عند اهلي وحابه لظروف الولاده وحابه افضفض

بسم الله والحمد لله والصلاه والسلام على رسول الله
بدخل ع طوووووووول بنات أنا حامل في الشهر التاسع وبعد ماكملت فتره من الشهر التاسع 9 ايام زوجي قال لي روحي لاهلك علشان ترتاحين وانا أأجل اقول له ابي شوي لحد ما اولد وأنا اصلا اتهرب من الموضوع المشكله يابنات جابني عند اهلي بعد اصرار منه لانه يبي يشتغل في البيت وانا الحين لي اسبوع عند اهلي نفسيتي الله اعلم بها وجتني دووخه شديده خواتي بالمره متغيرين ومترفزين مني مع اني ماني مثقله ومكلفه عليهم بشي عيالي ونفسي قايمه بهم انظف واطبخ وكل شي تمام بس جو البيت كئيب لا مزحه ولا ضحكه ولا سالفه حلوه كدر وهم وضيق ماحد يتكلم معي إلا قليل علاقه سطحيه وجافه متضايقه حيل وباقي على موعد ولادتي حدود 15 يوم يابنات والله متضايقه كثير عندي 3 خوات غير متزوجات وحده موظفه في مكان ثاني ومعها امي واثنين في البيت واختي الكبيره دايم موجوده اللهم ارزقها بالذرية اللي تسعد قلبها ماعندها ذرية متاذية مني ومن اولادي تقول لك بيت واطفال ليش تجين مع اني اذا جاتني في بيتي قسم بالله اني اشيلها شيييل وهذا اقل شي اسويه وهي زوجها متزوج غيرها واذا صار ماهو عندها تجي في بيت اهلي بس الحلو فيها انها ماتضرب عيالي لله الحمد بس تصارخ ...،،
أولادي واحد سنتين و8 شهور
وواحد سنه وشهرين
وكل يوم اختي هذي انواع الفتنه تشعلها في البيت أهل البيت على بعض يعني تسبب في القطيعه تحرش بين الاهل يعني مثلا انا يوم كنت آخذ حافز كنت اعطي امي 500 ريال مبلغ جدا بسيط ولا يسوي شي بحق امي كانت دايم تقول لي لا تعطينها مع انها امها مثل ماهي امي
واختي اللي موظفه وامي الحين معها في منطقة ثانيه دايم تتصل عليها وتقول لا تعطيني امي شي ويدخل الكلام في راسها والشهر هذا ماعطت امي شي وامي اليوم كلمتها تقول اذا الجوع ماكلها لان اختي ماجابت شي للبيت من اكل وغيره ولا عطت امي فلوس مع العلم ان امي ماعندها دخل ثابت ...
وفوق كذا امي مريضه ورايحه معها علشان تونسها وهي تبخل عليها بالمصروف ..اابغى ابيع لي حلق ذهب واعطي امي الفلوس ...قسم بالله شي يهز السموات يوم كلمتني امي وقالت لي والله اني جعيانه وماعندي إلا ريالات واختي قبل يومين مآخذه راتبها
أما خواتي الثانيات اللي في البيت وحده الحمد لله الله يرزقها بزوج صالح ماتضرب عيالي وقليل جدا تصارخ عليهم
أما الثانيه تضرب :024: والله يتقطع قلبي عليهم وصراخ عيالي لهم اسبوع عند أهلي حالتهم النفسية متغيره ودايم اتغاضى واسكت قبل شوي ضربت ولدي الصغيرة على وجهه لا مسكت اللاب توب تبعها مالتفظت عليها بشي غير اني قلتها لا تضبرينه على وجهه ..
وهن يلومن اني متزوجه وعندي بيت ( شقة) وجاية عندهن واغثهن بعيالي وبنفسي مع اني اساعد بالمصروف وآآكل على الخفيف ودايم يغبطني اني متزوجه ويرددنها لي خاصه اختي الكبيرة مع ان زوجي عادي جداا ولاهو حاط لي شغاله على الأقل تشيل شوي عني اذا رحت لاهلي ووراني الويل وسبق انه طلقني شهرين وجلست عند اهلي شفت صنوف العذاب بس يوم قال انه يرجعني رجعت علشان اولادي والمعامله من قبل خواتي ،، واختي الكبيره تمنت علية بعد الرجعه له اسبوعين ان يطلقني والله انعصر قلبي عصر لاني نصحتها كانت وحده من خواتي متزوجه وعندها طفل وحامل وتوها جايبه خدامه وهي تحرض الخدامه على اختي قلت لها يمكن الخدامه تسوي في اختي شي لا تحرضينها ..
المهم ودايم تفاول عليه انه يتزوج عليه لكن أسأل الله العظيم رب العرش العظيم بمنه وكرمه وقدرته ان زوجي ما يتزوج علي آآآمين يارب ...
يابنات اقول دعاء الهم والحزن بكل لحظة وان الله يعدي هالفترة على خير حايشتني اكتئاب ودي اسولف واضحك ودي اطلع وانبسط واشم هواء ماحد يتكلم مع الثاني
زوجي جابني يحسب مثل اهله خواته اذا تعبون ولا صار لهم شي قضن ايام عند اهلهن ..
وعند الولاده ابقضي على الاقل يوم في المستشفى شايله هم عيالي من بغير لهم حفاظاتهم ( الله يكرمكم) من بغير لهم وغير ملابسهم
ولا انا بعد ما اولد على طول قليل ارتاح وانام اغراضي وملابسي انا غسلها ماحد يغسل لو ايش مايصير

ومستحية اقول لزوجي ودهم عند اهلك على باله خواتي يساعدني ولا راح اقول له احفظ كرامتي قدامه وقدام اهله
اهلي متفكيين كثير دايم ادعي اللهم آلاف بين قلوبنا واصلح ذات بيننا
لا إله إلا انت سبحانك إني كنت من الظالمين