حبيباتي بنات حواء أحبكم في الله وراح اظل أحبكم في الله دائماً وأبداً
فتحت موضوع جديد بدون تحديد فكرة كتابتي للموضوع اللي اعرفه اني بقول اللي براسي بدون ترتيب وتقبلوه بعفويته
- جلست اتفكر بحال المتزوجات وبحال المواضيع اللي تطرحها وتناقشها المتزوجات سواء بالمجالس او بالمنتديات
واغلبها لايخلو من التذمر من الطرف الآخر
وانا ولله الحمد كارهه اكتب اي مشكله تواجهني اللهم اذا بستشير بموضوع بسيط اما مشاكل كبيره لا وألف لا
لانه مصير الزعل حيروح ومايظل الا بملفي الشخصي ذكرى سيئه لي كل مافتحت ملفي :(
طيب سألتو حالكم ليه هالمشاكل ليه سبحان الله مايمر شهر بدون تذمر وأزواج اسبوع وأزواج يومياً وين النقص؟ فينا او في الرجال او في الظروف او شاملتنا؟
ليه ايام شهر العسل كلها وناسه وبعدها هم وغم الا من رحم ربي ؟
انا اقولكم لأنه " اسلوبك بشهر العسل غيرتيه" ماعدتي مثل ماكنتي
حياك راح .. صوتك صار يلعلع .. صرتي تطلبين منه بعكس اول .. تعصبين لارفض .. كلامك الحلو استبدلتيه بأوامر وطلبات وتشكي من هم العيال و و و
طيب هل لازم نغير كل اللي فوق ونرجع مثل اول ؟ لا مو شرط
لان اكون اكذب على نفسي قبل اكذب عليكم اذا بقول تقدرون
لان الانسان غصب يتغير لما يمون على شخص ويروح التشفق حق ايام العرس وصار عندك اطفال منتي بقادره تخفينهم وتقولين برجع عروس وصارت متطلبات الحياة واجد وصار الرجال مايستحي منك مثل اول وصارت كلمة ((لا)) مثل شربة المويه عنده
أجل انا ليه كتبت الموضوع طموحي ازرع فيكم إيش؟؟
(( النضوج وذكاء المشاعر )) + (( الاستقلاليه النفسيه))
النضوج وذكاء المشاعر : من وجهة نظري نضوجك يعني "بطلي حركات الليالي الحمرا والخضرا والزرقا والله مافيها فايده خصوصاً اللي كل يوم والثاني متهاوشه معه ولاتهتم له ولاتبين له ذاك الاهتمام وبليله وضحاها يدخل عليها يلقى الكيكه فراوله واللبس احمر والكنب زين ماقلبته احمر وشموع حمراء وانوار حمرا يعني مهببه بعمرها المره
صدقوني مو كذا الرومانسيه
بيدك تهدينه بس بطريقه راقيه وناضجه بيدك تطلعين معه طلعه حلوه وتقولين فيها مشاعرك بدون لاتحسسينه ان الرومانسيه معناته شموع وورود ولبس معين .. لبس رقاصه لبس غابه لبس قطوه !!
لا ياحريم ارتقو لجل رجالكم مايضحكون عليكم
يمكن يجاملك ويسوي روحه انبسط لكن بيضحك بداخله مشقيه عمرك للآخر ليه وانتي مو ضامنه كلها يومين ثلاثه وترجعين ياللي كنتي حمرا من يومين تطلعين حاجه مفترسه ثانيه وتكشرين عن انيابك لاضقتي منه
ماتحتاجين لهالأمور طالما انتي نبيهه وعندك ذكاء بمشاعرك وتعرفين متى تتدلعين عليه ومتى تطلبينه ومتى تكونين رومانسيه معه وتكسبين حبه واحترامه ومعاملته الطيبه بذكائك وبحسك الأنثوي يعني زبدة الهرج (( ياحريييييييم تبين معامله زينه تعودي تعطينه المثل دايم " يعني مو تقولين كلام حلو بس لما تحتاجين منه شي يعني مصالح صدقيني الرجال يفهم وماراح يعبرك الا يمكن يستحقرك ويمكن هالليالي اللي تسوونها يقول ألييييييييييييه وش تبي تطلب هالمره :09: بالعربي خلي كلامك دايم حلو معه داااايم رطبي لسانك وابتعدي عن الملافظ اللي مو زينه وكثر خيرك على كذا تراك سويتي له احلى من الف ليله رومانسيه !!
شي ثاني : الإستقلال النفسي " لاتنشبووووووووووووووووون " < محسوبتكم تدق عليه طعش مره اول اذا مارد علي :09: الحين شوي شوي صرت مادق وصار يدق علي اذا كنت عند اهلي ويقول وش عندك مادقيتي وعلى طول انشغلت كنت بجمعه كنت طالعه ماعندي سالفه اقولها لك ومن هالاعذار :42: يعني حسسته ان لي عالمي الخاص بدونه واني ماموت بدونه او اهلك :eek: وصار يحسب لهالشي الف حساب ويقلل تغلي :22: ويدق من نفسه ويقول كلام حلو بعد ماكان العكس
صحيح فيه اشياء ماقدرت اغيرها بس حغيرها مع التعويد ودعواتكم ..
المهم ياحبيباتي جد تعودي ان الحياة مو قائمه على هالرجال وبس ليه كل مشاكلنا عنهم قال سوى فعل ماعبرني ماجاب لي ماوداني مااهداني !! وبعدييين ؟؟
ليه الواحد لاتهاوش مع زوجته انتهت حياتها بالنسبه لها لييين يرضى عليها ؟ انا مااقول اعصو ازواجكم لكن طالما انتي ماغلطتي لاتضيقين صدرك استقلي استقلي استقلي عنه ووريه انك عايشه والله ليرجع يراضيك لانه اكره مايشوف انك مبسوطه وهو ودك تتضايقين وقت الزعل
لما زوجك يكون من النوع الصامت ليه تخلينها اكبر مشكله وآآآه وأواااه واماه ومدري ايش
روحي لأقرب تلفون وكلمي خوياتك لين يصدع راسك .. ادخلي نت وكذبي علينا ونكذب عليك :22: "يعني ندردش معناتها" تعالي له وسولفي بدون لاتقولين له (( ســــــــولــــــــف)) لانه بيكره جلستك
انا كنت اقول لزوجي سولف سولف وكل ماجلست عنده وهو ساكت قلتله سولف لين صار يقول والله من تدخلين علي الغرفه اللي اكون فيها اني اعررق وانحرج اقول وش ادبر سالفه الحين :eek: كسر خاطري يوم قالي كذا وصرت اسولف انا وان حبيته يسولف اسأله اجيبها بطريقة سؤال بدون طلب سوالف الحين تطور صار يسألني من نفسه اسئله واعتبره تقدم هالشي وصار يتكلم عن دوامه بدون لااطلب منه ولله الحمد :icon28: عقبال مايسولف في كل حاجه قريب
المهم ياحريم ادري هذرتي واجد لكن والله ضقت من ضحك البنات اللي ماتزوجو علينا واستتفاهم لتفكيرنا وركضنا ورى هالكائن الغريب الرجال :angry2: كنه شخص منزه
بطلووووو عباده زوجيه وليالي وهميه
وعيشوووو بإحترام لنفسكم واستقلاليه وبتمشي سفينة الحياة بمشاكل اقل كل ماقتنعتي بقسمة ربي وكل ماصغرتي الامور وكل ماعتبرتي ان الرجال مخلوق حاله حالك وان تضايق او ازعجك مو نهاية الدنيا لك ناس واجد غيره يسعدونك ويغيرون جوك
اتمنى لكم حياة زوجيه سعيده بعيده عن المشاكل والتشكي
اسمحولي على كتابته بدون ترتيب لاني اكتب والله بدون ارتب افكاري
ويارب تفهمون مقصدي وبس
مودتي
عساني مابكيك! @aasany_mabkyk
محررة برونزية
يلزم عليك تسجيل الدخول أولًا لكتابة تعليق.
يسعد قلبك .. ربي يبارك فيك والله درر كلامكيسعد قلبك .. ربي يبارك فيك والله درر كلامك
هلا ياعزيزتي كلامك العفوي جاي تمام
ودخل نخاشيش مخي
انا من الحريم اللي متبعه قاعدة<<لاتجعلي الزوج اكبر همك>>
عشان كذا حياتي مستقرة
بس المشكلة اذا الوحدة بعيدة عن اهلها وماعندها غير هالزوج
بتتعب شوي بتطبيق هالحكي
ودخل نخاشيش مخي
انا من الحريم اللي متبعه قاعدة<<لاتجعلي الزوج اكبر همك>>
عشان كذا حياتي مستقرة
بس المشكلة اذا الوحدة بعيدة عن اهلها وماعندها غير هالزوج
بتتعب شوي بتطبيق هالحكي
والله بردت قلبي ببنات القسم..
فعلا لازم الوحدة تدلع زوجها وتحسسه ان الجو عندها في البيت جنننة..بس لأنها أنثى دلوعة وتحب الدلع وهذا اسلوبها..مو لانها
ميتة عليه..
يستاهل التثبيت والتصفيق..
فعلا لازم الوحدة تدلع زوجها وتحسسه ان الجو عندها في البيت جنننة..بس لأنها أنثى دلوعة وتحب الدلع وهذا اسلوبها..مو لانها
ميتة عليه..
يستاهل التثبيت والتصفيق..
الصفحة الأخيرة
يسعد قلبك ..
ربي يبارك فيك والله درر كلامك