ادري مشكلتي مو صعبه بس ابي افضفض

بنات انا مره طفشانه نظامي بيتي مره ممل انا متزوجه وعندي ثلاثه الله يحفظهم بس زوجي مره مشغول او بلاحرى يدور اي شي يشغله طبعا الي مصبرني انه ينشغل بشي مفيد يعني دوام اضافي او دورات يعني ماشاءالله يحب العمل اول ماتزوجت كان يجي ويتغدى ويتعشى معنا وحتى يفطر الحين ماعاد يتغدى ابد معنا ويجي من الدوام المغرب وعلى طول على النوم طبعا احيانا يقوم عشر كذا واحيانا او اكثر الايام مايقوم الا وحده باليل ويقعد شوي ويروح الاستراحه انا مره امل وهو يقولي احمدي ربك انا اقعد معك هو ابد مو حاس فيني وانا ماابي اشد عليه لانه بصراحه ابد مو مقصر معي من الناحية الماديه انا وعيالي الله يسخره لي بس ودي يرحم نفسه شوي ويرتاح ويقعد معي والله يضيق صدري خاصه اذا عيالي نامو للمدرسه انواع الملل اتنمنى انه يقعد معي اذا نامو يعني هدوء واقدر اسولف معه على راحتي
المشكله يابنات هو بس لو ينضم نومه كان انحلت كل مشاكلي يعني لو يجي الظهر يتغدى وينام ساعتن ويرجع الدوام عقب وباليل ينام يعني على الساعه 12 لكن اذا تكلمت معه بالموضوع زعل وقال انا اتعب علشانكم ومدري ايش وانا ماقلت شي انا قصدي بس ينظم وقته عشان يقدر يوفق بينا وبين دوامه غير عياله مره يمل مايبي يتحمل مسؤليه يعني بس يبي يدفع فلوس عشان يفتك يعني مثلا الباص لو مايجي لولدي عادي عنده مستحيل يقوم ويوديه غير انه ابد مو فاضيله مايقعد معه ولا شي حتى الحين هو باولى ابتدائي ماقعد يعلمه ولا شي يعني وش يسوي بالمدرسه كيف يتعامل معهم ابد ماعمره سال عن دروس بنته ولا ولده ماادري وش اقول مره ضايق صدري ودي انه يتفضى لولده شوي يقوم لصلاة عشان يرضي ربه وبعدين حتى ولده يتعلم الصلاة ماادري وشلون ولدي بيتربى وابوه مره مو فاضيله حياته جدا فوضويه ماعاد يهتم بنفسه ولا شي ماله خلق شي ابد حتى الحين صرت اروح لبيت اهلي بلموزين وعادي عنده حتى مايتصل يشوف وصلنا ولا لا
اتمنى يابنات تفهموني زين وماتهاجموني انا ادري انه يشتغل ويتعب علشانى وبعد هو تعود على كذا بس لازم يغير وضعه الحين صار عنده عيال ويدرسون الله يحفظهم ولازم يتفضى لهم لو ساعه في اليوم
والله يابنات اني انقهر من الحريم الي تمل من غدى رجلها ولا من القعده معه والله الي كذا لو تجرب القعده بالحالها انن تقول يازين رجلي الي وش كثر طلباته
والحمدلله ادري ان حالي احسن من حال غيري كثير بس حبيت افضفض وسلامتكم يالغاليين