شوفوا نظامي واعطوني رأيكم ..

مساء الخير ..

بنات انا بآخذ رايكم بنظامي اللي ارتحت عليه الحمدلله لأني مااحب الريجيم ومااحب التزم بأكل معين طبعا صارلي ع النظام اربع اياام تقريبا واليوم قريت عن ريجيم عذاري عجبني مررره وحسيت اني اقدر عليه بإذن الله .. فشوفوا نظامي افضل او اني ابدأ بريجيم عذاري ..

الفطور بيضتين مسلوقة مع اي نوع خضار بعده بنص ساعه اشرب حليب او عصير اناناس
الغداء اي نوع بروتين تونة مع خضار او سمك مطبوخ بملعقة زيت وبعد نص ساعه عصير اناناس ..

العشاء مااتعشى لأني اصلا اصحى ع 11 وافطر بعد 4 ساعات اتغدا .. ومااحس بجوع الحمدلله بس عادي لو جعت بآخذ زبادي .. ومن الساعه 6 اوقف اكل بس اشرب مويه .. او شاي اعشاب .. زنجبيل وليمون ..

ايوا نسيت اقولكم اني افك ريقي بنص كاس موية فيه عصير نص ليمونة وملعقة عسل لأنه يصفي الكبد وآخذ باليوم حبتين اوميغا 3 وحبه كالسيوم مع فيتامين د ..

معلومات عني عمري 27 طولي 150 وزني حاليا 79 ونص قبل النظام هذا كان وزني 81 .. جسمي درقي عشان كذا لغيت السكريات + النشويات .. ابغى يكون اكلي صحي ابغى اهتم بنفسي اللي اهملتها كثيــــر :(