وين الحياة السعيده اللي حابه تشارك تتفضل

صباح الخير

بنات ليش قسمنا مواضيعه البعض منه يضيق الخلق
مايخالف
كل من عندها مشكله ودور حل طيب
بس
الشين اكثر الزين
ليش مافي مواضيع سعيده تعطي امل بالحياة الزوجيه
ماااا اشوف مواضيع فيها تفائل
كله تحطيم
ليش حتى بالمواضيع ما في فرح اكثرها حزن وكائبه وتحطيم
طيب لمسه خفيفه كلمه مريحه

شي يجدد الامل عند العضوات شباك نفتحه من الاسريه يعطي السعاده والفرح والامل بالمسقبل


اقووول لاتجي وحده طايره تقول كلمن عندها مشكله
طيب ما اختلفنا معاك
لكن اللي تنزل مشكلتها تنزل بعدها ايش صار معها وتفرحنا بحل مشكلتها
يعني مو بس النكد نكتبه للقسم
وبس تنحل مشكلتها تنسى تفرحنا وتعطينا امل بالحياة


ياربي يعني نشتهي نشوف مواضيع تفرح وتسعد القلب وتحببنا بالحياة الزوجيه

مو بس نوصل صوره عن الرجل فيه وفيه وفيه
وربي صار عقده بالحياة الرجل من كثر الشكاوي منه !


بنات لا احد يزعل مني بس يعني نبي مواضيع تحبننا بالشريك الحياة
لييييييش التشاؤم موجود على طول

ترا الرجل مو كل شي بحياتك يعني انتي وييييين وجودك وكيانك وفرحتك وضحكة وحبك للحياة وين

اتمنى اقرا موضوع وحده تقول انا مرتاحه وسعيده مع زوجي
لاني استفدت من القسم اشياء كثيره
وطبقتها بحياتي
وصار زوجي يحبني ويحس فيني ويتقربلي وتغير للاحسن
يعني تذكر نقاط استفادتها من القسم وعطة نتيجه معها
مو تحطيم

ادري البعض راح يقول ماله داعي نذكر تفاصيل حياتنا
طيب ليش تذكرون الشين بحياتكم وبتفاصيل
يعني مالنا حق نشوف الشي الزين من الرجل عشان تتعدل نظرت اللي على وجه زواج

اتمنى تتقبلون موضوعي بصدر رحب ونتناااقش بهدوء بدون زعل
جد يعني اتمنى اشوف مواضيع تسعد وتشرح الصدر
وتحببنا بشريك حياتنا ونحب انفسنا قبل كل شي
ونعيش حياة اسريه سعيده ونعطي امل للبنات اللي على وجه زواج
بدون خوف او تردد بحياتها مستقبلا مع شريك حياتها

ولى ايش رايكم ؟
والله كتبت هالموضوع لنقطه وحده بس ابي الكل يكون فرحان وسعيد
ونعطي بعض امل لحياة اسريه سعيده


الله يسعدكم ويفرج همكم ويشرح صدوركم
ويرزقكم سعاااده مابعدها سعااااده