حبيت اكتبلكم قصة حملي وولادتي عشان تحسوا بالمعاناة وتستفيدوا من بعض الاشياء وممكن الاحداث تتقدم وتتأخر بس مشوا حالكم اهم شي المحتوى
طبعا هيا القصة قديمة لها ثلاث سنوات بس دوبي اللي فوقت عشان اكتبلكم , انا اتزوجت وكنت ناوية اجلس سنة وبعدين اجيب بيبي قلت يعني اعيش الحياة واستمتع والحمدلله من اول شهر وانا ماجاتني الدورة وصاحباتي في العمل سحبوني من مكاني وقالولي يالله سوي التحليل وانا اقولهم لا مو معقول حمل من دحين المهم اشترولي التحليل المنزلي وسويته واتفاجأت بالخطين قلت اكيد غلط لازم تحليل دم ورحت سويت التحليل وطلع بوسيتيف وآآآآآآآآآآآه على الاحساس اللي جاني فرح وحزن في نفس الوقت فقلت يالله الحمدلله على كل حال , المهم الشهور الأولى كانت من اسوأ ايام حياتي لانه يوميا استفراغ واسهال متزامنين مع بعض كأنه جسمي مو راضي يتقبل انه جسم غريب بداخله وتخيلوا الله يكرمكم لما تكونوا في الحمام وفي نفس الوقت يجيكم استفرااااااااااااغ واسهااااااااال وعلى دا الحال ولدرجة انه بعض المرات استفرغ قطع دم وجلست على دا الموال اليييييييييين الشهر السابع لا وكمان كنت اخرج مع زوجي ومافي شارع من شوارع جدة الا واستفرغت فيه والناس كلهم يستغربوا يقولوا مو معقول حملك مو طبيعي لا وكمان جاتني زكمة والتهاب في الجيوب الانفية واستخدمتلها مضاد اسمه ريموكس remox يقولوا انه استخدامه آمن وقت الحمل وانتهت الزكمة وجاني بعدها نزلة معوووية واتنومت في المستشفى يومين والحمدلله , وانتهت شهور الحمل على خير وجا الموعد الحااااسم الموعد المنتظر وبدأ الم الطلق الساعة 12 الظهر مع اني كنت في سابع نووومة بس الالم صحاني من النوم واتصلت على زوجي وقلتله بسررررررعة ولادة تعاااال طبعا انا بكرية وماعندي أي خلفية بس من الاشياء اللي كنت اقراها واسمعها من صاحباتي انه مااروح المستشفى بدري عشان مايلعبوا فيني وجا زوجي وانا جالسة اتألم وقمت اتحممت ورحت الحمام لقيت دم كثير نزل علي ومرررة خفت من منظر الدم واكلت صحن فواكه وزوجي ابرد ماعنده قلي بروح اصلي العصر واجيك نزل صلى وطلع يلبس ثوبه ويمشط شعره ويتلكع وانا على اعصابي وخلاص بعدين تعبت مرة قلتله لازم نخرج وركبت السيارة وكل 5 دقايق صارالالم يجي وصرت اعرف انه عدت 5 دقايق من الالم واطالع في الساعة والقاها بالفعل انه 5 دقايق ووصلت المستشفى كانت ولادتي بمستشفى سليمان فقيه عند الدكتورة نوال السناني طبعا اول ماوصلت اخذوا بياناتي وسألوني مين دكتورتي وعلى طول اتصلوا عليها وكمان سألوني لو نزل دم او موية وطلعوني على غرفة الملاحظة وجوا الدكاترة يكشفوا عليا اول وحدة قالتلي الرحم مفتوح 3 سم ونص قلتلها يعني متى اولد قالتلي بكرة صرخت قلتلها لاااا مستحييل اجلس بهذا الالم كل دا الوقت قالت حنعطيك مسكنات وبعدها جاتني دكتورة ثانية تكشف قلتلها كم قالتلي 2 ونص قلت حرام عليكم كل وحدة تفتي من عندها وحدة تقول ثلاثة ونص وبعدين تجي وحدة تقول اثنين ونص تحسيهم يوتروكي وانا طول الوقت اقول آآآه وزوجي الله يحفظلي هو جمبي كل ماقلت آآه يقولي يارب بس قولي يارب استبدلي كلمة آه بيارب وكل شوي يذكرني واحلى حركة كان يسويلي هيا انه كل مااتألم كان يكبسلي قدمي يضغطلي على اماكن معينة في القدم عشان يشتت لي الالم يقولي عشان ماتحسي وكل شوي يجوا يقسيوا الين ماصار 5 سم على طول نقلوني لغرفة الولادة وفجأة الاقي نفسي في غرفة مرعبة وحطولي الكمامة وانا اصلا ماطلبت ابرة الظهر لانه من وقت دخولي المستشفى سألوني اذا ابغاها قلتلهم لأ , المهم فجأة الممرضة حطتلي قسطرة مع اني كنت من اول خايفة منها وماابغاها وخايفة من ألمها بس لما حطتلي هيا مع قوة الالم ماحسيت بيها بس المشكلة انه جلست 6 شهور بعد الولادة وانا اعاني من الم في البظر بسبب القسطرة لانه اظنها جرحت الشعيرات الدموية لما حطتها ولما خرجتها ,نرجع للولادة قاستلي الممرضة وقتها ولقيته 9 سم ونص على طول اتصلت بالدكتورة قالتلها انزلي خلاص ولادة نزلت الدكتورة وجات تحسس على راسي قالتلي يالله قولي يامخلص النفس من النفس خلصني ويامخرج الروح من الروح اخرجها ودعيت معاها وقالتلي يالله اول ماتجيكي الطلقة تدفعي هزيت راسي بالموافقة جات الطلقة ودفعت بكل قووووووتي وجيت اصرخ قالتلي بلا صرااخ بدوووون صووووووت وانا مسكينة خفت على طول سكت ووقتها كانت ماما وزوجي وبنت عمي معايا عشان هيا تشتغل في نفس المستشفى المهم ماما اعطتني شاش حطيته في فمي قالتلي اضغطي عليه عشان مايروح جهدك في الصراخ المهم كتمت صوتي وضغطت ع الشاش في فمي وجاتني الطلقة الثانية ودفعت وزوجي جالس يتفرج والدكتورة تقوله روح عند راسها لاتجلس هنا وهو مو راضي يبعد في الاخير زعقت عليه قالتله لو سمحت رووووح هناك كده والله مايسير في الاخير جا عند راسي ونحن كنا متفقين من اول انه يدخل الولادة وهو قال انه يستحمل يشوف المنظر فعادي خليته والممرضات اثنين عن يميني واثنين عن يساري يفغصوا ويضغطوا على بطني يقولولي يالله يالله زي لما سوي ككة والدكتورة تقول يالله شفت الشعر ادفعي ودفعت ورميت نفسي ع السرير طبعا الدفعة حقتي ماطلعت الراس ولاشي على حسب ماحكاني زوجي بعدها لانه من دا الوقت حطولي بنج وقصت الدكتورة ومسكت الراس بيدها الاثنين وسحبت البيبي وانا ماادري عن شي مع البنج وبعدها صحيت سمعت بنت عمي وزوجي يقولولي جبتي بيبي حلووووو وانا اقولهم يالله ياربي متى اولد ويقولولي خلاص ولدتي واقولهم كدابين وأشرت على بنت عمي قلتلها كدابة ماولدت قالتلي والله ولدتي واشرت على زوجي قلتله كداب ماولدت ويقولي والله العظيم ولدتي هيا امسكي بطنك وانت تعرفي انك ولدتي مسكت بطني وبرضه مني مصدقة قلتلهم كلكم كذاااااااااابين وجلسوا يضحكوا قالوا مسكينة ماهي مصدقة المهم الممرضة جالسة تضغط على بطني تخرج بقايا الدم طبعا دا الكلام كله صار الساعة 4 الفجر يعني جلست بألام الطلق 16 ساعة وبس بعدها طلعوني على الغرفة والمشكلة اللي عانيت منها وقت ولادتي اني رحت وانا عندي امساك يعني ايش اللي صار يعني جاني شرخ بعد الولادة اتبهدلت منه كنت كل مااروح الحمام الله يكرمكم ويخرج دم مع البراز جلست على دي الحالة سنة في الاخير رحت مستشفى بخش عند الدكتور عدنان مرداد وسويت عملية الشرخ الشرجي وقتها ارتحت الحمدلله يعني كان المفروض اني اخد حقنة شرجية قبل مااروح اولد بس ان شاءالله دي المرة اتدارك الاخطاء السابقة لاني دحين حامل في الشهر الرابع وجالسة اعاني في حملي من نفس المعاناة في الحمل الاول بس ان شاء الله ربي ييسرلي الولادة ولكل حامل يارب .
من الاشياء اللي ناوية اسويها بإذن الله دي المرة اني اكل رطب وتمر وقت مااروح المستشفى واخذ زمزم معايا وطبعا الدعاء اهم شي وكمان ناوية اني احط حقنة شرجية اول مااحس بالام الطلق عشان لاتتكرر معاناة الشرخ وبعد الولادة ناوية اجيب قطن والفه بشاش واحط عليه زيت نارجين يقولوا مرررة يساعد على التئام الجرح ودا من تجربة وحدة من صاحباتي واي اسئلة او استفسارات انا حاضرة ونسيت اقولكم انه حاليا اتابع عند دكتورة فاطمة العتيبي برضه في مسشتفى فقيه وانا بصراحة ابغا عندهم بس عشان الكمامة تبعهم مررة مريحة .
ranomedo @ranomedo
عضوة جديدة
يلزم عليك تسجيل الدخول أولًا لكتابة تعليق.
ام سعيد وايلاف
•
الله يجزاكي خير
ألف مبروك ولو إنها متأخرة
ومبروك الحمل الجديد
المرة هذي حذري زوجك إنه يكون فضولي ويناظر بأشياء ماله داعي يشوفها
كفاية يكون عند راسك ويمسح عليك ويشجعك
الله يحفظكم لبعض ويسعدكم
ويرزقك ساعة سهالة تولدين وتقومين بالسلامة
وتشوفينه بحضنك سليما معافا
ومبروك الحمل الجديد
المرة هذي حذري زوجك إنه يكون فضولي ويناظر بأشياء ماله داعي يشوفها
كفاية يكون عند راسك ويمسح عليك ويشجعك
الله يحفظكم لبعض ويسعدكم
ويرزقك ساعة سهالة تولدين وتقومين بالسلامة
وتشوفينه بحضنك سليما معافا
ألف مبروك ولو إنها متأخرة
ومبروك الحمل الجديد
المرة هذي حذري زوجك إنه يكون فضولي ويناظر بأشياء ماله داعي يشوفها
كفاية يكون عند راسك ويمسح عليك ويشجعك
الله يحفظكم لبعض ويسعدكم
ويرزقك ساعة سهالة تولدين وتقومين بالسلامة
وتشوفينه بحضنك سليما معافا
ومبروك الحمل الجديد
المرة هذي حذري زوجك إنه يكون فضولي ويناظر بأشياء ماله داعي يشوفها
كفاية يكون عند راسك ويمسح عليك ويشجعك
الله يحفظكم لبعض ويسعدكم
ويرزقك ساعة سهالة تولدين وتقومين بالسلامة
وتشوفينه بحضنك سليما معافا
الصفحة الأخيرة