تبون الصراحه لما ادخل قسم الطبخ اتضاااااااايق

اطباق عالم حواء

السلام عليكم
حبايب قلبي بنات حوا فديتكم

انا بقلكم الصدق انا انسانه حدي الطبخ المتعارف عليه يعني كبسه مكرونه شوربه مصقعه وان كان معجنات بيتزا او كروسان وان حلى ببسيه والا تشيز ااااااه بس احس لما ادخل واشوف الطبخ اولا بعض الا كلات مااعرف وش مكوناتها يعني عمري ماطبخت ربيان ولا سلطات ماعندي غير السلطه الخضراء المعروفه اشوف البنات يقولون سلطه مكرونه سلطه يونانيه سلطه مدري ايش وفطر واكل صيني ووووو شي ماادري وين الله موديني احس ارحم زوجي معدته قد حفظت الطبخ لو لها صوت كان تصيح قبل اطبخ ولا مااخفيكم ان الكل شايفني طباخه هههههههههه قالو وين اعقلكم قالو مربوط ههههههه مثل يعرفونه الجنوبيات الخلاصه حبايبي اني لو طبخت بتقن ولو تعلمت بتعلم لكن الان اغراض الطبخات هذي وين الاقيها وشلون اطبخها وشلون انظف هالفطر والروبيان اللي طالعن بوجهي في كل طبخه وسلامتكم بس حبيت انبه تراني اخبز على التنور واطبخ ذبايح لكن ودي اتعلم هالشغلات واواكب الفطر والروبيان هههههههههههه مجننيني هالاثنين
10
2K

يلزم عليك تسجيل الدخول أولًا لكتابة تعليق.

تسجيل دخول

دانا أخت بشار
دانا أخت بشار
هههههههه حلو تواكبينهم
ودي اساعدك بس
ماعمري جربت الربيان ولااحبه ولااحب الفطر
ان شاء الله البنات يساعدوووك
ام زيـــــآد
ام زيـــــآد
مثلي بالزبط
حدي الطبخ المتعارف عليه

بس ذبايح وتنور وميفا ومااعرف شو

لا والله مااقدر عليها
ذوق راما
ذوق راما
حبيبتي ارحمي زوجك
هههه
لااااااا تنسين الطريق لقلب الرجل كرشته
عسل السكر
عسل السكر
هههههههههههههههه ياقلبي انتي
بالنسبه لي تعلمت اني ماحكم على الشي الى ان اجربه سواء من ناحية اني اقدر اسويه او لا او ممكن اني اكله او لا
لاني ماكنت اتوقع اني راح احب الربيان
بحكم اني من نجد خخخ
الخلاصه<<صح طولتها
الربيان تلقينه عند محلات الاسماك او مجمد بالعثيم وبنده وكارفور وغيرهم وعندهم كمان بتلقين الفطر
شامبو هيربل
شامبو هيربل
حبيبتي ارحمي زوجك هههه لااااااا تنسين الطريق لقلب الرجل كرشته
حبيبتي ارحمي زوجك هههه لااااااا تنسين الطريق لقلب الرجل كرشته
ياحبيلك مافيه شي صعب لو تبين بتتعلمين بسرعه اما المكونات اذا رحتي لاي سوبر ماركة بتلقين فيه قسم خاص المكونات الصينيه والهنديه والمكسيكيه اما الفطر موجود بكل مكان معلب وطازج واما وتنظيفه عادي اغسليه بمويه لانه من قبل بيكون منظف الربيان فيه منه مجمد وفيه طازج وفيه مجفف في السوبر ماركت او في محلات الاسماك وتنظيفه اذا طازج خليه هو ينظفه لك والمجمد والمجفف يجي مقشر جاهز بس انتي في المجمد والطازج سوي فتحه من ورا شوي كبيره واسجبي الخيط الاسود الي فيه واغسلسه بمويه وملح وخل