هذه قصه ولادتي بأبني الصغير الله يحفظه
المهم يابنات بأقول القصه من بداية الم الولادة في صباح ذالك اليوم قام زوجي علشان يداوم وأنا مبسوطة والحمد لله ما فيني شي وزوجي كان ذالك اليوم بيستلم لليوم الثاني مايرجع البييت 24ساعه
وكملت نوم لين الساعة الحادية عشر وأربعين دقيقه وقمت إلا وذاك الألم يجيني فجأة يجي ويخف الين أذن الظهر يجي ويوقف قلت أكيد الم عادي المهم شوي ويصير متواصل وأدق على زوجي وأقول له تراني تعبانه قال أجي قلت لا انتظر اخاف مو وقت ولادة وأنتظر شوي وادق عليه قلت خلاص تعال وكلمت زوجه أخوه لأننا جنب بعض وجئت وخذت بنتي معاها وجلست وحدي حتى جاء زوجي وقال لي راح أوديك وأنا أصيح ماراح أروح المستشفى بدري لأنهم يعذبون الواحده وما يخلونها تتحرك وأنا وقتها ماأبغى أجلس أبغى أتحرك عشان الألم يخف .
وشوي أذن العصر وأروح أصلي العصر وبعدها بشوي قلت لزوجي خلاص ماراح أتحمل ولبست عباتي وخرجنا عند باب الشقه وكان ابو العيال معاي ولكننننننننننننننننن بلحظه وبدون سابق إنذار طرررررباخ طحت فجأة جنب باب البيت من كثر الألم وراح زوجي يصحي فيني ولكن ما فيه أمل >>>> الأخت راحت فيها هههه المهم شقتنا في الدور الثاني وزوجي خاف يشيلني ويطيحني في الدرج فقام يصيح على أخوه في الشقة الثانية فتح اخوه الباب مفجوع إلا ويشوفني طايحة فغر ما يدري وش يسوي مستحي فقال زوجي الهمة تعال ساعدني نوديها السيارة بسرعة إنطلق أخوه ماشي بسرعة مليون والمسافة ثلاثة متر المهم في نصف المسافة كان فيه موية على البلاط وهوووووب زحلق أخوه وطرااااااااااااااخ يطيح على ظهرة ههههههههههه صار الوضع مضحك ( انا مغمى علي بس بعدين يعلمني زوجي بالسالفة ) لكن الوقت ما يحتمل فقام على طول وشالني من رجولي وزوجي مع أيدي وصدري وراحوا دخلوني السيارة صحيت وقتها بس ما اقدر أتحرك من الألم لكن شفت أخوه يشيلني من رجولي أستحيت وطاح وجهي رغم الألم قلت وش هالمصيبة هههههههههه وإنطلقنا بالسيارة انا وزوجي والحمد لله المستشفى كانت قريبه منا يعني عشر دقايق وصلت ودخلوني بعربة وعلى طول على غرفه الولاده وجلست يمكن نص ساعه اه ايه اوووه أي أي وشوي إلا وجبت ولد ولله الحمد .
وهذي سالفتي يا صديقاتي وسلامتكم والله يهون على كل حامل ياربي ويرزق جميع اخواتي بالذريه الصالحه اللهم آآآآآآآمين
آسيا بنت ابيها @asya_bnt_abyha
عضوة فعالة
يلزم عليك تسجيل الدخول أولًا لكتابة تعليق.
ههههههههههههههههه
الحمد الله
ضحكتيني
وربي شوقتيني للحظات الولاده
رغم العذاب بس فعلا ما تتعوض
الحمد الله
ضحكتيني
وربي شوقتيني للحظات الولاده
رغم العذاب بس فعلا ما تتعوض
الحمد الله على السلامه مبرووووك ما جبتي
ههههههههههههههههه
الله يقطع بليسك بطني قطعني من ضحك وخاصه يوم زلق اخو زوجك
وااي فاشله وخاصه يوم شالك مع ارجوالك
لاعاد تعودينها لجاك طلق روحي المستشفى خخخخخخخ
الصفحة الأخيرة
وألف مبروك ما جبتي