حبيبتي استعيني بالله ونظمي نفسك ولا تؤجلين عمل اليوم الى الغد يعني اي شي توسخ لازم ينظف على طول وبعدين حاولي تجيبين شغاله بالساعه في الاسبوع مره تكوي وتكنس الحوش اذا كان كبير واحتسبي الاجر في خدمه زوجك واطفالك وانت على اجر عظيم ولاتنسين وانت تشتغلين ذكر الله والتسبيح والتهليل وقول اللهم لا سهل الا ما جعلته سهلا وانت تجعل الحزن اذا شئت سهلا يارب سهل علي شغل بيتي وبارك لي في تنظيفي وفي وقتي وفي عمري وفي جهدي والله يوفقك

الله يكون بعونك

زي ماقالوا لك الاخوات الحوش والسطح جيبي بنقالي يقاوله زوجك كل يومين اوثلاثه يجي ينظف ويحاسبه اخر الشهر وكذا ترتاحي من السطح والحوش وبعدين البيت الغرف اللي ماتحتاجينها نظفيها نظافه تامه ثم قفليها لاتتركيها مفتوحه للعيال وكل يومين نفضيها من الغبار بس وخلي لكم غرفه تجلسوا فيها انت وزوجك وعيالك وبعد ماينامون نظفيها وغرف النوم اول ماتصحين رتبيها وقفليها والمطبخ كل مادخلتي فيه رتبيه ولاتتركين المواعين تتراكم عليك واخيرا الحمامات خلي لكم حمام واحد تستعملونه وبكذا الحمامات تبقى نظيفه يومين وبعدها غسليها
وفي الاخير احب اقولك لاتتركين الاولاد يلعبوا في البيت على كيفهم لانه راح يحوسون لك البيت حوسه ادبيهم
ارجو انه تنظيمي اعجبك والله يعيننا ويعينك

مستحيل انتي بشررر ارحمي نفسك شووي

شوفي ياقلبي منتي مجبوره عالتنظيف كل يوم
لانك لو اله قد تعطلتي

نظفي كل اسبوع مره الجزء اللي ماتستخدمونه
والحوش مره وحده

وخييييييييييييييييييييييييير وش تبين بالسطح
كل شهر او شهرين نظفيه مره اذا انتو ماتستخدمونه

اهم شي يوميا نظفي الدور اللي فوق والمطبخ
وخلي جلستكم دايم فوق وحوستكم

وتحت نظيف

عاد والله اذا السالفه كذا انتحر اصرف لي من هالتعب