مصيبتي أن .. الطالبات يحبوني !!!!! ما العمل ؟؟؟؟

هلا حبيبتي
تعرفي فعلا الاعجاب مشكلة بس لازم نرجع لااساس المشكلة عشان نعرف نحلها هذي القاعدة
*************لاحظي المرحلةالعمرية اللي انتة تدرسيهم مراهقات
طبعا كلنا نعرف شعور المراهقات وكلنا نعرف الفترة العاصفة اللي يمرون فيها فمفروض علينا قبل ما نوجهة لهم ا
لاتهام لما يصدر اي تصرف لازم نرجع ونشوف هم ليش سووة وطبيعة السن اللي تحكمهم والخبرات اللي ماتعرضوا
لها والطامة الكبرى رغبة في الاكتشاف وحب الاستطلاع غير التقليد وهذا مهم جدا نراعية

**************ايش النشاطات الموجودة للبنات في المدرسة غير الدراسة
طبعا لما يكون الجو جو دراسة وطبعا نعرف كثير مشكلة مناهجنا اللي معتمدة على التلقين ومشكلة مناهجنا للاسف ما
تساعد الطلبة انهم يفروغوا الطاقة اللي فيهم فالطاقة هذي لازم تطلع فتلطع بشي غلط .
ممكن انتي تطلبين من البنات انهم ينجزو اشياء تفيدهم والله يخليك لاتقولين بحوث لانها زي قلتها صايرين يسوونها برا ومعد تفيد
بس فية اشياء كثيرة ممكن تتسوى وتفيد ممكن تخلينهم يعملو كروت معايدة للاطفال اللي في المستشفى
نوع من الهدايا للاطفال اللي في دور الحضانات وممكن تتقيدي حملة في المدرسة انك توجهين الطالبات للعمل الاجتماعي
وهذا مهم وياريت تستفيدين من اعجبا البنات فيك انك توجهينهم لشي كويس
اذا قدرتي خلي البنات يزورو اجنحة الاطفال اللي في المستشفيات اللي فيهم امراض خبيثة
خليهم يرسلو هدايا لهم اذا ما قدرتوا على الزيارة
يعني فية افكار كثيرة والله يخليك ابعدي عن الجمود .

*****************الوسط العائلي اللي يعيشون البنات المعجبات فية
لما تتخلى الاسرة عن دورها في تربية اولادها هذي مشكلة كبيرة يبدون الاولاد يحاولون يدورون احد
من برا يلقون عندة الحنان
احيانا ها البنات مساكين ما يلقون قدوة لهم ما يلقوا احد يسمع لهم وممكن نوع التعامل في البيت يكون معتمد
على الصراخ فيدورون اي احد يتعلقون فية وطبعا لما يلقوا اي احد ممكن على طول يتعلقون فية تعرفي
ها الشي كان منتشر في دور الرعاية بس الان صار ينتشر في مدارسنا للاسف ايش معناه ان كثير من الاولاد والبنات
صاروا ايتام وهم بين امهم وابوهم للاسف وفي الاخير يتهم الاولاد انهم مابروا اهاليهم في كبرتهم

***************نظرتنا احنا كاشخاص كبار لهم
كثير احيان نظرة المعلمات للبنات تعطيهم الضوء الاخضر بالاستمرارية يعني ان المعلمة تقبل في الاول الورد هذا
نوع من القبول ينخلق عند البنت اسلوب المعاملة غير الموحد للبنات برضة نوع من الايحاء نظرة المعلمات
الاخريات للبنات وممكن بعض المعلمات يصير يتمسخر على البنات يعني هذي كلها لها تاثير على البنات
**************نظرةالبنات اللي في عمرهم
في ها العمر يميلون البنات للفت الانتباة وعمل اكشن في المدرسة وعلى قولهم تبدا دلع وتنتهي بولع يعني وحدة تعجب
وعشرة يقلدون والشاطرة اللي تقدر تبرز نفسها اكثر

عموما المشكلة بسيطة ومهي محتاجة لها التعقيد بس مفروض تنحل من اول ما اتطلع ولازم نراعي المرحلة السنية
للبنات اللي في هاالعمر واحسن شي واللي مفروض احنا نسوية توجيه ها المرحلة للعمل الاجتماعي للاسف الشديد نلاحظ العمل
الاجتماعي مقتصر على تقديم الزكاة والصدقة معنة في ناس كثير مو محتاجين ها الفلوس بقد مهم محتاجين ناس يتذكرونهم
مرضى المستشفيات - الايتام واللقطاء الموجدين في الدار - العجايز اللي في المستشفى مفروض نربي انفسنا واطفالنا على ها المبادئ
عشان ما نلقى انفسنا ناس مايدين وما نفكر الاا في حالنا وبس
ويارب اني قدرت افيدك

حياك الرحمن اختي كل الغرور وابعدنا واياك عن الغرور .. ما طرحته مهم جدا ويحتاج الى حل تربوي و ديني .. والحمد لله انت مدرسة دين و لك وضعك في المدرسة وتخصصك يخولك و يعطيط صلاحيات كثيرة في ان تؤثري على الطالبات وتوجهيهن التوجيه الصحيح والسليم ولكن حاولي ان تصبري ولا تستثيرك تصرفاتهن ولا بد ان تكوني حازمة بعض الشيء مع من تتجرأ في سلوكها ومن ثم توجهيها برفق ..

جزاك الله خيرا على طرح الموضوع وبارك فيك ..

اختي sara-sa بارك الله بك وأثابك وجعل ماكتبتي في موازين حسناتك .. فعلا رأي سديد ..

واليك هذا الرابط عن هذه الظاهرة ..
ارجو ان يكون مفيدا ..

.:. ظاهرة الاعجاب اسبابها وحلولها .:.

atheer - sara-sa
لسلام عليكن و رحمة الله و بركاته أما بعد
شكرا لهذا التواصل الاكثر من رائع ...
بالنسبه لملاحظاتي فهي كالتالي :
المدارس الحكوميه روتينيه نوعا ما و ليست كل الافكار قابله للتنفيذ و مع ذلك الحق يقال حاولنا القضاء على هذه الظاهره من خلال جماعات المسجد و الندوات الدينيه
بخصوص الانشطه المدرسيه احب ان اوضح انها ليست اجباريه يعني البنت ما تبي تشارك ...كيفها تقضى الساعتين في الساحه ؟؟؟؟؟؟؟؟؟؟
حاولت عمل ورش عمل مع الطالبات فكانني فتحت على نفسي باب جهنم من كثر المشاكل اللي صارت لى من هالنوعيه من الطالبات
تواصلت مع الاخصائية النفسيه لاجد حل لهذه المشكله .....اخر الامر قالت لي لا تعطينهم وجه ؟؟؟؟؟؟
المشكله ان مدرسه زميله تعانى من نفس المشكله و لكنها تطورت لحد وصل بالبنت ان تحرق يدها بالنار لتحفر اسم المدرسه عليه ؟؟؟؟؟ صراحه خفت..................
انا ودي اعمل لهن شيء لكن فعلا أنا خايفه خصوصا لطالبات في هذا السن الخطر ؟:17:

هلا كل الغرور
الله يعينك هذا اول شي اقولة
ثانيا اقولك شكرا انا ماسويت شي ياريت اقدر اقدم شي فية منفعة
عموما انا ما انكر دور في حل ها المشكلة لكن الركة على من يقدم لهم النصيحة
هنا مربط الفرس يعني مو يتولى اي احد النصيحة وينقال يعد كذا والله سوينا اللي علينا
وبعدين التربية عملية مستمرة كويلة المدى وللاسف الشديد اهملنا ها الجانب وصارت العملية التعليمة عندنا مجرد وظيفة ودخل مادي
عموما ممكن تلجئ انك تكوني جماعات من البنات جماعة تختص مثلا بالاطفال اللي في المستشفيات
جماعة تكتب لصحيفة المدرسة جماعة تساعد في زراعة وتصير الجاماعات اجبارية
يعني عليها علامات
هذا عشان جذب االبنات للنشاط وهذا لازم وياريت تاخذون رايهم ايش يحبوا
طبعا الجماعات هذي مو لازم لها وقت معين ممكن يمارسونها في اوقات الجمعيات او النشاط
وترا مافية اعظم من توجيهة البنات للمجتمع لاننا في الاساس مجتمع متكافل بس مظاهر الحياة الان صارت تفرقنا
فية فكرة اقامة مهرجان للمدرسة مهرجان بانجاز البنات انفسهم يعني كل وحدة تسوي اللي تبرع فية
وممكن يتم تغطيتة بشكل كبير يعني بالجريدة مثلا
او بالنت يعني نوع من التشجيع للبنات
هذا اللي عندي الان واذا قدرت القى شي جديد برسلك