شوفي يأختي روحي لطبيب نفسي يشوف حالتك ويعطيك جلسات مع اخصائيه تفضفضين عليها بكل الي تعانين منه وبتنصحك وبتعلمك كيف ترتبين حياتك واتمنى اني افدتك

حبيبتي اذا انتي تعبانه جيبي خدامه عشان تساعدك وقبل لا تجيبين خدامه لاتخلين التعب النفسية يزيد معاج انتي خليكي قوية عليه تقولين شلون ؟؟ اول شي الاذكار وانتي ارقي نفسك و تغيرين حياتك كل يوم تاخذين شور وتحطين عطور وتحطين مكياج خفيف عشان مزاجك يتغير ويصير لك نفس ولازم تقومين بواجبات عيالك وزوجك بحب مو عصبيه ولا ترهقي نفسك في اليوم زيادة بشغل البيت يعني لا تدقيقين بكل شي عشان لا تحاتين زياده وانا كان فيني نفسك والله والفضل لله اني انا قررت اني اتغير وساعدت نفسي لا تقولين تبين احد يساعدك. انتي بيديك تعالجي نفسك تشجعي نفسك والله يشيفك ويعافيك واهم شي سوي تحليل للغدة ممكن اهي اللي تخلي النوم عندك زيادة

الله يساعدك
والله لو انك من البحرين كان تنازلت لك عن شغالتي لان عندي ٢
والحين ادور لها احد اتنازل عنها لان عيالي كبرو وتكفيني وحده

مالي الا ادعي لك
وان كان لك خيره بالشغاله الله ييسر لك الامور وتجيبيها

ربي يرفع عنك ويريح خاطرك ويطمن بالك
لك دعوه بظهر الغيب

شوفي وضعك ولا تسالين احد ان كان حاجتك للشغاله كبيره جيبيها وعيالك خلي عندك في البيت كرسونات كيك عصيرات نوتلا جبن فواكه وقت ما تتعبين اعطيهم منها وزي ما قالو الأخوات سوي طبخه تكفي يومين ض