بنت ابو نوره @bnt_abo_norh

عضوة جديدة

ممكن طريقة التسوق بموقع امازون

السلام عليكم ورحمة الله

اخواتي ممن تفيدوني بهالموضوع

لاني والله ماعرف للتسوق بالمواقع هذي ابداا

يعني ابي شرح بالتفصيل وكيف ادفع واخاف احط رقم حسابي وينسرق

< تراني جاهله بهالامور

وممكن تعلموني كيف اعرف اذا المنتج اصلي او لا اخاف اشتري حاجه تكون تقليد لان ابي بودره اليابانيات وسمعت انه فيه اصليه وفيه تقليد بموقع امازون وسمعت فيه تقييم للمنتج ومدري دخلت ومالقيت حاجه =( يمكن لاني ماعرف له

وما ادري والله ممكن تساعدوني يابنات :06:

هذا الموضوع مغلق.

شموخ ألإيمان • 12 سنة

الله يسعدك يارب..انااعرف وحدة دائم تشتري من امزون فايش رايك اكلمها تعلم لك

بنت ابو نوره • 12 سنة

آيه تكفيين حبيبتي كلميها

الله يعطييك الف الف عافيه

شموخ ألإيمان • 12 سنة

يالغلا كلمت البنت وقالت بتلاقين بنات في عالم حواء متخصصين في هذاالمجال وهم بيدلونك بس تدخلين على قسم اسماء التاجرات وبتلاقينهم الي يتعاملون مع موقع امزون..

jod.q8 • 12 سنة

اول شي : روحي لـ بنك , طلعي منه فيزا للنت " مسبقة الدفع " و نظامها
تحطين فلوس و تشترين و عقب تصير فاضيه عشان ما تصير مشاكل
مثل السرقه و جذي ، بس اذا بتحطين مبلغ ضيفي شوي عليه عشان
فرق العمله و التاكس و الشحن .

ثاني شي : روحي لـ شركة شحن مثلا ارامكس اشتركي بخدمة شوب اند شيب ,
راح يعطونج 3 عناوين , واحد بـ امريكا و واحد بـ بريطانيا و واحد بـ الصين .

ثالث شي : روحي لـ امارون " الامريكي " و سجلي , و بعدين ادخلي
على الاكاونت و ضيفي عنوان الفيزا و عنوان الشحن مال ارامكس الامريكي .

و الحين كل شي جاهز .. تقدرين تشترين اللي تبين .

بس على حسب الموقع اذا كان بريطاني خلي العنوان بريطاني .
و شرح لـ امازون كامل موجود باليوتيوب و النت لو تدورين .

و نصيحه مهمه : سوي ايميل جديد و خليه بس للطلب من النت و الباسورد
خليه من حروف و ارقام عشان ما تخافين من السرقه و تروح عليج مبالغ او شحنات .

بنت ابو نوره • 12 سنة

جزآكم آلله الف خييرر

ماقصرتوو والله

^ مافهمت هالنقططه ؟!