السلام عليكم ورحمة الله وبركاته
اليوم جايبتلكم فيلية سمك ياخذ العقل
حابه أني أعمل الطريقه بالصور بس ما عرفت كيف أنزل الصور وحده وحده لكن إن شاء الله كل شي كتبته واضح
لا اطول عليكم
المقادير:-
شرائح فيليه سمك مقطعه طوال بطول الاصابع بس عريضة يعني عرضها اصبعين
مقادير التتبيلة:- ( فص ثوم مدقوق + نص ملعقة صغيرة فلفل اسود + ملعقة صغيرة كمون + نص ملعقة صغيرة بهارات مشكله + عصير ليمونة + رشة ملح بسيطة)
للتغطية :-
نجيب ثلاث صحون
الأول:- نحط فيه دقيق ورشة فلفل اسود.
الثاني:- بيض مخفوق.
الثالث:- بقسماط ونحط عليه رشة ملح وسمسم تقريبا ثلاث ملاعق اكل مليانه وكل ماكثر كان اطعم.
الطريقة:-
نجيب زبدية ونخلط فيها جميع مقادير التتبيلة ونبدأ نحط السمك قطعه قطعه ونفركه بالتتبيلة كما في صوره رقم ( 1 ) لمن نخلص الكمية ونقلبه كله باليد اخر شي لمن نتأكد انه كل السمك غطيناه بالتتبيلة.
نغطي الزبدية ونحطها بالثلاجة لمدة لاتقل عن ساعه. وكل ماطول بالثلاجة كل ماكان اطعم.
اللآن نجهز صحون الدقيق والبيض والبقسماط وقبل مانبدأ فيها نكون ولعنا على الزيت لانه لازم يكون حاااااااار وقت مانقلي السمك
ونجيب السمك ونبدأ نغطية قطعه قطعه اولا بالدقيق بعدين بالبيض وبعدين بالبقسماط لمن نخلص الكمية ونبدأ نحطه عالزيت ونخليه لييييين مايسير لونه من برى زي لون البروست يعني اشقر غامق شوي ومع السمسم بيطلع شكلة حلو
وبعد مايتحمر نطلعه من الزيت على ورق نشاف عشان يطلع الزيت الزايد.
سويت معاه سلطة خضرا عادية
وسويت سلطة طحينة
مقاديرالطحينيه :-
علبة زبادي – ثلاث ملاعق كبيره طحينيه – رشة فلفل أسود – ملح - ليمون
الطريقه :-
تخلط المقادير مع بعض واذا حسيتي أنها ثقيله صبي عليه لبن ويحرك مع بعض حتى تحصلي القوام اللي ترغبيه
كمان قليت بطاطس و رز أبيض
عملت مهلبيه بجلي الفراوله
وهذي مقادير المهلبيه اللذيذه
كوب ماء – خمس ملاعق غير ممتلئه حليب بودره – ملعقتين نشا – ربع ملعقه صغيره فانيليا – نصف ملعقه صغيره ماء الورد
ضعي المقادير مع بعض في قدر صغير عدا الفانيليا وماء الورد
ويوضع على النار مع التحريك المستمر حتى يغلظ قوامه ثم أطفئ النار وضعي الفانيليا وماء الورد ويحرك ثم يصب في زبديات الحلى ,, لا تمليه ثلاث أرباع الزبديه ,, ثم ضعيها في الثلاجه حتى تبرد تماماً بعد ماتبرد المهلبيه صبي عليها الجلي المحضرمثل مامكتوب عالعلبه ثم ضعيها في الثلاجه حتى تبرد
بس من جد رووعة جربوها
وهذي صور غدانا اليوم بس للأسف ماأستمتعت بالأكل لأني بعمل رجيم بس أخذتلي قطعه صغيره لأنه والله شهي ولذيذ اللي طبقت الفيليه المقلي تخبرنا كيف طلع معاها ,,, أتمنة الطبق عجبكم
شهدالغرام @shhdalghram
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
تسلم الاياادي يااعسل