أم عزيزان
اسعدني مرورج وتسلمين يالغالية
بخصوص رابط الكنافة تفضلي
http://forum.hawaaworld.com/showthread.php?t=396326

السموحة

gamila7777

الله يسلم غاليج
ومثل ما وعدتكم إن شاء الله راح استمر عشان خاطر عيون بنات حواء

اليوم سويت شيش طاووق بسيط وسهل بس يمكن الصورة مش واضحة لاني مصورة من الموبايل

تفضلوا المقادير والطريقة

المقادير:
كيلو صدور دجاد مقطعة على شكل مكعبات
نصف كيلو طماطم على شكل مربعات ( تفصلين اللب، ما راح تحتاجينه لهذا الطبق)
بصلتين كبار مقطعة مربعات
فلفل اخضر حلو على شكل مربعات
علبة مشروم مقطعة شرائح سميكة نوعا ما
1 بطاطا كبيرة مقطعة مكعبات وسط ( يعني مو وايد سميكة)
بهارات: ( مسحوق الثوم، أعشاب عطرية (إن وجدت)، مسحوق فلفل احمر حلو ( قلنا حلو مش حار)، مسحوق كركم، مسحوق فلفل اسود) طبعا الكمية غير محددة، إنتي وذوقج
عصير ليمونة ( نصف فنجان )

الطريقة:
قومي بغسل صدور الدجاج جيدا، ثم ضغي كمية كبيرة من الملح ( تقريبا ملعقتين ) لا تخافين عشان الملوحة.. بقول لج شو بتسوين...

إتركي الدجاج لمدة نصف ساعة إلى ساعة، ولكن في مصفى عشان ينزل الماي كله

بعد هالفترة إغسلي الدجاج جيدا عشان تروح الملوحة ( الغرض من كثرة الملح عشان ريحة الزفر )

اخلطي البهارات مع عصير الليمون على الدجاج

ثم قومي بوضع ( دجاج، فلفل اخضر، مشروم، بطاطا، بصل )في الأعواد الخشبية بالترتيب اللذي يعجبك

شوفي الصور
http://www2.alrwaq.net/up09/05102416424469268.jpg

حضري زيت ساخن وضعي الأعواد على النار ويفضل لو تغطينه عشان بسرعة ينضج

وإذا شفتي ( دجاج، فلفل اخضر، مشروم، بطاطا، بصل ) عندج زيادة.. لا ترمينهم او تخلينهم بالثلاجة..
بعد ما تخلصين من تحمير كل الأعواد قومي بقليها في نفس الزيت راح يعطيج طعم ورائحة حلوة

وهذي النتيجة ( لا تخافين ما احترقو بس لان الإضائة في المطبخ أرف والصورة مو واضحة والتصوير من الموبايل )

http://www2.alrwaq.net/up09/05102417071620456.jpg

لاحظي كيف زينت باقي المقادير على الجنب

وهذي صورة ثانية

http://www2.alrwaq.net/up09/05102417104366205.jpg

بالعافية عليكم

معكرونة خفيفة بالباشاميل وجبن كرافت المبشور

المقادير
كيس معكرونة ( كيس كبير)
حلقات زيتون اسود او اخضر حسب الذوق
كيس باشاميل كنور الجاهز
3 ملاعق كبيرة مع معجون الطماطم
نصف كيلو طماطم ( فقط اللب انا حطيت)
مكعبين ماجي
بصل شرائح
ماء حسب الكثافة المطلوبه للصلصة ( تقريبا حطيت بين 4 او 5 اكواب، ما اذكر بالضبط)
بهارات ( مسحوق الثوم، أعشاب عطرية، مسحوق فلفل احمر حلو) بإمكانج تغيرين حسب الموجود عندج
بقدونس مفروم ( تقريبا نصف كوب)
علبة جبن كرافت مبشور
شوية بقسم مطحون

الطريقة
تسلقين المعكرونة مع شوية زيت عشان يمنع الإلتصاق وتضيفين ملعقة كبيرة ملح
وتصفى بعد ذلك وتوضع جانبا
تحضرين الصلصة
تحمرين البصل، ثم تضيفين مكعبات ماجي وبعدها معجون الطماطم ولب الطماطم
ثم البقدونس والبهارات
وتضيفين ماء مثل ما قلنا حسب الكثافة المطلوبة وقليل من الملح
بعدها تضيفين حلقات الزيتون ( تقريبا نصف كوب )
بعد ما تنضج الصلصة ، ضيفيها على المعكرونة وإخلطيها
حطي نصف الكمية في بايركس
وضيفي عليه الجبن المبشور يعني راح يطلع لج طبقين
وحطي باقي المعكرونة على الجبن
http://www2.alrwaq.net/up09/0510241714107373.jpg
قومي بتحضير صلصلة الباشاميل مثل ما مكتوب عندج على الكيس
وضيفيه على المعكرونة ورشي عليه بقسم مطحون
دخليه الفرن وتلذذي بالطعم
وتفضلوا الصورة
بالعافية عليكم

http://www2.alrwaq.net/up09/05102417265644279.jpg

http://www2.alrwaq.net/up09/0510241728183325.jpg

جلاب جامون بحشوة جبن كيري على طريقتي ( جديد وما اعتقد في حد جربة من قبل )

بصراحة كان عندي توست مفروم زايد ومو عارفة شو اسوي فيه.. قلت ليش ما احاول أخترع لي حلى يمكن يصير حلو.. وبصراحة طلع مثل جلاب جامون ولا واحلى .. وانا اللي ذابحة عمري كل ما كنت اسيويه ويفشل معاي.. بس شكلي راح اعتمد عليه

http://www2.alrwaq.net/up09/05102417302625855.jpg

خذوا المقادير والطريقة وادري وايد أرمس ( اتكلم أو اتحجى)

المقادير
كوب دقيق
كوب خبز سليس مفروم
علبة قشطة
ربع كوب زيت
شيرة
فستق للتزيين
ملعقة صغيرة بيكنج باودر
جبن كيري للحشو

الطريقة
تعجنين الدقيق مع التوست المطحون وبيكنج باودر مع القشطة والزيت
تخلين العجينة ترتاح ربع ساعة بس
تكور العجينة وتحشى بالجبن وتقلى في زيت غزير
وتسقى بالشيرة وتزين بالفستق
وبالعافية