عارفه ان شاءالله مابتقصروا ابغى طريقة كباب دجاج عدل مثل المطاعم مايتفتت ويكون رطب

رفع

جيبي صدر دجاج قطعيه مكعبات وتبليه فلفل اسود وليمون وشوية بهارات إيطالية وفنجان كريم الخفق وشوية زيت زيتون ونص فنجان خردل ،،،احسن شي ديجون الفرنسي ، وم ك صويا صوص ،،،وضيفي البهارات الي تحبي انا أضيف سن توم وبقدونس ونص م ص كمون ،،،خليهم يتبلو كلما طولت كانت النتيجة أطيب
بعدها تشويهم بقليل من زيت الزيتون على الشواية اذا عملت كمية كبيرة حطي بشوي لا تحطيهم كلهم مرة وحدة
جهزي صحن وحطي عليه ورق الفويل حطي الدجاج اعصري عليه ليمون وسكري عليه جيدا
راح يتشرب بالبخار وتطلع النتيجة دجاج طري جداً ولذيذ
هذي الطريقة معتمدة عندي والحمد الله الكل يحبها وصحة وهنا

هههههههههههههه التشبيه قتلني يوقف بالحلق،،فعلا حتى انا يطلع ياابس يوم اسويه ومن كم يوم افكرر كيف يسوونه طري اتوقع كثرة الشحوم اللي يضيفونها هي السبب

مفرومة دجاج ممكن تعمليها بتجريد الدجاج وفرمه في مفرمة اللحم مع اضافة قطعة شحم الذبيحه ضروريه وهذا على فكره سر المطاعم
بقدونس مفروم ناعم
بصله مفرومه ناعم
ثوم حوالي ملعقة طعام مطحون او حسب الكميه اللي انتي عاملتها
كلوا يفرم في المفرمه الكهربائيه افضل من اليد
بهارات مكونه من فلفل اسود وملح وليمون ناشف مطحون وشوي سماك اذا حبيتي واذا تبغيه حار حطي فلفل احمر اوبهار التكا الهندي


تخلط كل المقادير وتوضع في الاسياخ وتشوى على الفحم وممكن تحطيها في الفرن وبعدين تبخريها بالفحم


عند التقديم قطعي بصل حلقات وبقدونس مفروم واعصري عليهم ليمونه وحطي شوي ملح وسماك وقلبي جيدا وحطي عيش شامي في صحن التقديم للاسف ما كان عندي وحطي فوقه الخلطه وبعدين حطي الكباب فوقها ويقدم بجانبه سلطة الطحينه

طبعا اذا ما اتوفر الشحم ضعي ملعقة طعام سمن فارم او اي سمن هو اللي بيخليه طري

اذا انتي تشوينه بالفرن حطي بالصينيه الي تحت السياخ الكباب مويه وكل مانقص زيديه يبخر عليه ويصير لين ولذيذ