ولدي والشارع ... ساعدوني

السلام عليكم ورحمة الله وبركاته


ولدي عمرة 20 شهر يعني بيكمل قريب سنتين ...


وانا ساكنة في بيت أهل زوجي وعندي غرفة وصالة ...


والمشكلة ان ولدي ما يطيق الجلوس عندي في الصالة وكلة يبي يطلع عندهم ...


ومرات يطلع عندهم بدون ما انتبه له ، وما يكون احد هناك فيطلع برع في الشارع ..


الحين كم مرة شرد ويركض بالشارع والله ستر ...


احيانا اكون مشغولة في البيت او مع اخته الصغيرة ، فأخليه يلعب مع عماته الصغار ..


واليوم اكتشفت مشكلة جديدة ...


انا تركته يلعب بالحوش ، قامت عمته وعمرها 7 سنوات وهدت الباب وطلعته برع بالشارع وقام يركض وكل هذا من دون علمي ...


وجابت وحده من الجيران وقامت تحذرني وطلبت مني احبس الولد ...


بس مب حرام أحبس الولد طول اليوم داخل هذي الصالة بيقعد يصيح ...


اكيد بتقولون اشتري له ألعاب ... أو أخليه يشوف التلفزيون ...


ما قصرنا معاه عنده ألعاب كثيرة .. بس ما يجلس يلعب فيها يمسكها ويرميها واذا قعد لعب فيها دقيقتين ومل منها ... ونفس الحالة مع التلفزيون


ومرات يسمع صوت اليهال وهم يلعبون ويقعد يصيح يريد يطلع معاهم ..


بصراحة نفسيتي تعبانه وايد ...ساعدوني