هههههههههههههههههههههههههههههههههههههههههههههههههاااي

ام خالد وفهد

انا جالسه اتخيل نظرتك انتي وابو الشباب لبعض بعد تاثير الحمله


على فكره انا اشوف ان التفكير اللي فكر فيه ولدك صح

العالم بتاخذ الرمل من الثمامه ويبيعونه عليكم ايش اللي يمنع انكم تطلعون رحله بريه وكل واحد معاه سطل ويعبي رمل وحطي بالكيس او خليه بالسطل

هو صادق بالعكس هو ماراح يعوده على البخل لا راح يعوده على ان بعض الامور الحصول عليها مجانا افضل من شراها مع توفرها بكثره في كل مكان

اهم شي السماد لا يقولكم بعد ماله داعي نروح نقول لراعي بيع الطيور عطنا اللي تنظفه من عشش الحمام اتوقع يقولها لاني انا ممكن افكر فيها بصراحه


تعرفي هنا في امريكا وش مسوين بحكم ان عندهم فصل خريف وتشوفين ورق الشجر في كل مكان يجمعونه من خلال اله ويطحنوووه ويرجعونه عند نفس الشجر فيصير سماد لها

انا شغلتي كل يوم اثنين اجلس اراقب اللي يشتغلون بالزرع والله عجب عجب عجب


فاستغلي كل شي عندك متوفر بالمجان

بالعكس انا اايد ولدك الله يحفظه ويخليه لك

وعلى فكره زمنا غير زمنهم عوديه على كذا مو احسن بكره يندم ويدعي عليكم لانكم علمتوه التبذير وعدم التصرف بحكمه في الامور

يالله الله يوفقك يارب


++++

جالكسي مالح لا والله ما تاخذني المشاريع عنكم انا معكم بس المشاريع تمشي بدمي وش اسوي مشكله والله

++++

الحلوه ام الحلوه

يوم السبت هذا كان تخفيض كبير بخصوص الكرسمس بس المحلات عندهم تخفيضات بس البضاعه ماش ما اعجبتني بصراحه


مع انهم يقولون التخفيض الكبير بيكون بعد الكرسمس تروح الدنيا على الكليرنس

بس فيه عروض مش خصومات لا عروض مثلا اشتري العطر وخذي اللوشن اشتري مثلا عند فكتوريا سكرت اشتري الانجري وخذي الكلب هذا مجانا لعبه وش ابي فيه تكفين

عروضهم زي قلتها للامانه مش زي مره كنت متواجده بامريكا وكانت فيه عروض حلووه وبضاعه حلوه لكن الحين يعني مو مثل اول صراحه او ان نحن سوقنا صار متنوع ن ناحية الاسباني والفرنسي وغيره فصرنا نشوف خيارات كثيره يعني لدرجه صرت ما اتحمس اروح سوق لكن تعالي قولي ادوات المطبخ اقولك ياسلام يا سلام سلم كل مره اطلع وعيني لسى جواا المحل اتعب نفسيا اذا دخلت هناك خصوصا اني من عشاق الطبخ

وربكم يسهل

جالكسي مالح لا والله ما تاخذني المشاريع عنكم انا معكم بس المشاريع تمشي بدمي وش اسوي مشكله والله


المرض واحد المشاريع بدمي وأنا أختك رأس المال موجود والمشاريع كل مشروع أحلى من الثاني لكن زوجي دائما يحبطني

عندك لي مشاريع من 30 ألف وحواليها

يووووه يا جالكسي مالح

مو بس زوجك كلنا رجالنا ساعات اقوله لعنبو ابليس ما تتمنالي الخير انت يضحك يقول الا ابيلك الخير بس ما اتوقع انك بتنجحين بالمشروع مصيرك تجلسين وتحطين يدك على خدك

ما اكذب عليك كنت استسلم لكلامه واجلس من البدايه بس هالحين صار اذا حاول يكسر مجاديفي اقوله لو سمحت اعمالي الخاصه ما ابي اخذ رايك ابد ولا ابيك تتطرق لها انت اذا فشلت لنفسي وتعلمت شي جديد من فشلي واذا نجحت لنفسي والخير ان مارجع علي رجع عليكم

خلاص يسكت الين صار ما يناقش الا اذا شافني مررررررره مشغوله وحايسه شحن ومن هالحكي يقول هاه وش عندها الشيخه ..... اشوفك لاهيه منتي حول احد ....

واذا شافني متفرغه للطلعات والدخلات يقول مدخلتها اسهم هااه عشان كذا لابده ...

فــ ماحنسلم من تعليقهم ابد ابد لكن المهم انك تشغلين نفسك وتشوفي استثماراتك هذا الافضل واذن من طين واذن من عجين

ام فهد وخالد يالغلا بالعكس نظرة ولدك المفروض تبسطي عليها مو معناها انه بيكون بخيل بالعكس خلينا على الاقل نمي فيهم روح الحركة والحماس وانو احنا لازم نبحث عن البدائل الافضل والاقل
تخيلي قريبتي بيتها لاقوة الا بالله جنه كله شجر جوا وبرى
تقولي ان ولدها هو المسؤل عن سماد الزرع وقبل سنه قالها ماما بما ان الشجر عندنا كثير ابغي اشتري لي حمام ودجاج في الاستراحه ويجمع الله يكرمك المخلفات ويحطها سماد للزرع وكانت تقولها لنا بجمعه وهي مبسوطه ان ولدها صار يهتم في الحمام والدجاج ويجيب لهم البيض وكل اسبوعين يدخل يكنس حوشها ويجمع للزرع سماد
انبسطت تقول الولد كان مقابل البلاي ستيشن واللحين بس دراسته والحمام والدجاج


ذكرت للقصه للافادة

دائما اشوف الرجوع للطبيعه واعطاء حق لانفسنا في محاكاة الطبيعه شي جميل ورائع ويمكن كتبت فيه بداية الموضوع هالنقاط

فعلا خلينا ننمي في اولادنا حب الطبيعه اتعبتهم وارهقتهم الالكترونيات والله اني اتعب نفسيا لما اشوف ولدي مقابل الجهاز اذا ترك التي في راح على البي اس بي واذا خلص يقاله يبي يريح راح على اللاب توب شوي قال يالله ابي العب راح على البلاي ستيشن الين لاحظت شي عن جد تعبت نفسيا اول شي وسوست ان الولد تعبان عيونه اسفلها صارت سوداء والله خفت على الولد قلت لا سمح الله فيه شي وصرت ازن على راس زوجي ولدي فيه شي ولدي بيموت شوف عيونه كيف الين نبهني قالي هذي من الاجهزه اللي جالس عليها بعدها خلاص استوب حددت الوقت له صحيح ما تخلصت عن سلبيات الاجهزه لكن جالسه احاول الله يعيني يارب ويحفظلي ولدي يارب
والله هو الحافظ الحفيظ يحفظلي ولكم الذريه ويطرح فيهم البركه