صبـــــــاح " مساء الخير
اخبار بنات المجلس ان شاء الله انكم بخير وصحه وسلامه
بما ان رمضان الله يشرفه يارب ويبلغنا إياه وكل من نعز بصحه وسلامه ويجعلنا نصومه اعواماَ عديده
وبما ان ايضاً الاغلب بيسافر بالصيفيه لـ اهاليهم ؛؛اجازه سعيده مع الحبايب ان شاء الله؛؛
حبيت اقولكم عن اللي صار معنا انا وخواتي ويشهد الله من فوق سبع سمواات ان الغرض من قول هالقصه لا رياء ولا سمعه وانما حبيت ان تنتبهوا لامر فيه من الاجر الشيء الكثير اسأل الله ان يتقبل ذلك منا
كنا مره في ليله من ليالي الصيف ومجتمعين كلنا في بيت الوالد واخذتنا السوالف شوي قالت اختي الكبيره تدرون اني احس بضيق السنه ذي امي بتكون لوحدها تشتغل برمضان :44: وماعندها الا اختي الصغيره وعلى قولهم اكل ومرعى وقلة صنعى
ابد مدلعه اقوووووووووى شي ولا ترفع الكاس واخواني كانوا قريبين من بيت اهلي وكانوا كل سنه حريمهم الله يسعدهم يساعدون امي لان فطورهم واحد ذحين صاروا بعيدين شوي
اهم شي قالت اختي احس بضيقه عشان امي بكون عليها الشغل لحالها وبيت اهلي ماشاء الله ابوي يعشق شي اسمه عزايم يعني لو يفطرون يوم ماعندهم احد شي حلو
لا اخفيكم تهاطلت الدمووووع منا كلنا واللي تقول ياحبيبتي يايمه واللي تقول اوجعتوا قلبي:icon33: (للمعلوميه امي موب كبيره بالسن لا توها لها طوله العمر ان شاء الله بس احنا كذا مانحبها تدخل المطبخ)
اهم شي خطرت على بالنا انا نخدم امي وابوي السنه ذي
اتفقنا بينا انا نتكفل بالذبايح حقت السمبوسه وذبيحة الشوربه و...و..
والاهم من ذلك انا قبل من نسافر نفرزن لامي كل كل شي من سمبوسه وفطاير وكشنه وحلويات مثل مثلثات السميد:) واشياء كثيره جلسنا كم يوم عليها ووامي تقول الله يسعدكن ارتاحوا قبل تسافرون وحنا كلا وحاشى اهم شي راحتك ياضي هالكون
وقطعنا اللحم ووزعنا كل شي وربي انه فريزرين ومليناها حاسبين حساب انها تكفي لرمضان كله وترتاح اغلى الحبايب وتلقى وقت لطاعات في هالشهر
بعدين سافرت كل وحده لبيتهـــا
لا اخفيكم كل مكالمه كنا نكلمها كانت تقول الله يسعدكن مثل مافرجتوها علي اليوم جونا ناس عالفطور والله ماتعبت ابد واغلب وقتي برى المطبخ
آآآآآآه يا زينه من شعور لا حسيتي انك خدمتي امك وانتي بعيده عنها
اخواتي كم منكم ستسافر لـ اهلها وبترجع لبيتها قبل رمضان
كم منكم امها تتعب ويومها كله بالمطبخ
سوي اجر في الوالده وساعديها باللي تقدرين عليه قبل سفرك
يكفيك دعوه منها في نهار رمضان وهي صائمه
لا تستهينون بالاجر ابد واعتبريه من برك بااغلى الحبايب
اما انا واخواتي عهدنا اننا نسوي هالشي مره ثانيه وثالثه ورابعه بعد وعسى ربي يتقبل منا
ارجع واقول يشهد الله ليس الغرض من قول ذلك رياء وسمعه وانما من باب التناصح وطلب الاجر من الله
ختاما بلغنا واياكم شهر رمضان ونحن بـأحسن حال
تقبلوا كلمات اختكم المحبه لكم (نوووشه)
