنب مع رشة بصل أخضر
وبالعفية على قلوبكم
16
1K

يلزم عليك تسجيل الدخول أولًا لكتابة تعليق.

تسجيل دخول

هدىHA
هدىHA
ماشاء الله شكلها مشهي يسلم ايديك
سي يو
سي يو
وااااااااااااو مره شهي ان شالله اطبقها اليوم

يعطيك العافيه
غلطتي
غلطتي
ماشاء الله

انا احب الاكلات الصينيه والهنديه

تسلم الايادي
ام الجزازيف
ام الجزازيف
ما شاءالله تسلم ايدك طريقتك واسلوبك في الطبخ والطرح رائعين
بنت العويضي
بنت العويضي
أم الجزازيف أشكرك من قلبي والله إنك ذوق الله يسعدك في الدنيا والأخرة
هدى /غلطتي/ سي يو/أشكركم حبيباتي الله يسلمكم و يحفظكم