الله يسر لك الولاده ...إقرأي عن التنفس وتدربي عليه من الحين تراه بفضل رب العالمين يخفف من الالم ويساعدك ..وبالنسبه للبراز عادي متعودين أهم شي فكري بنفسك وجنينك

لاتهتمي حبيبتي انا لما كنت بكريه نفس تفكيرك وشفت انهم متعودين هم على كل شي ...اهم شي لاتشدي على نفسك وتتازمي واحتسبي ...الله يهون عليك وعلي وجميع الحوامل يارب .

أختي أنا ابقولك عن الامساك بحكم إني خبرة فيه؛  اشربي ماء مويه يعني كاسين دافيات على الريق؛وامشي أحيانا يكون الامساك من كسل الامعاء من النومة ؛ وإذا حسيتي إن البراز متجمع وما تقدرين تطلعينه خوذي جل عصار زي التحميلة بس احسن عشان ينزل بعض الشي ويساعدك لو طلبتي من دكتورتك صرفته لك ؛أنا بولدي الثاني كان معي امساك شديد وخلصت التاسع ووصلت للاسبوع 42 وما فيه ولادة وعطوني موعد للطلق الصناعي والدكتورة نصحتني بزيت الخروع بس قبل الموعد بيوم شربته تصدقين ما جاني اسهل بس الحمد لله نظف بطني وجتني ولادة قبل الطلق صحيح فيه حريم كثير جربنه وما مدحنه بس أنا جربته والحمد لله فادني ؛وللعلم جيت ابجربه بولادتي الاخيرة لما طوفت بعد بس رجعته ما قدرت عليه 
وانتي جربي الفواكة حبحب  كرز بخارى تراها تعالج الامساك معروفة بس كثري شوي
صحيح بالنسبة للصراخ تراى أنا ما ادري كيف تقدر تصارخ وهي تتألم المهم حاولي تمسكين نفسك الواحد يحتسب الاجر والله يقومك بالسلامة ويهون عليك وكل مسلمة

شوفي

انا مثلك بكرية واول مرة اولد
الان نفاس وراح اكمل اطلع بعد اسبوع من نفاسي وتجربتي لسى طازه

بالنسبة للامساك
اشربي كوب او كوبين عصير برتقال طازج بعد الاكل مو قبل الاكل وحطي معه زيت زيتون
والسلطة حطي معها زيت زيتزن زكثري شوي


بالنسبة للطلق
يختلفون الحريم
ناس يجي الم الطلق بظهورهم
وناس يجي في بطونهم

انا جاني الم الطلق مغص ببطني ما حسيت باي الم يذكر في ظهري
حاولت اتحمل قد ما اقدر لكن في الاخير لما تقارب الطلق صرت اتالم واتاوه واصرخ وما طولت بعدها ولدت


بعدين البول والبراز عادي يصير لا تركزي فيها ركزي بالدفع وانو لازم يطلع البيبي باقل عدد من الدفعات
انا دفعت كثير وتعبت وتعب البيبي لاني كنت ادفع غلط وما عطوني توجيهات بشكل صحيح
لكن لما وجهتني صح الدكتورة في دفعتين طلع البيبي

شوفي
وقت الدفع راسك نزليه على صدرك تاخذين نفس عمييييق وتكتمينه وتدفعين
وتمسكين اليدين حقة السرير وتسحبينها باتجاه صدرك
وحوضك لا تشدينه ابدا ولا ترفعينه خليه مرتخي وثابت مكان
انا كنت اشده فيرجع البيبي ما يطلع وهذا الغلط اللي كنت اسويه


نصيحتي لك حاجتين
كلي تمر كل يوم الصباح 7 حبات والمغرب 7 حبات
وامشي كل يوم ساعة كاملة حتى لو تعبتي وتكسرت رجولك وظهرك امشي امشي امشي

انا كنت اسوي كذا
وولدت ثالث اسبوع من التاسع الحمد لله

اي شي تبين تسالين عنه ارسلي لي ع الخاص
الله يسهل عليك

انا مثلك بكريه وجاني امساك نصيحه تاكلين برتقال ماتعصرينه لان الفائده بالالياف الموجوده فيه وخذي 3 حبات يوميا