اغراضي اصلية وباقل من سعر التقليد وفوقها هدايا مجانية

ملاحظة:
عالم حواء يخلي مسؤوليته عن أي عمليات بيع وشراء وعلى المشترية معاينة البضاعه قبل شرائها خاصة الاثاث / الأجهزة / الشنط الأًصلية المستعملة



السلام عليكم ورحمة الله وبركاته

اخواتي الغاليات يشرفني اعرض لكم اغراضي وهي جميعها اصلية لكن للاسف لاني ماكان في بالي بيوم اعرضهم ما احتفظت بفواتيرهم و يبقى ضمان انها اصلية حلفي بالله العظيم انها مية بالمية اصلية وربي يشهد على كلامي




اول شي ليس كون اير انفنتي الحجم الكبير اكثر من روووعه بالاستخدام وفيها زي اللفة تخلي الشعر سواء ستريت ولا بلفة شكلة مرة طبيعي وتعطية لمعة رائعة اشتريته ولا استخدمته الا مرة وحدة لاني ماستخدم الليس اصلا وقاهرتني بالدرج والله مافيها اي عيب حتى لفات السلك على وضعهم يعني فعلا اخت الجديدة
سعرها 250 ابي فيها 100

تم البيع


شنطة فيرجاموا جلد حجمها كبير لونها اسود استخدامها وسط نسيت سعر الشراء ابي فيها 400 ريال

تم البيع

شنطة ميسوني من ماركات هارفي نيكلز حجمها وسط نظيفة لونها سماوي ببيج قماش والمسكة بني جلد سعرها بحدود 5000 ابي فيها 300 ريال

تم البيع


شنطة جفنشي صغيرة تقريبا قد علبة المناديل زهر بابيض قماش والمسكة لحمي جلد استخدامها وسط نسيت سعر الشراء وابي فيها 200 ريال

تم البيع


شنطة سهرة الكس اندريوتي طلبتها من النت لونها ذهبي استخدامها مرة وحدة نظييييفة فيها سورافسكي ومن تحت فيها عيب لو ماقلته جد ماراح تنتبهون ويالله حاولت ابينه بالتصوير انه الصمغ مع الحر مفتوح شوي ممكن تصمغها ولا تخليها مب باين نهائي اساسا اضطريت افتحه بقوة واحط عود اسنان علشان ابين العيب ومدري اذا وضح بالصورة او لا "ذمة بقوووة ههههه " سعرها الاصلي نسيته ابي فيها 100

تم البيع



شنطة كبيرة قوتشي من بوتيك دبي مدري لو نزلت هنا او لا لونها بلامبالغة يمشي مع اي لبس وجدا راقي استخدامها وسط مبين بس بمسكة اليد للي يعرف الشنطة ولا مب باين ابد لان لونها معتق اساسا ومن تحت فيه شوي اثر محكوك من جهة وحدة بس ولان موديلها مصفط فما هي واضحة طبعا صورت العيب يارب يبان سعرها نسيت وابي فيها 400 ريال

تم البيع

اللي بتاخذ 3 شنط واكثر بعطيها هالشنطة معهم هدية كبيررة جديدة وجدا عملية للسفر والاستراحات ممكن تصفطينها ولاتاخذ مكان وتستخدمينها للملابس بعد السباحة لان قماشها مايمتص الموية

http://db.tt/mCKXmsr


طقم تقديم بيبي من القرعاوي وهالماركة من اغلى الماركات بالمحل وروحوا شوفوا اسعارها استخدامه نص ساعة بس ولونه ذهبي على سكري نظييييف تماما حتى التاق معاه لو بتقدمينه هدية يتكون من قبوع وبدلة ومهاد وشرابات خامته تنفع شتاء وصيف يلبس الى 3شهور نسيت سعره بالضبط بس بحدود 3000 ريال ابي فيه 600 ريال

http://db.tt/1XdnMKD


طقم شنطة ومفرش بيبي ديور من القرعاوي سكري ببيج استخدامة قليل نظيف تماما ولو قلت اخو الجديد ما ابالغ وخامته ناعمة قابل للغسيل جدا عملي سعر الشراء والله ناسية بس ابي فيه 400 ريال

تم البيع




اللي بتاخذ اغراض البيبي كلها بعطيها هدية معهم رضاعة ديور جديدة الحجم الكبير لونها فضي يمشي للولد والبنت
http://db.tt/HCft9Vh


جوسي كوتيور طالبتهم من موقعهم بالنت تعليقة طويلة ممكن تتحكمين بالطول تنلبس من جهتين واسوارة جوسي برضة تنلبس من الجهتين والحلو فيهم القطع مثل ماتشوفون تتركب وتنفك زي ماتحبين وهم بالاساس للتعليقة لكن يتركبون على اي شي اسوارة شنطة او اي سلسال عندك والاسوارة ممكن تركبين لها شريطة وتصير تعليقة الماركة هذي جدااا عملية ومتنوعة خيارات لبس اكسسواراتها سعرهم الاساسي نسيت والله بس ابي في التعليقة 200 والاسوارة 200 واللي بتاخذ التعليقة والاسوارة بعطيها الحلق معهم هدية جدااا حلو فكرته انه بواحد مكتوب جوسي والثاني كوتيور
http://db.tt/sbJ3MDD


اخر شي علب مكياج جديييدة طلبت 3من امازون ويوم وصلوني طلعوا تقريبا نفس الالوان خليت وحدة وببيع الباقيات

علبة ايستيلودر ارواج وشدو وبودرة وبلشر وماسكرا والحلو فيها ممكن تتفكك القطع لحال سعرها بالتوصيل حول 500 ابي فيها 300 وربي جديدة بس فكيت العلبة ورجعتها

تم البيع


علبة لانكوم نفس الشي بلشر وشدو وماسكرا وبودرة وكونسيلر وكحل ومحدد سعرها حول 300 ابي فيها 200 والله جدد تماما واللي بتاخذ العلبتين بحسبهم لها 400 ريال

تم البيع





اخيرا سامحوني على رداءة التصوير لانه من ايباد مب باين الالوان مرة اللي جادة وتبي صور اكثر او مقاسات بالمتر على الخاص ورجاااء الجادة فقط الله يرضى عليكم

اللي من الرياض وتبي تشوف الاغراض قبل ممكن تتفضل لبيتي ولا اوصلها الاغراض مع مندوب لبيتها بس حساب المندوب عليها طبعا ولو اشترت انا اللي بحاسبه

اللي جازمة تماما اوصل الاغراض لبيتها من عيوني وربي يبارك لها ولي

الاولوية لبنات الرياض اسهل بالتواصل ولو وحدة بر الرياض بتاخذ اكثر من غرض اوصلها بزاجل او اي شركة ثانية تكون على حسابها

بنات ربي يخليكم ارفعوا الموضوع بذكر ولا صلاة على النبي اللهم صلي وسلم عليه

وكلمة لاتنفعكم ولا تنفعني رجاء مابي اقول احلل وما احلل على وسخ دنيا زائلة بس بقول ما يستاهل كم شنطة
وعلبة نوقف يوم القيامة نتحاسب على رد بسببها


اتمنى حجم الصور مناسب لانها اول تجربة لي :35: