عزيزتي لوحة مفاتيح ولا صورة طالعة مع إني نفسي شوفهم

في الانتظار

من ثلاث سنوات سويت فوانيس بالورق المقوى والبلاستك الشفاف المقوى إلي يستخدم لأول صفحه في المجلات المصوره في المكتبات مدري عرفتوه
المهم انا سويت الفوانيس كعلب وعبيتها حلويات ووزعتها وعندي منها صوره بس ما أعرف انزل الصور علشان كذا أبحاول أشرح إلي أقدر عليه ويارب تفهمون معي.
أولا جبت ورق تصوير عادي مو مقوى وحاولت أطويه بشكل الفانوس يعني زي ما نسوي صندوق او علبه من ورقه
طبعا رسمت باترون للفانوس وهو مفتوح وبعدين طويته يكون من أسفل صغير ومن أعلى أكبر وفوق على شكل هرم -بس ما قدرت اسويه إلا من ثلاث جهات مو اربع زي الفانوس لان الورقه الوحده ما كفت بس شكله مره روعه طبعا فرغت الولجهات على شكل زخرفه إسلاميه بس مو صعبه تفريغ بسيط بحيث نشوف الحلويات جوا الفانوس..المهم وبعد ماضبط معي وصارت المقاسات مضبوطه صورت الورقه على ورق مقوى وبدأت في الطي وطلعت علبه على شكل فانوس طبعا التفريغ غطيته بالبلاستك الشفاف المقوى إلي قلت لكم عليه علشان الحلويات ماتطيح من التفريغ يعني يصير كنه شباك من الجهات الثلاث وطبعت على الشكل الهرمي من أعلى تهنئه بالعيد وصور بنوتاتي.
ـ للمعلوميه شفت علب كرتونيه جاهزه على شكل فانوس وملونه بورود وبالونات في محل أبو ريالين.
بس إلي سويته أحلى بكثير خاصه إني سويت قاعده للفانوس مثل قاعدة المدخنه العاديه المعروفه ولصقته عليه ..
مدري أحس إن شرحي مو واضح لو بالصور أسهل قهر حتى باترون الفانوس عندي في الوورد لو اعرف انزل الملف كان حلو جاهز تصورونه في ورق مقوى ما عليكم إلا القص والثني واللصق ويصير فانوس..
بس إلي عندها خبره في عمل العلب أكيد تبي تقدر تسويه لاني زي ما قلت لكم قعدت أجرب في ورق عادي لحد ماضبط معي..

طولت عليكم
مع السلامه

شوفي هالموضوع فيه صور الفوانيس وطريه عملها خطوه خطوه رائع
http://forum.hawaaworld.com/showthread.php?t=402627

وشوفي هالموضوع بعد شكل سله من صحن الورق مرررره حلو
http://osrty.com/hwarat/showthread.php?t=87500

وهذا كتاب كامل رائع لعمل العلب بأشكال مختلفه مع الباترونات ولتغليف الهدايا
والرابط
http://photo.163.com/photos/fox_chenyi11/14196308/#p1
شوفوه .....رائع