تعالو اقرو وش سوا زوجي الله يسامحه

السلام عليكم ورحمة الله وبركاته
اللهم صل وسلم وبارك على سيدنا محمد عليه افضل الصلاة والتسليم
اللهم لك الحمد حمدا كثيرا طيبا مباركا فيه
كيفكن يابنات انا متابعه للمنتدى من سنين بس كتاباتي قليله والسنه الي فاتت كتبت موضوع زوجي الي تزوج مسيار وبالسر ولما كشفته قالي بطلقها انا ابيج وابي عيالي واحبكم وماستغني عنكم المهم بعد ماطلق عيشني حاله نكد في نكد وطبعا كنت حامل وصار يبتعد عني ويجرحني بالكلام على اساس حملني ذنب طلاق زوجته الثانيه وانا كنت مصدومه كثير في زوجي زوجي انسان طيب وكريم وله سمعه طيبه بين الناس وماهو لعاب مثل باقي الشباب ومحافظ على بيته وصلاته وعلى عياله ولا يحب يرد لهم شي ومن الوضع الي عشته معاه بعد طلاق زوجته الثانيه ولدت بالثامن والله يابنات دخلت حاله نفسيه لانه ظلمني كثير حتى بعد ماطلقها لدرجة انه قلتله رجعها بس اطلقني انا لاني ماراح اتحمل اشوفك مع غيري وبعد خمس شهور حسيته تغيرت نفسيته ورجع يضحك ويسولف معانا شكيت بالموضوع وطلع يابنات رجعها كمان بالسر انهرت وصحت بس مب مثل اول ماكشفته وزعلت عليه شهر ورحت لاهلي وطرشلي كم مره انه مشتاقلي وانه يحبني بس ماكنت اعطيه وجه لانه جرحني وقهرني هدوني اهلي وقالولي هذي نزوه وخليه لين يصحى ودوسي على قلبت ولاتخسرين زوجج لانه يحبج ويدور رضاج ورجعت وظليت شهر ماكلمه في نفس البيت للعلم يابنات انه ينام عندنا كل ليله وقاعد معانا هي يجيها بالاسبوع مره وبالساعات يعني يقعد معاها ساعتين ويطلع بس يقضي حاجه معاها وشرط زواجهم انه مايكون بينهم اولاد ولاتبي بيت ولامصروف تخيلن يعني متزوجها يحرق قلبي معاها يعني انسانه مب في حاجة زوج عشان تكون اسره لا بس عشان اشباع رغبه وبس حاولت اتعايش مع الوضع مع العلم انه زوجي يحبني ومع كثرة المشاكل يدور رضاي حتى عطاني رضوه مبلغ كبير عشان ارضى والحين طالبه عليه بيت لحالي لاني عايشه في ملحق مع اهله وحتى امه جتني وطولت لسانها علي انه ولدي ماقصر معاج وارضي عليه بس ماقدرت اتعايش مع وضعه كله اصيح واحس بكتمه على صدري واذا زانت نفسيتي يومين ارجع وانتكس واقلبها حرب بيني وبينه حتى عيالي تأثرو من مشاكلنا واخر حلولي قلتله ابي بيت ومصروف وعيالي وانت اطلع من حياتي في البدايه رفض بس دخلت هلي ووافق للعلم يابنات الي تزوجها ارمله وعندها اربع عيال واكبر مني بعشر سنين في رايكم يابنات هذي تعتبر نزوه وممكن يصحى ولا فعلا هو تزوجها ويحبها ومايستغني عنها احد مر في نفس حالتي واسوني يابنات انا تعبانه كل يوم اصحى من النوم متضايقه اقول ياليت يكون حلم واصحى منه خاطري يرجعلي زوجي وترجع حياتي قبل الي بتقول حاولي ترجعينه والله حاولت ورجعت له بس ماقدرت من ادري انه راح لها يجن جنوني وانتكس واكره اشوفه او حتى يجامعني حاولت اجامل بس تعبت مع العلم اني تابعت مع استشاريه عائليه بس ماقدرت اتحمل الشي الوحيد الي بيرجع كرامتي هو طلاقي وهو طلاق ماراح يطلق فقلتله اهجرني وخلني اعيش مع عيالي هذا اخر حل شوروا علي الله يجزاكم الجنه