حبيبتي عطيه محلول الاسهال.. ووقفي الحليب لو تعطينه صناعي بس عطيه التركيبه الخاصه تبع الاسهال اللي هو محلول الجفاف...
وكل ما اخرج اعزك الله عطيه منها لان الجفاف خطير بهالسن فانتبهي الله يعافيك
حليب صدرك لا توقفينه خليه يستمر على رضاعته منك

اما الترجيع عادي حبيبتي فيه اطفال يكون فم المعدة عندهم مرتخي في هالسن فما يمسك الحليب زين في معدته فيستفرغ..لما يكبر باذن الله يتحسن لوحده لان عضلات فم المعدة تصير اقوى

اهم شي بعد الرضاعة خليه يطلع الهوا زيييييييين" يتجشا"
وحاولي تخلين مستوى راسه مرتفع شوي عن جسمه بعد الرضاعة يعني حطي مخدة تحت راسه

ومهم تعرفين ليش الكريات مرتفعه عنده لان هذا دلالة التهاب في امعاءه وغالبا عنده فيروس يجي للاطفال في هالسن يسمونه روتا فيرس ويروح من نفسه بس ياخذ له كم يوم

اما عن انه ما يلعب طبعا لانه تعبان يا حليله فبتشوفينه كذا بالذات مع الاسهال الصغار يتعبون يا حبي لهم..لكن خليه يتحسن ويروح الاسهال وبتشوفينه حصان باذن ربي

الله يشفيه يارب ويخليه لك وتشوفينه معرس

الله يخليه لك ويطمنك عليه والبنات ماقصروا بالردود

الله يطمنك عليه

الله يطمنك عليه بس انا ملاحظه حولي في فيروس منتشر مرا الصغار كلهم اعزكم الله اسهال واستفراغ امس وديت ولدي عياده مليانه يعني دايم اروح قبلي 1 او 2 امس رقمي 9 وانا رايحه 4 ونص العصر واخت زوجي مدرسه تقول رياض الاطفال عندهم كلهم على هالحال وهي عيالها نفس الشي جاهم وتقول الدكتور قال لها فيروس منتشر
يارب احفظ عيالنا واحميهم

الله يشفيه ويطمنك عليه
يارب امين