بلنسيا

بلنسيا @blnsya

العضوية الراقية

قصيت شعر بنتي وأبشع الكلام انقالي

الأسرة والمجتمع

السلام
بنتي عمرها تسع اشهرتقريبا شعرها طويل بس شعاويذ ومدهن مع أني اغسله كل يوم لها
واذا لبستها شبصات ولا بكلات تفسخهم المهم قررت أني اقصه لها بالبيت بس اعدله واشيل الشوشه وفعلا عدلته وطلع مقبول يعني مرتب المهم رحت وريته أبوها الى ينهبل ويسب ويهاوش بأعلى صوته وانتي مهبوله تلعبين بشعر البنت تقل مسويه مصيبه وكل مامر من عندي يجلس يهاوش حسسني أني مو أمها حسيت أني الشغاله اللي مسويه في البنت شي قالي انتي بزر لازم نخبي المقص عنك بنتي ياويلك تلمسينها انتي أكيد مو بعقلك يوم تقصينها اللي يسمعه يقول مشوهتها ويجلس يطالع البنت ويقول صدق مهبوله انقلعي وسكري الباب بنام طلعت وانا منصدمه من اسلوبه قبل أخذها الأهل زوجي وجابها لي محلوقه مع أني منبهته مايحلقها لان توني طافه في البكلات البسها وكنت شاريتله مجموعه بكلات وجابها لي من اهله محلوقه ولا زعلت مثله ولا سويت سوايها وهو شوفو وش سوا فيني بهذلني تقل وش مسويه المهم سكرت الباب وطلعت مادريت الى ويجي يقول انتي حدك تغيرينلها ملابسها وتحفظينها وتوكلينها غير كذا تقربين من شعرها اكسر يدينك ..أنا شايله هم بكرا بينكد علي يومي بس بيرمي علي كلام على الطالعة ونازله قولولي وش ارد عليه شايله همه 
90
25K

يلزم عليك تسجيل الدخول أولًا لكتابة تعليق.

تسجيل دخول

Deemo0o
Deemo0o
مفروض شاورتي ابوها اذا كان من النوع العصبي لاتشيلين هم ولا شي لاتردين عليه اسكتي يمدي شعرها يطول توها صغيره
سعادتي في مملكتي
شوفي حبيبتي طنشيه هم الرجال كذا لكن المفروض رديتي عليه وقلتي ترى هي بنتي وانا الي تعبت فيها وانا ازينها مابي اخليها شينه قدام الناس
تاهت بي الخطوه
الحمد لله رب العالمين

كل هذا عشان عدلتي شعرها

الله يشفيه
###عيون القلب###
يمكن صادف وقت هواصلا طفشان او متنرفز من شي ثاني لا تردين بشي عشان لا يكبر الموضوع من ولا شي

ولا الموضوع ما يسوى

انتي اسكتي لين يهدا ووقت ثاني بلحظة صفا تقولين له ان الكلام بهالشكل ما كان له داعي وكذا

بس لا تردين الحين وتولعينها خلك حليمه توضي واستغفري وانتي الكسبانه صدقيني


وربي يخلي لك الاموره ويطول شعرها وتقصينه مرات ومرات بصحه وعافيه
koka44
koka44
قولي له الشعر بسرعه يطول ويرجع
اقل من شهر وهو تمام
الله يعين