تمنع الروايات العامية
*** السلام عليكم ****
كيف حالكم والله كثير اشتقت لكم كتبت لكم روايه اتمنى تنال على اعجابكم وتستمتعون فيها وبحط لكم روابط قصصي
الاولى للي ماشافها
لكن ما بيح ولا احللإلي تخذ قصتي وتنسبها لنفسها إلي تبي تقول منقولة وتذكر اسمي لان هذا مجهودي
+++++قصه مشوقهبعنوان ( جميلهولكن ) +++++(
///(كسرت راسها ونسيت باب قلبي مفتوح ) قصه مشوقه وممتعهبقلمي
/// رحت ادور منهويداوي جروحي لقيتني بعد انهان/// بقلمي
قصه بعنوان شهرياروشهرزاد بنكهه سعوديه 2011متعه وتشويق
/////نعمه مالهاثمن ///قصه مشوقه ومثيرهبقلمي////(
/////قصة مشوقه بقلمي بعنوان (كيد النساء لوين يودي )//////
////كل ماتقسى في عيني تحلى $$ قصة مشوقه بقلمي //////
والحين بحط لكم روايتي الجديده
اليوم بحط لكم جزئين بس بعدين كل يوم بحط جزء
** البارت الاول والثاني **
*********************
*************************
تمددت على سريرها والدموع تغطي وجهها ماهي قادره تصدق اخوها وتوئمها وصديقها راح بغمضة عين موقادره تصدق وجلست تتذكر سوالفهم وذكرياتهم
*****************
الام : حنين يابنتي وبعدين معاك الى متى انتي
تسوين بنفسك كذا حرام عليك ارحمي حالك
فهد اخوك مات الله يرحمه كلنا زعلنا عليه
والله العالم إنه مراح من بالي بس مومعناه
انك تموتين نفسك وتخلين الحزن يخليك
ماتعيشين حياتك انتي مؤمنه وهذا قضاء
الله وقدره
*****************
حنين : يمه خليني كيف تبيني انساه وهو موبس
اخوي وتؤمي بعد وكل شيء لي في هالدنيا
*****************
الام : يابنتي انا عارفه بس حرام تعذبين نفسك
وتعذبينه البكى على الميت موزين تبينه
يتعذب الحين صارله من مات شهر
وانتي دموعك مانشفت تكفين ترى الي
فيني مكفيني
*******************
حنين : مسحت دموعها خلاص يمه خلاص
مراح ابكي ولايهمك لاتحملين همي
*******************
بسمه : يمه تراني ميته من الجوع يكفي امس
نمت بدون عشاء واليوم بعد مافي غداء
******************
الام : وش اسوي يابنتي وش بيدي باقي لنا
علبة تونى بروح اسويها للغداء
*****************
بسمه : بس علبه وحده بتكفينا كلنا احنا الخمسه
وانا والله ميته جوع
******************
الام : طيب وش اسوي والله مابقى معي ولاريال
والجيران انكسر وجهي من كثر ماطلب منهم
وش اسوي قولوا لي وش اسوي وتبكي
*******************
حنين : خلاص يمه لاتبكين انا اليوم باذن الله بروح
ادور على وظيفه وان شاء الله بلاقي
******************
الام : الله يوفقك يابنتي الله يرحمه فهد اخوك ماصدقنا
انه توظف وظيفه زينه وراتبها كثير وقلنا ربي
بيفرجها علينا وبنسدد الاجار
لاكن مات الله يرحمه قبل لايستلمها مدري
والله وش اسوي الذهب حقي وبعته كله
كيف بنعيش وكيف بناكل ومن وين بنصرف
وصاحب البيت اليوم مكلمني يقول صبرت
عليكم بما فيه الكفايه يا تدفعون ياتفضون
البيت من وين بجيب له الفلوس ترجيته بالعافيه
وافق يصبر علينا شهرين وصارت تبكي
**********************
حنين : ولايهمك يمه انا اليوم ببيع طقم الذهب
الي جابه لي ابوي الله يرحمه ونصرف منها شوي
لحد ماربي يفرجها وألاقي وظيفه
********************
الام : يابعد عمري يابنتي والله ماكان ودي تبيعين ذهبك
بس وش نسوي ماباليد حيله
************************
حلا : معليه يمه وانا بعد كلها اسبوعين ويجي
راتبي وبعطيك اياه كله
**********************
الام : الله يسعدك يابنتي بس راتبك وش بيكفي ولابيكفي الكهرباء ولااجار البيت ولا اغراض البيت كلها ألفين
**********************
حنين : معليه يمه هونيها وتهون انا بس بتوظف
إن شاء الله بتنحل كل امورنا واليوم ببيع طقمي زي ماقلت لك الحين الذهب غالي وان شاء الله بيجيب لنا مبلغ نمشي حالنا فيه هالفتره والله كريم
********************
الام : الله يخليكم لي يا بناتي ولايحرمني منكم
*****************
بسمه : وشرايكم اخلي المدرسه واتوظف
واساعدكم
****************
الجميع : هههههههههه ههههههههه
******************
الام : ومين بيوظفك وانتي بثالث متوسط
توك صغيره يابنتي شدي حيلك وركزي
بدروسك وماعليك من شيء
******************
بسمه : والله ماعرفنا لكم مرة تخلوني صغيره
ومره تخلوني كبيره ارسوا لكم على بر
**************
الجميع : ههههههههه ههههههههه
****************
حلا : يمه انا اذكر مره ابوي الله يرحمه
قال لنا عن عمي ابو سلطان وقالي
انه مره غني وتاجر معروف
*******************
الام : صحيح يابنتي عمك غني وتاجر
معروف في البلد مافي احد مايعرفه
*************
حلا : طيب ليش يمه مانروح لهم و
لايجون عندنا ليش عمرنا ماشفناهم
ولانعرف عنهم شيء
****************
الام : وش اقولك يابنتي عمك الله يهديه
مع انه هو الي مربي ابوك الله يرحمه
بس زعل معاه وانتوا صغار ومن هذاك
اليوم وهو مقاطعنا ابوك حاول كم مره
فيه بس كل مره يروح له يطرده ويرفض
يقابله
******************
حنين : اعوذ بالله لهدرجه قلبه قاسي
طيب وماعرف بموت ابوي الله
يرحمه
*****************
الام : ولله مدري عنه عرف اولا
ومدري عنه بعد هو لحد الحين
حي اومات الله اعلم
*****************
في بيت ابو سلطان عم البنات
على الغداء
ابو سلطان : بكره أنا مسافر عندي شغل
بقعد هناك احتمال شهر اوشهرونص
****************
أم سلطان : تروح وترجع لنا بالسلامه
يابو سلطان
****************
ابتهال : بس يبه لاتنسى الي وصيتك عليه
تكفى
****************
ابو سلطان : طلباتك كلها اكتبيها لي في ورقه
وانا بجيبها لك كلها ولايهمك كم عندي ابتهال
**************
ابتهال : لاخلاولاعدم يبه
*******************
ودخل ولده يزن ضابط الشرطه
يزن : السلام عليكم
****************
الجميع : وعليكم السلام
**************
باس راس امه وابوه وجلس
يزن : والله زين إني لحقت عليكم
حدي جوعان
**************
أم سلطان : والله ياولدي زين شفناك على
الغداء كل يوم ماتاكل معنا الله
يهديك
*****************
يزن : وهو ياكل هوعلى كيفي يمه على
على حسب الشغل الي عندي
اليوم خلصت بدري وجيت عندكم
على طول اليوم اعوذ بالله كان صراحه
متعب وصار موقف الله لايبلانا بنت
لقوهامع واحد والجيران مشتكين
عليه كل يوم مدخل بنات اشكال والوان وصدناه
مع وحده يوم جبنا ابوها صعب علي رحمته
بغى ينجلط يوم درا تخيلوا
تروح مع خويها شهر كامل ويعاملها معاملت
الزوج لزوجته واهلها مايدرون كل يوم تقول لهم
بروح الجامعه وتروح تقابله قالت ايش واعدني
بزواج بس اخلص من الدراسه طيب ماتصبرين
لحد ماتخلصين مع انها شكلها بنت ناس وابوها من
عايله معروفه
*******************
الام : يا الله مسكين ابوها وامها الله يرحم حالهم
*****************
يزن : بس تبين الصراحه يمه هم الي
ماربوها زين لوانهم مربينها ومهتمين
فيها ما كان سوت كذا الله لايبلانا
*****************
الام : لاتقول كذا ياولدي والله بنات هاليومين
محد يقدر عليهم قول اللهم لاشماته
*********************
ابوسلطان : وش هالكلام الاوالله يزن معه حق
اهلها هم الي ماربوها زين بنات الناس
المتربيات مايسون كذا
*********************
ابتهال :*"الحمدالله انهم مادروا عني ولاكان
موتوني "
*******************
في بيت أم فهد
حنين : السلام عليكم تعالوا يابنات
عشان تدخلون الاغراض
******************
الام : ماشاء الله وش هذا كله
***************
حنين : بعت الطقم الذهب وشريت لنا
اغراض البيت الاكل والاشياء الضروريه
وهذا الباقي يمه خليه معك
******************
الام : الله يعطيك العافيه يابنتي والله
يعوضك باحسن منها طيب بشري
لقيتي لك على وظيفه
******************
حنين : والله يمه ماخليت مكان مارحت له
مالقيت اخر شيء زهقت ورحت المشاغل
قلت لو ادور لي موظفة استقبال اواي شغله
ماخليت مشغل مارحت له مالقيت
*****************
الام : لاحول ولاقوة الابالله طيب وش نسوي
اجل من وين بنجيب فلوس اجار البيت
والرجال معطينا مهله بس شهرين
********************
حنين : لاتخافين يمه انا بكره بعد بروح
ادور الامالاقي لي شغل أي شيء
بس اهم شيء شغل
*******************
بسمه : حنين وش هالظرف لقيته مع
الاغراض
********************
حنين : ايوا هذا لقيته عند صندوق البريد
هاتيه خليني اشوف وشو
*******************
وفتحت حنين الظرف وقراته
حنين : لاحول ولاقوة الابالله هذه الشركه
الي تعين فيها فهد الله يرحمه يقولون له تعال
داوم يوم السبت الله يرحمه حبيبي لو كان هنا
كان بيطير من الفرح
*******************
حلا : خسارا مالنا في الطيب نصيب
عاد راتبها مره مغري 15 الف كان
بشهر شهرين سددنا الاجار وعشنا
عيشه مبسوطه زي ايام ابوي
الله يرحمه بس قدر الله وماشاء فعل
******************
حنين : ليتني رجال كان رحت بداله
عاد انا شبهه مابينا الا اختلاف بسيط
مراح يفرقون بينا ياخسارتها والله
********************
بسمه : خلاص اجل وشرايك تلبسين ثوب
فهد وتسوين رجال وتروحين بداله
خخخخخ
********************
الجميع : ههههههههه ههههههه
********************
الام : والله يابسمه انتي فاضيه تنكتين
احر ماعندنا ابرد ماعندك يا الله انا بروح
اسوي العشاء
******************
حنين : الاوين تولين من الصبح ما
شفتها وينها
****************
حلا : تولين كالعاده جالسه على النت
من قامت من النوم وهي عليه
****************
حنين : الله يصلحها هالبنت عقلها
وروحها هالنت الحمدالله إن فهد الله
يرحمه دافع حق سنه كامله ولاكان
الحين مافي امل ندفعه وكان هي حالها
حال
******************
حلا : ايه صح النت مراح يقطعونه بس
خدمت البلاك بيقطعونها باقي عليها بس
اسبوع والله إني مقهوره مره تعودت عليها
وادمنتها بعد مدري كيف بتركها
*********************
حنين : يابنت الحلال الله قادر يرزقنا قولي
يارب
********************
حلا : يارب الله يفرجها علينا بروح اشوف
تولين وش اخبارها
*******************
ودخلت حلا على تولين غرفتها
حلا : تولين وجع انتي مهبوله من قمتي
وانتي على ذا النت ماشبعتي
*****************
تولين : وش تبون فيني خلوني اتسلى
شوي جالسه اكلم صديقتي على الاميل
******************
حلا : هي نفسها قطر الندى
******************
تولين : ايوا هي من غيرها ياحبيلها هالبنت
والله إني اموت عليها وماشبع من سوالفها
بس تصدقين مره احس انها غريبه لواقولك
ماتصدقين
***************
حلا : قولي واتحفينا وشفيها
****************
تولين : تصدقين مره تكلمني واحس
كانها بنت تتكلم عن الملابس والازياء
وسوالف بنات ومن بكره تكلمني كانها
رجال سوالف رجاجيل ومزح مومزح بنات
واحيان تستغرب اذا سالتها سوال عن سالفه
امس تقول انا قلت لك كذا كأنها نست
*****************
حلا : يوه كيف كذا طيب انتبهي لاتكون
رجال موبنت
********************
تولين : لالا انا متاكده انها بنت ماعندي شك
بس استغرب من تصرفاتها لكن إني اموت
فيها رهيبه
********************
حلا : طيب غريبه ماخذتي رقم
تليفونها
********************
تولين : لاماعندي بس عندي بنها وارسلها
بي سي
*******************
حلا : على طاري بي سي استعدي ترى
الاسبوع الجاي بيقطعون الخدمه
لانه مايمدينا نشحن مافي فلوس
احنا على الحديده اوتحت الحديده
*******************
تولين : يا الله لاتقوين حرام عليك كان اموت
معليش بدخل عن طريق الواير لس
زي من اول
********************
حلا : هههههههه كان غيرك اشطر ابشرك
ماتقدرين تدخلينصار بفلوس خلاص
راسليها عن طريق الاميل وخلاص
********************
تولين : يا الله بس غير انا ارسلها اذا جيت
انام واذا صحيت الصبح وكل وقت ماقدر
استغني عنها طيب تكفين اذا جاء راتبك
اشحني لي بس انا
*******************
حلا : صدق انك انا نيه لواني بشحن لك كان
شحنت لنفسي بس الراتب كله الفين وحنا
محتاجين هاليومين للقرش الله يفرجها علينا
*******************
تولين : الله كريم ياالله عاد ورينا عرض
اكتافك شوفي ندى ترسل لي بكلمها قبل
يجي العشاء
*********************
قطر الندى : ياناس ياهو وين رحتي
*********************
تولين : انا هنا بس كنت اكلم حلا اختي
**********************
قطر الندى : اختك اسمها حلا الله مره
اسمها حلو
*******************
تولين : ايوا اسمها حلا بس احنا نسميها
الحلا لانها ماشاء الله عليها تهبل كانها
البدر على فكره بقولك شيء
ترى من الاسبوع الجاي مقدر ارسل
لك على البي بي بس على الاميل
********************
قطر الندى : ليش عسى ماشر
******************
تولين : والله انتي موغريبه بصراحه من توفى
فهد اخوي الله يرحمه وحنا بالعافيه لاقين ناكل
والمصاريف كثيره ومقدر اشحن
**********************
قطر الندى : بس كذا ولايهمك انا اشحن لك
لاتهتمين
*****************
تولين : يوه يوه لا تسلمين لي والله مايحتاج
*******************
قطر الندى : كيف مايحتاج الايحتاج انتي
تعديني غريبه عنك احنا موخوات
******************
تولين : الاوربي اكثر بعد من الخوات
بس ماودي اكلف عليك
*****************
قطر الندى : ولاتكلفين علي ولاشيء
بكره برسل مع السواق في الجامعه
لك بطاقه شحن وشويت اغراض لك
***************
تولين : تسلمين ياقلبي الله لايحرمني
منك
*******************
بسمه : يا الله امي تقول تعالي تعشي
معنا
****************
تولين : طيب قولي لها جايه
ندو حبيبتي انا بروح اتعشى
واشوفك وقت ثاني يالله باي
******************
على العشاء
تولين : وووووووو ماشاء الله أي دا كله
اليوم راضيه علينا ياأم فهد من زمان عن
هالاكلات الطيبه اوجعتنا بطونا من
هالمعلبات
*******************
الام : وش اسوي يابنتي العين بصيره
واليد قصيره بس اليوم حنين الله يسعدها
عبت لنا الثلاجه الله يعوضها ويوفقها
******************
تولين : ياسلام ياحنونه من اين لك هذا توظفتي
*******************
حنين : لاطبعا يافالحه ما بعد توظفت حتى
لو توظفت مراح يعطوني الراتب اول
ماشتغل بس بعت طقمي الذهب بس انتي
كالعاده اخر من يعلم في هالبيت
****************
الام : تولين مايصير كذا خفي شوي
عن هالنت ليل ونهار وانتي عليه
******************
تولين : وش اسوي يمه اتسلى لانطلع
ولانروح ولانجي ماغير في
هالبيت اوسع صدري
*******************
في اليوم الثاني دخلت تولين غرفتها
تولين : السلام عليكم
***************
حلا : اهلا وعليكم السلام
***************
تولين : زين إني لقيتك امس قلت لندى
عن إني مقدر اشحن عشان ظروفنا و
من هالكلام فقالت لي انا برسل لك شحن
واليوم ارسلت لي ماتوقعتها بترسل كذا
ارسلت ثلاث بطايق شحن كل وحده بميه
والفين ريال معهم وعلبة مكياج كامله من
من ماركة ***** تخيلي ابد ماتوقعتها
بتسوي كذاوريحت الكيسه مره ريحة عطر
رجالي شوفي اوريك
*********************
حلا : بعد ماشمت الريحه أي والله مره ريحت
عطر رجالي انا قلت لك انتبهي منها
*******************
تولين : مستحيل تكون كذا اكيد في سالفه
ثانيه بسالها وبشوف وش السالفه
*********************
وارسلت لها على البي بي بنق
******************
قطر الندى : هلا ياقلبي ها وصلت لك الاغراض
********************
تولين : ايوا وصلت بس احنا ماتفقنا على كذا
كلفتي على نفسك مره والألفين حق ايش
*******************
ندى : هذي لك خليها معاك مصروف يمكن
تحتاجين شيء او ودك بشيء
********************
تولين : لابس انا مقدر اقبلها هذي كثير مره
انا مقدر اردها لك
**********************
ندى : ومن قالك إني ابيك تردينها هي لك
ياقلبي مابينا فرق فلوسي هي فلوسك
*******************
تولين : والله مدري وش اقولك بس ودي
اسالك سؤال تكفين جاوبيني بصراحه
**************
ندى : اسالي الي تبين وانا اجاوبك
**************
تولين : الكيسه ريحتها عطر رجالي بقوه من
وين جت هالريحه انتي موقلتي بترسلينها
مع السواق
*****************
ندى : هههههه ايوا السواق طلع مشغول مع
الاهل وارسلت لك اخوي واخوي يحب يتعطر
بالسيارة اكيد لزقت فيها الريحه بس ليش
تسالين
*******************
تولين : اقولك الصراحه بس ماتزعلين
صراحه خفت وحلا اختي خوفتني زياده
خفت تكونين رجال
*********************
ندى : هههههههههه هههههه ياحبيلك لاطبع
انا بنت زيك بس الحين دوري بسوال
لونفترض إنك اكتشفتي إني رجال وش
بتسوين
********************
تولين : اعوذ بالله طبعا بتركك على طول
بدون تفكير وبدون حتى ماقولك
*******************
ندى : هههههههه ياااااه لهدرجه طيب
واهون عليك تتركيني
******************
تولين : يوه ندى عاد لاتخوفيني
****************
ندى : لا طبعا لاتخافين تطمني انا بنت
تبين ارسلك صورتي خخخخ
******************
تولين : ههههههه والله ياليت طيب
مايصير
*****************
ندى : ارسلي لي اول صورتك وارسل لك
صورتي وش ضمني يمكن انتي تطلعين
رجال خخخخخخ وحده بوحده
******************
تولين : لاتخذين على خاطرك مني بس والله
يوم شميت ريحت العطر خفت
على فكره نسيت اقولك مشكوره حبيبتي
على الي جبتيه بس عن جد كلفتي نفسك
****************
ندى : لاتقولين كذا احنا مابينا فرق
انا بتركك الحين اهلي ينادوني يالله
باي
***************
تولين : اوك باي
***************
تولين : شفتي ضلمتيها المسكينه تقول اخوها
هو الي جاب الاغراض وهذه ريحت عطره
*****************
حلا : والله انتبهي بس منها ترى مافي بنات
يعطون كذا انا حذرتك لاتثقين فيها بالمره
******************
تولين : لافي بعد اكثر من كذا بس انتي
بنت فقر وش عرفك في بنات التجار
تراها مره غنيه ماشاء الله عليها وموظفه
بعد وراتبها زين يعني هذا ولاشيء عندها
****************
حلا : هي موظفه وين فيه
****************
تولين : تقول موظفه في شركه مندوبه
****************
حلا : مندوبه المندوبات رواتبهم موعاليه
وين الشركه فيه
******************
تولين : خيران شاء الله هو تحقيق سين
وجيم انا ماسالتها كم راتبها بس هم
تجار زي ماقلت لك وابوها تاجر
معروف في السوق
****************
حلا : والله ناغزني قلبي انتبهي منها
**********************
تولين : او حلا حرام عليك لاتشككيني فيها
انا متاكده انها بنت مايحتاج اتاكد
******************
حلا : على راحتك انا حذرتك وانتي بكيفك
****************
في اليوم الثاني
الام : ها ياحنونه بشري لقيتي وظيفه
******************
حنين : والله يمه ورمت رجلي وانا الف
من مكان لمكان مالقيت صار لي كم
يوم وانا الف تعبت مابقى ولامكان
اروح له مارحت له والمشكله السواق
كل يوم ياخذ ميه وخمسين ريال بس
على الفاضي
*****************
الام : لاحول ولاقوة الابالله طيب وش نسوي
كيف بندبرحق الاجار وان طردنا
وين بروح ماعندنا احد نروح له
لاعم ولاخال يارب حلها من عندك
****************
تولين : يمه حبيبتي تفضلي هذي ألفين
**************
الام : من وين جبتيها
************
تولين : وحده من صديقاتي اعطتني اياها
يوم قلت لها ظروفي
*****************
الام : وليش تاخذينها منها الحين من وين
بتردينها
****************
تولين : لايمه تطمني صديقتي مره
مو محتاجه وهي قالت لي مابيك تردينها
******************
الام : طيب بس لاتسوينها مره ثانيه يابنتي
لاتخذين من احد انا بخذها لاننا مره محتاجينها
بنسدد فيها فاتورة الكهرباء لايقطعون علينا
ويخلونا ظلمه بس الله يدبر لنا فلوس الاجار
*******************
دخلت حنين غرفتها خلعت عبايتها واخذت
شور وغيرت ملابسها وفتحت دولابها
لقت ثوب فهد اخوها معلق عندها في دولابها
هي محتفظه فيه طلعته وظمته وباسته وبكت
ليتك فيه يافهد كان ماصار هذا حالنا وخطرت في
بالها فكره لبست ثوب فهد ورفعت شعرها ولبست
الشماغ وطلعت صورته ورسمت بالكحل زي شنبه
وطلعت لامها وخواتها في الصاله
*********************
الام : بسم الله والله خوفتيني حسبتك فهد
الله يرحمه
*****************
حلا : والله حتى انا خفت خير إن شاء الله
وش فيك انهبلتي
*******************
حنين : لاما نهبلت بس باقي شوي وانهبل
خخخخ بس بالله عليكم ما اشبه
********************
تولين : والله كانك هو بس الي يدقق يشوف
الفرق هو امتن منك شوي وعيونك اوسع
من عيونه لكن الي ما يعرفكم يقول انكم واحد
*****************
حنين : وشرايكم نسوي زي ماقالت بسمه
اروح اداوم بداله هم مايدرون انه مات
*****************
الام : انتي مهبوله تروحين عند الرجاجيل
وانتي بنت هذا الي ناقص
***********************
حنين : وهم وش دراهم إني بنت انا بسوي
كني فهد وبداوم بداله ومحد يدري
*******************
الام : اعوذ بالله لامستحيل اخليك تسوين
كذا
****************
حنين : يمه تكفين فكري زين من وين بنجيب
حق الاجار مو على طول بس شهرين ثلاثه
وخلاص ندفع لرجال فلوسه وبعدها بطلع
الراتب 15 الف احنا محتاجينها وبعز الحاجه
لها تكفين يمه وافقي مافي الا هالحل
*****************
حلا : لاحنين هذه مخاطره ولو كشفوك وش
بتسوين هذيك الساعه لاوالله انا مومعاك ابد
*******************
حنين : وكيف بيكشفوني هو خلاص قبلوه
واوراقه كلها عندهم اللهم بروح اقول انا
فهدعبد الرحمن ال.... وخلاص ومراح يدققون
بيحسبوني هو الشبه بينا كبير كاني كنت
سمينه ونحفت والعيون كني لابسه عدسات
وانا اصلا بلبس نظاره شفافه كانها طبيه
عشان شوي تداري وشرايكم
***************
تولين : والله فكره مره حلوه مافي الا
هذا الحل انا عني موافقه
***************
بسمه : وانا اضم صوتي لتولين انا موافقه
شفتوا افكاري مافي زيها
****************
حلا : والله مدري عنكم سوا الي تبون
*********************
الام : ياربي لامومعقول ارسل بنتي عند
الرجاجيل تشتغل معهم
*******************
حنين : يمه لاتخافين انا مالي فيهم فهد قالي انه
بيكون له مكتب بالحاله مومع احد احسن
من احنا الخمسه ننطرد بالشارع وين بنروح
هذه فرصه لازم مانضيعها تكفين يمه وافقي
ولاتخافين بنتك بميت رجال
*****************
الام : لاحول ولاقوة الابالله مالي الا اوافق
وش اسوي بعد
**********************
حنين : يابعد عمري يمه خلاص اجل ببتدي
اداوم من السبت
*******************
يوم السبت
لبست حنين مشد يخبي صدرها
ولبست الثوب والشماق ورفعت شعرها
وربطته وشنب وجزمه واستعدت
ادعي لي يمه
*******************
الام : تبكي والله قلبي معك يمه الله يحفظك
من كل مكروه ويبعد عنك اولاد الحرام
اول ماتوصلين طمنيني عليك ترى بالي
معك
****************
حنين : حاضر يمه ولايهمك بس
تكفين لاتبكين بعدين انا الي بيصير
بالي معك
****************
الام : خلاص روحي يمه وطمنيني عليك[/SI
الماهرات @almahrat
كبيرة محررات
هذا الموضوع مغلق.
م شآء الله علييك مهورره
وربــــــــي مرره روعــــــــــــه
وأحلى شي اسم البطله حنين ع اسم اختي ذذذذ
الله لا يحرمنا منك
ب انتظـآر الجزء القآدم ع احر من الجمر
وربــــــــي مرره روعــــــــــــه
وأحلى شي اسم البطله حنين ع اسم اختي ذذذذ
الله لا يحرمنا منك
ب انتظـآر الجزء القآدم ع احر من الجمر
<<اسوم>>
•
واو حممممممممممممممماس ابداع وفكره مميزه << وحده من صديقاتي تقول اعرف هاذي الروآيه كد كتبتيها بمنتدى ثآني؟؟ اكملي وواصلي ابداعك..
*رمرومة*
•
هلا والله هلا روووووووووووووعه والله مرررررررره حلووووووه واحداااااث و شخصياااااات مرررررره مشوووووووقه مررره تحمست معاهم وكاني وياهمهلا والله هلا روووووووووووووعه والله مرررررررره حلووووووه واحداااااث و شخصياااااات ...
هلا اختي الماهرات نوووورتي اشتقنالك كتير
انبسطت كتير برسالتك عنجد شكرا
والقصة راااااااائعة ومسلية كتير ننتظر الجزء الثاني لا تطولي علينا
انبسطت كتير برسالتك عنجد شكرا
والقصة راااااااائعة ومسلية كتير ننتظر الجزء الثاني لا تطولي علينا
الصفحة الأخيرة
هلا والله هلا
روووووووووووووعه
والله مرررررررره حلووووووه
واحداااااث و شخصياااااات
مرررررره مشوووووووقه
مررره تحمست معاهم وكاني وياهم