أقلطوا عندي ..

والله قهرررررررررر وشي يبط الكبد الله يلوم اللي يلومك ياختي على اي اساس يقررون ماشاءالله عليهم

طيب زوجك ليش مارفض وقال زحمه؟
واله قاعده اتخيل الزواج ........ ماقول الا
الله يكون بعونك .... ويارب يتراجعون عن رايه عيال عمه:(

شوفي حبيبيت لا تتضايقين ولا تكدرين خاطرك
العرس بيمر وبيعدي سواء باللي نبيه او بغيره

فانتي لا تشيلين هم.. بقولك سالفه
اختي في يوم زواجها على اساس بيصير معاها خمس عرايس غيرها تخيلي؟؟ وكلهم عيال عم
طبعاً بالبدايه اختي انصدمت لانها كانت تحلم بليله لها لحالها .. لكن كبرت عقلها وقالت مو من اولها اعترض واطلع بصوره مو حلوه
وبالنهايه هذيل اهله وعيال عمه
المهم .. وافقت بس ام زوجها حست وقالت يمكن البنت تبي زواجها يكون لحالها فرجعنا قلنا لهم ايه
وبكذا صار عرسها لحالها وغيروا الحجوزات وكل شي وبنفس الوقت طلعت بصوره حلوه قدام زوجها واهله
وبالنهايه اللي مكتوب هو اللي بيصير وماتدرين وش بيصير لين هذاك الوقت..

اما انا فاهل خطيبي قالوا لاهلي انهم يبون زواجنا يكون مع ولد عمهم وخيرونا اذا نبي عرس للحريم ليله لنا لوحدنا والرجال مع ولد عمه
وقلنا اوكي دام خيرونا

فانتي ممكن تطلبين عرس الحريم يكون منفصل اذا فيه مجال بعد عرس الرجال بيوم او يومين واذا مافي مجال توكلي على الله وبتكونين احلى عروس ان شاء الله ,, ويومتها انتي ما بتفكرين الا بنفسك وبزوجك والباقي ترى كله للناس..

انتي بس روقي ولا تهتمين وخليها بالسهاله

الموضوع ملخبط نوعا ما والرجال مايتوقعون انها مشكله بهالحجم بس ان شاء الله تتيسر ويهون العرسان ويسوون عرسهم بليله وحده وانتم لحالكم مدام القاعه اصلا ماتكفي والمعازيم كثير
عموما لاتنكدين على نفسك وان شاء الله ربي بييسرها من عنده وانتبهي تتناقشين مع خطيبك بالموضوع ويصير مشاكل من البدايه
وان شاء الله تكوني عروسه حلوه وعلى البركه وبالتوفيق يارب لك ولكل العرايس

الله يهونها عليك و يسهلها لك

طيب ليه ما يكون حفل الرجال مع بعض و الحريم هم اخوان يكون مع بعض و أنت لوحدك

حاولي تتفاهمين مع زوجك أو أبوك يكلمه أو أمك تكلم أمه


ربي يفرجها لك

كلمي زوجك وقولي له عن الوضع وكيف الزحمة اللي راح تصير

اذا وافق كان بها

واذا رفض مررة لا تسوين مشكله عشان هالشيء

هي ليله وحدة بس فلا تخربين على نفسك

الاهم انك تتوفقين بزواجك

الله يسعدك يا احلى عروس