& اشتقتلك يا اغلى البشر والله اشتقتلك &

مساء الورد ع الجميع ..
قمت الصباح وكاالعاده احاول اسابق الوقت عشان الوقت ما يسبقني ويطير، واسحب من الشماعه القميص الابيض اللي نسيت اكوي اطرافه امس، واستعجلت على تقويمة ولدي وشديت ادينه وكنت راح امصعه من كثر ماشديتها جلس يبكي وضميته على صدري، وفطرته من الباقي من السريال اللي في الكرتون :angry: وطلعنا وكان الجو ممطر الطقس شوي بارد وقمت اردد ( الله يسقي بلادنا وبلاد المسلمين يارب العالمين )
وانا امشي وكانت السيارات توقف عشان انا اقطع الطريق مع اني انا المخطئه باالاستعجال :09: فعلاً شعوبهم مسلمين بلا اسلام " وكان الطريق طويل هذا اليوم على ان الديكير قريب جداً من البيت وقبل لا اوصل الديكير
( الحضانه) بخطوات، وقفت سياره قريبه مني، وقالي ب لكنه لبنانيه، يا اختي انتي لبنانيه ؟
قلت نعم :mad: !! وكرر السؤال ؟؟ جاوبت بصوت محترم لا :) قال والله مابيصير تمشي انتي والصبي بهاي الشتويه :( قلت خلاص وصلت مشواري شكراً :09:
وراح بحال سبيله ..،، لكن فرحت اهذا الموقف الطيب منه :) وحطيت ولدي ،، وانا طالعه بروح مشواري المعتاد
الا وولدي يلحقني وقام يبوسني وهو فيه الصيحه وهديته،، واخيراً وصلت التيجر اللي يحبها ويرتاح لها، بس وانا رايحه مشواري تذكرت " الوالده يوم كانت توديني بنفسها للمدرسه وكانت تقوم يومياً الصباح لانها ماكانت تخليني اروح مع السواق لحالي، مع انه كان شااايب الله يذكره ب الخير،" يا الله شلون كبرت بهذي السرعه
الحين انا اودي واتحسس ادينه وانا ماسكته و ك اني اذكر ادين امي وهي ماسكتني" مع هذي الذكريات ماقدرت اروح مشواري ماقدرت ف قطعت المشوار ورحت للبيت &
واخذت كرت الاتصال من على التقويم وحاولت اكلم لقيته فااضيه :44: بغيت اكلم امي واقولها اشتقتلك يا الغاليه
:icon33:
بس تبون الصراحه القميص كان معفط من تحت بزيااده :)

- هذا شوقي كتبته في هذي الكلمات البسيطه، ف انتم طلعو الشوق اللي جواتكم .
عجزت القى لاحلامي فضا عمر يحققها
وعجزت انظر الى جيبي اشوفه دايماً خاوي

وعجزت ابني لي امال اشوف الدهر يحققها
ذبل عمري كما ورد على ذاك الغصن ذاوي

رغم الحزن والغربه وعيني الدمع حرقها
تبقى هامتي نجم رغم ليل الحزن ضاوي

فلا تخضع ولا تركع لغير الله خالقها
واذا شح بدواي انسان رجايل وربي مداوي

انا ذيك الغريبه اللي رداة الحظ فرقها
عن اهل كلً ماخنت طواها من الالم طاوي

احن لامي ولشمة هدمها مع معشقها
ونار تحت ذاك الصاج لهبها للخبز شاوي

فديت الشيب لا منه غدا نورًبمفرقها
وفديت الارض لا سارت عليها ترسم خطاوي

لها وجه رسم فيها الزمن ماضي حقايقها
تجاعيد تزيد الحب وسط الروح تداوي
' نجاح المساعيد '
مشاعر وحبيت تشاركوني فيها& فشاركونا مشاعركم وذكرياتكم عن امهاتكم .