سؤال عن جدر الضغط

يؤ يؤ يؤ يؤ .. ايش سويتي ؟؟
قدر الضغط .. يا ربي شلون اوصل لك المعلومه !!!
شوفي تسوين فيه الاشياء اللي تطول بالطبخ مثل اللحم والدجاج والقبوط والجريش ..
بس ابعلمك الكبسه ..
تكشني البصل والدجاج والبهار وكبي عليه مويه وتسكرين الغطاء باحكام وبعد 7 او 10 دقايق فقط لا تتعدين حتى ما تتفتفت الدجاجه ... تسكرين النار وبعد ما يطلع كل البخار تفتحين الغطاء .. بكذا تكون الدجاجه استوت طلعيها واكبسي الرز وسكري الغطاء بدون ضغط يعني حطيه كأنه قدر عادي .. واذا استوى قدميه ...
واذا كنتي بتحطين خضار حطيها مع الدجاج لانو استوائها نفس الدجاج 10 دقائق ...
واذا بتسوين دجاج مندي تكشني البصل وتحطي مويه وتحطي المنخل اللي جاي معاه ... ما ادري اذا الكاتم حقك نفس اللي عندي ؟؟؟؟
المهم بعدين تكونين متبله الدجاج زيييييين ولا تنسين الصفار او الكركم اصح ... وتحطيها بالمنخل وتضغطين الكاتم وتقصري عليه بالمرررررره حتى ما تنشف المويه وتخلينه ثلث ساعه لانو بالبخار عشان كذا يطول ... بعدين شيلي المنخل والدجاج واكبسي الرز وارجعي حطي المنخل والدجاج مره ثانيه وسكري الغطاء بدون ضغط بس غطاء عادي .. ولمن ينشف الرز اكتمي الغطاء يعني اضغطيه وقصري عليه بالمررررررررره ... وخليه 5 دقايق ..
وبالنسبه للحم الغنم ثلث ساعه فقط .. ولحم الحاشي والابل من نصف الى نصف و خمس دقائق ...
وبالنسبه للجريش كل شي تحطينه سوا اللحم والجريش مع بعض .. وتضغطينه ساعه بس لازم تقصرين عليه بالمرررررررررررره ..
والقبوط تحطي اللحمه وتضغطينه وبعد 10 دقائق افتحي الغطاء وحطي القبوط والخضار وارجعي اضغطيه مره ثانيه 10 دقائق بس قصري عليه ..
طولت عليك ...
اي سؤال تفضلي ..

حبيبتي انتي
الضغط مثل العادي
الطبخ اقصد بس
فائدته انه يختصر عليك الوقت
بدل ماتنتظرين الدجاج نص ساعه
يستوي خلال 10 دقايق
ويعتمد بالاخر على حجم الدجاج وكميته

اقول لك طريقتي
كشني البصل عادي وحطي عليه الثوم والبهارات والماجي بس يحترق (يعني مثل القدر العادي لين الحين )
وحطي فوقه الدجاج او اللحم
وزيديه مويه واقفلي القدر وخليه على نار عاليه لين بدا يطلع صوت ويصفر
قصري عليه وخليه 10 دقايق للدجاج الى ربع ساعه حسب حجم الدجاجه وتقطيعك لها
واللحم من ثلث الى نص ساعه برضه حسب العمر والكميه والتقطيع
وبعدها تشيلين القدر عن النار وتشيلين الصمام وتخلين الهوا يطلع كله
وتضيفين الحين الخضار والرز
وتشوفين كمية المويه مثل الرز العادي بالقدر العادي وتعدلين الملح
وتقفلين القدر ونار عاليه تخلينه يطلع صوت الصفاره
وبعدها قصري عليه وخلي تحته حديده حقت الفرن كعازل يعني
واحسبي له بالضبط 10 دقايق
وعلى طول قفلي النار وخليه يطلع كل الهوا
وافتحيه

وان كان الرز مويته زايده خلي القدر مفتوح الغطا حقه حوالي 10 دقايق بيتناشف شوي
وان كانت المويه قليله وتحسينه ناشف شوي رشي ملعقه مويه بيدك على وجه القدر وقفليه بدون نار وخليه 10 دقايق بالضبط
لان القدر بيكون ساخن ومجرد رس المويه واغلاقه بيكفي يترطب شوي
وسلامتك

اتمنى اني افدتك ودعواتك لي ولزوجي وعيالي



شوفي حبيبتي
انا مااقدر اضيف مشاركات اكثر
لذا بارد لك هنا

لازم الغطا يتسكر زين
وتأكدي من الجلد اللي داير مادار الغطا من جوا انه ثابت بمكانه
وتأكدي انك ماتعبين القدر لين الاخر لأنه ينحاس
ممكن تطبخين الدجاجه طبخ كامل وتشيلينها برا وتحطين الرز
يعني الدجاجه تاخذ ربع ساعه بالكثير <<<< هالوقت ينحسب بعد مايصفر الغطا وتقصرين عليه تبدين تعدين
وتشيلين الدجاجه وتحطين الرز على مرقتها وتقفلينه نفس الشي زين وتخلين لين يصفر تبدين تحسبين 10 دقايق بعد ماتقصرين عليه

اما ليش مايصفر ففيه اسباب وحلول كثير جربيها
وشوفي وش بينفعك منها
1) اما الجلد مو مثبته زي ماقلت لك قبل اضغطيها للداخل هي تكون زي الحلقه
2) او الصفاره مفتوحه هي احيانا تكون قطعتين زي المسمار وغطا اسود فوقها <<< مره جلست لين احترق الرز وهو ماصفر صارت الشغاله تلقفت وفتحتها وهي تنظف وماسكرتها زين
وصارت ثقيله ماتصفر وقفلتها وضبط الموضوع
3) ان فتحت الصفاره من داخل القدر مسدوده اقلبي الغطا وشوفي المكان اللي تتركب الصفاره عليه من برا شوفي من وا الخرم الصغييييييييير افتحيه بابره او شي زيها
يمكن مسكر لانك عبيتي القدر وانضغط وقفله
4) احيانا يكون الاكل بارد الدجاج مثلج مثلا والمويه باردفيطول لين يغلي وبالتالي يطول لين يصفر
يبي لك تجربين السالفه اول مره بهالشكل حطي فيه دجاجه مقطعه وبهاراتها بعد ماتكشنينها طبعا
وصبي عليها مويه مغليه وقفلي القدر وانتظري 5 الى 7 دقايق لو ماصفر حاولي تحركي الصفاره بيدك وشوفي وشش يصير
لان الصفاره تبدأ تتحرك اذا غلت المقادير داخل القدر وبدأ يطلع البخار هو اللي يحرك الصفاره

اذا ضبط موضوع الدجاجه تمام
وان ماضبط فالمشكله بالقدر صناعته سيئه او فيه عيب من الصناعه
وان شاء الله اتوقع بهالنصايح بيضبط
انتظر تجربتك وردك

الله يفتح عليكم الله يجزاكم خير الله يفرحكم ياختي ام الفارس ونوته من اليوم انتظر ومعصبه ليش انهم نقلوا موضوعي من المجلس العام الي هذا القسم محد يشارك فيه !ّ! تراني توني ماقريت ردودكم بس فرحت وبسرعه رديت يلا الحين برد اقرا

الصراحة الاخوات ماقصروا بس الموية اللي تحطينة تغطي الدجاجة أواللحمة لاتكثرين لانه ماتتبخر وبالعافية أختي

ياربي امحق بس ؟ انا ياخوااااتي تكفون مافهمت ؟ ساعدوني ترا هذا شاريته من السعوديه واحنا منعرفه ولا نطبخ فيه ولا عمره مر علينا شي جديد وغريييب بس انا من كثر مانا احب اسوي مثلكم ياسعوديات شريته وطاااح بكبدي!!! وترا والله مافهمت اللي قلتوه تكفون ساعدوني مدري شلون اطبخ فيه مافهمت ياناااس لاتلوموني انا عندي نوع السيف وصغير يعني مو كبير ولا صفر قعدت عنده انتظر انتظر ولا فيه فايده عيا لايصفر والنار مخلتها عاليه الكبيره اللي بالوسط الغاز ومعليه علي النار والدجاج مع الرز كله مع بعض حطيته علي النار العاليه اكثر من ربع الساعه حتي القدر محترق آآآآآآ وزين هالحين اذا بسوي المرقوق او الجريش او حتي مرق الخضره كم اخليه والنار عاليه ام واطيه واقدر اعمل فيه شي ثاني اشكركم علي رحابة صدركم