ممكن تساعدوني

مرحبا بالغالييييين
بصراحة من غير لف ولا دوران أنا وحدة مبتدئة بمجال الكمبيوتر لكن احبه مووووووووت ، وحالياً تواجهني مشكلة معاه مدري فيروس ولا شنو ،، ارجوكم ساعدوني لأني ماابي اروح فيه للشركة اللي اشتريته منها لأنها تحوس علي مستنداتي وملفاتي دائماً ولازم يخزنون فيه برامج ماابغاها بس علشان يدبلون السعر ( تراك طولتيها) المهم أنا جهازي (وندوز مي) استخدمه اخي من 3 أيام والله لايوريكم0000 دخلت على برنامج النورتون وطلبت انه يفحص الجهاز ( كالعادة) لكن خرجلي بقائمة من الفيروسات 00(180) فيروس من نوع واحد الظاهر انه تروجان ( بس تراني عليميه بالإنجليزي) المهم ضغطت على زر انشاء الله انه مسحهم لأني طلبت انه يفحص وما طلع شي0

العلة اللحين هي0000
فيه في شبكة الطلب الهاتفي اتصال ماادري من وين جا يقطع على اتصالي ويتصل هو من حاله حتى بالوقت اللي مااكون فيه شابكة الإنترنت تخيلوا وانا اكتب الرسالة قطع الإتصال وبدأ يتصل لوحده والرقم الموجود فيه والذي يتصل عليه هو رقم 1 ،، واذا مسحته بالضغط على حذف أو shift + delete اتفاجأ انه يعود مره ثانيه ويتصل لوحده ،، حتى اني اطارده في ايقونة الإتصالات في اعدادات الإنترنت وعند هذا الإتصال مكتوب new dialup connection
ارجوكم مالحل هل اذا مسحت الكوكيز اتخلص منه ؟ وماهي طريقة مسحه ؟
انا خايفة انه يكون فيروس بلاستر لأنه كثير مايصيب الوندوز xp ساعدوني اتخلص منه قبل ما اوديه للشركة ويخربطونه علي ،،

نسيت اقول انه حتى بعد ماافصل فيش التلفون اسمع وشوشه غريبة بالكمبيوتر يعني كأنه يحاول يقوم باتصال0000 هذا والحمد لله رب العالمين
تم بحمد الله