هذا اول مشاركة لي في قسم الطبخ وان شاء الله ما تكون الأخيرة وراح انزلكم وصفات كثيرة وسهلة
اليوم بنتي طلبت بان كيك وتوني مسويته لها وطازج من مطبخي سهل وبسيط وخلال 20 دقيقة تكوني منتهيه
منه والأطفال يحبونه وتغير بالنسبة لهم ورووعه للفطور يوم الخميس او الجمعه :)
بس ليه طلب الله يسعدكم ,,,, ادعوا لي ان الله يرجع لي اولادي
بالسلامة ويوفقهم في دراستهم ويبعد عنهم
اولاد الحرام ويحقق لي كل ما اتمنى لي ولكم وللمسلمين يارب
¨°o.O ( المقادير بالضبط ) O.o°"
2 حبة كبير موز مستوي واذا صغيرة 3 حبات
2 حبه بيض
3 ملاعق اكل سكر
2 ملعقة صغيرة حقت الحلى بيكيج بودر
1 ملعقة صغير فانيليا
1 كاسة دقيق
1كاسة حليب سائل الصافي او اي نوع او جاف واخلطي بماء
المهم كاسة نفس حجم كاسة الدقيق
1 ملعقة صغيرة قرفة بودرة
تعطي طعم حلو وممكن تستغني عنها لو ما تحبي القرفة
¨°o.O ( الطريقة ) O.o°"
في زبدية اهرسي الموز بالشوكة هرس عادي مو تخليها عصيدة :)
واضيفي عليها البيض واخلطيهم بالشوكة
وضيفي بالقي المكونات
السكر + البيكنج بودر + الفانليا + القرفه + الدقيق
اخر شيء ضيفي الحليب بالتدريج واخلطي
وكذا خلاض انتهينا
تكوني مجهزة صاج تفال مدهونه بذبدة مجرد دهن بسيط
او اذا عندك الصينية الا بالكهرباء الخاصة بالبيتزا
وخذي من الخليط بالمقرفة الصغيرة حقت الشربه وحطيها بالصينيه
بس نزلي الخليط وهو راح يتوزع بشكل دئري
لما تشوفي الفقاقيع طلعت على الوجه تعرفي انها استوت اقلبيها على الناحية الثانية وتستوي بسرعه ما تاخذ وقت
وانتبهي الصينيه ما تكون حاره مررررررره حتى ما ينحرق
وبالعافية
¨°o.O ( الصور ) O.o°"
Riyadh-20101220-00047
Riyadh-20101220-00049
Riyadh-20101220-00048
Riyadh-20101220-00050
Riyadh-20101220-00051
