في البداية شدني العنوان وقلت ماني خسرانة شي خليني اقرا ..
لما قرات حمدت الله اني قراته لانه مفيد من كل النواحي ..
وطريقة العرض شيقة .. كل كلمات المدح فيه قليلة

بالنسبة للصورة اللي اختارها استاذك وقال عنها :


ما ادري ليش اوحت لي الصورة بالبعد والفراق .. واستغربت من تحليل استاذك !!
صورة الطفل وهو يحاول ركوب الباص اوحى لي بالرحيل ..
صورة الباص الامامي وهو مدبر .. صورة الشخص اللي على اليمين وهو مدبر.. كلها اوحت لي بالفراق << نظرة سوداوية الله لا يبلاك :)
يمكن لان نفسيتي كانت الله يعلم بها لما شفت الصورة :(
اعتقد الصور مثل اللوحات في الفن التشكيلي تفسيرها يعتمد على نفسية الشخص اثناء رؤيتها .. !!
ربما لو اشوفها في يوم اكون مبسوطة الاحظ الاشياء اللي قالها الاستاذ

حبيت اقولك ان موضوعك اثّر فيني فعلا .. خلاني انتبه لاشياء ما كنت اهتم بها !!
الف شكر رنوومة .. جزاك الله عننا كل خير ..
وزادك الله من فضله وفتح عليك في دراستك .. واعانك

اجمل تحية :26:

هلا وغلا بـ رغد الحياة مشكورة على تعاونك
ماشاء الله تبارك الله وش هالتميز
بالنسبة لسؤالك=
الدبلوم حاسب الي سكرتارية تنفيذية وهوعبارة عن شهادات متفرقة
الدبلومات الثانية للتطوير الذاتي ايضا شهادات فقط عن الدورات الي اخذتها


وفيه دورات اخذتها عن طريق الانترنت في مجال تخصصي بس للاسف انها بأسم مستعار ...ينفع ادرجها فيالشنطة؟
وبس هذا هو
وبالنسبة للاعمال سؤالي هل ينفع اصورها لانها كبيرة على الشنطة من حيث العرض والارتفاع الخ
وليست لوحات لانها اعمال لأركان الاطفال

مرحبا بالغالية بنت آدم


لما كنت اسوي بحث على المنتج وجدت انه اغلب الناس كاتبين
there is a slight difference
فقلت خلاص مايبيها هذي هي الكلمة الي راح تكون اسم المنتج الجديد :42:



حبيبتي من مشكلات ملفي انه كان طريقته بالعرض.. وانا لي غرض في وضع الصور بهذه الشكل مع انه بامكاني تحميل الملف فورا من الجهاز بدل ما اخذ صورة من التصميم بالملف.. وهي عشان اعطاء الفكرة ولكن حفظ الحقوق لي... معليش حبيبتي تحمليني ماباقي غير صفحتين وبعدها راح نبدا بالحديث عن مجال جديد في البورتفوليو :)
احترم تواجدك المستمر عزيزتي



غاليتي سمو الهمة
شكرا لقراءتك التقرير وأملي ان يتطور حماس القراءة الى تطبيق فعلي
بالنسبة للصورة اللي اختارها استاذي..


حبيبتي التحليل فعلا مثل ماقلتي يختلف من شخص لآخر وبالنسبة لي انا تحليلي مختلف عنه وعنك .. انا شفت انها
خطوة جديده في الحياة.. بداية مجهولة.. ممكن تكون سعيده وممكن تكون حزينة بس فعلا حسيت انها نقطه للتغيير وكأن سؤال يطرح نفسه في الصورة وهو شو كاتب لنا الله في قدرنا في ايامنا الجايه ويمكن وقتها كان كل همومي في الانتقال لعالم جديد وهو الجامعه!!

يعني فعلا النفسية لها اثرها.. والحين اكتشفنا فايدة الصورة اللي اختارها الاستاذ وانها فعلا قابله للتحليل!! شوفي بوقت قصير طلع لها ثلاث تحاليل ويمكن لو نعطي فرصه الكل راح يكون عنده رأي معين :)


دعواتك .. تساوي الدنيا ومافيها فالله اعلم كم أنا بحاجتها :(

شكرا لتواجدك غاليتي.



مرحبا بلولان الحبيبة

التميز احصل عليه بتواجدكم غاليتي


بالنسبة لكل هالشهادات المتفرقة ارى انك تجمعيها في ملفا مستقل عن البورتفوليو الخاص فيكِ




غاليتي تبين رأي ..
اختاري غرفه نظيفة ومرتبة والاضاءة فيها حلوة .
ضعي اول عمل لك
صوريه (عادي او ديجيتال)
ولكن ضعي في بالك اخذ عدة صور من عدة زوايا مختلفه لأن بعد التحميض احيانا ماتعجبك النتايج..
ولو تحاولي تتحكمي بااضاءه انتِ كمان يكون يحسن يعني مايكون اضاءه قوية وماتكون ضعيفه ..
خذي صور لكل اعمالك في رياض الأطفال الصغير منها والكبير ..
حمضي الصور وجمعيها ... ثم افرزيها شوفي اللي عاجبك واتركي اللي مو عاجبك..
بعدين خذي كل صورة وحاولي تكتبي عنها تعبيرنص صفحه او صفحه على الاكثر..

يعني راح يكون لكل عمل موضوع تعبير .. بعدها اشتري حقيبة البورتفوليو او حتى البوم صور كبير وضعي كل صورة مقابلها شرحها ..
اعملي غلاف حلو للملف بشكل عام ولو كان طفولي يكون لافت للنظر يعني اهتمي بنوع الخط اللي تستخدميه على غلاف وفي داخل الملف مثلا
شوفي الفرق..

او؟


خط تهامه من اكثر الخطوط اللي تعطي طابع الطفولة على كاتبها :) .. باختصار عزيزتي خلي الثيم الخاص بك هو الطفولة وهو ثيم سهل بامكانك التعامل معه وتصميمه على كيفك ..
يمكن بشراءك ملصقات كيوت تضعيها على المواضيع..
ايضا بشراءك ورق رساءل مزخرف بألوان زاهية وصور طفولية بامكانك طباعة الشرح عليها ..
ايضا ارى ان لو تستخدمي ملف مايكون اسود فيه فائده لمجالك!! نعم رغم عشقي للاسود لكن ثيم العمل الخاص بك راح يتبع الطفولة والالوان الزاهية ولو اخترتي ملف زاهي اللون راح يكون احلى يمكن.. وعلى كل حال انتِ لاتشتري الحقيبة او الملف حتى تنتهي من تجميع اوراقك والصور عشان ماتضطري تشتري ملف ثاني لسبب او لآخر..
الله يوفقك غاليتي




شكرا لمروركم جميعا ..ابقوا معي فمازال في جعبتي المزيد !!
في امان المولى
المحبة..رنيــــم

أختي رغد الحياة

مشكوره واايد على العرض الجميل إلي قدمتيه

وأنا مع جميع البنات إلي قالوا إنه لازم يكون عندج بورت فوليو
لانه يضم جميع إنجازاتج سواء كانت صغيرة أم كبيرة

أنا عني .. عندي بورت فوليو وحجمة A3
وأول ما سوت معاي الشركة مقابلة أخذته معاي وعجبهم كثير لانه يضم كل تصميماتي وحتى البحوث الكتابية والمقالات الصحفية
فحسيت إن الملف شي ضروري عشان لما تقدمي نفسك للشركة يكون الملف مثل دليل مساند لأقوالج

بس بغيت أسألج أختي رغد الحياة


أنا عجبنني كثير الملف ... بس بغيت أعرف كم صفحة في الملف مالج؟
وإذا بغيت أشتريه مثله ... تقدرين تبعثيلة لي
لان عندنا مافي أشكال ممتازة للملفات

ياريت لو ترسلين لي تفاصيل الملف مالج .. كم حجمة وعدد الصفحات وقيمته

وهل توجد أشكال للملفات أخرى ...

مشكورة أختي

ياهلا وغلا بعزيزتي بقايا العمر ..
بصراحه ردك فرحني جدا
العفو عزيزتي والله مانزلته غير عشان افيد اخواتي ..



ماراح نتركك لازم تكلمينا عن ملفك غاليتي بالتفصيل وياليت لو فيه صور بعد يكون احلى واحلى.. وحجمه ممتاز يمكن كبير شوي والتصاميم تكون واااضحه وملفته للنظر وانا لما رحت المحل لقيت الحجم هذا انواااااااع واشكال بس كنت اتبع شروطهم في الحجم :(







انا ملفي فيه 24 صفحه تقدري تضعي تصاميم عالوجهين يعني 48 صفحه ..
ومن عيوني اذا ودك بس يمكن اسهل لو تطلبه من النت واقدر احط لك مواقع تبيعهم وهي كثييييييرة..
بصراحه ملفي سعره 20$ كندي يعني حوالي يعني 50 درهم
وانا شفته غالي بس يمكن لو دورت كنت راح الاقي بس وقتي لأسف كان ضييق وانا متعوده اشتري كل اغراضي من هالمحل فماحبيت اغير وادور كثير..

وللأمانه اللي ماعجبني في ملفي ..
1- انه في العرض
2- انه مافي مجال اضع فيه قواطع (ديفايديرز)
3- انه عدد صفحاته محدود يعني ماقدر اشتري صفحات واضيف عليه لو احتجت زياده مثل بعض الملفات..

وبالنسبة للأشكال ..
بصراحه انا لما دخلت دخـــت!!
اشكال كثييييييييييرة جدا واحجام من حجم كف يدك الى الحجم الضخم الل سبق واضفت صورته شايلته البنت.. واذا ودك نتفق اني اشتري لك واحد عالخاص باذن الله ..


لي عوده باذن الله
رنيـم