فيني غده وتكيس وهرمون حليب وتشافيت منها ماشاء الله والحمد لله

السلام عليكم ورحمة الله وبركاته 
كيفكم بنات 
ربي يسعدكم جميعاا قد مااستفدت منكم واكثرر 




بابدا بالمووضوع على طوول 




انا متزوجه صار لي سنه واكثرر وماحصل حمل والحمد لله 
مشكلتي عدم انتظاام الدوره من قبل زواجي 
بعطيكم نبذه عن دورتي 
شهر تجيني و3 شهور لا واحيانا 4 شهور مااشوفهاا واحيانا تجيني وتستمرر معاي شهر كامل او عشرين يوم وعلى هالحاله 
رحت للدكتوره وقالت انتي بنت مانقدر نسوي فيك شي وانو عادي كذا البنات تتلخبط معاهم<< غبيه صدقتهاا 
الموهيم 
تزوجت وصارت تجيني كل شهرين بالضبط وبديت اقرا واسأل واتثقف وعرفت انها مشكله 
شفت رغبت زوجي بالاطفال وبالحمل وقررت اتابع التبويض وصرت اروح للمستشفى واتابع من بعد الدوره مباشره وكل يوم او يومين اروح اتابع والمشكله مافيه تبويض ابداااا انصدمت بالبدايه وبعدها صرت اكل اناناس واسوي خلطة عين الجمل ومرمريه واروح اتابع ماافيه 
والشهر اللي بعده سويت خلطة عسل المعرووفه وتكلفت والله وحبه سوداء وبردقووش وكل شي جربته ماخليت ولاشي واتاابع برضوا مافيه واتابع الى ماقبل الدوره ومااافيه وضيعت فلووس ع الفاضي اخرر شي هاوشتني الدكتوره قالت 
انتي مافيك تبوويض نهااائي انتي عندك مشكله والله يابنات اني طلعت منها ابكي وحالتي حاله وبعدها قررت اسوي تحليل هرمونات وكانت ماديتي وقتها زفت فقررت الدكتوره تعمل لي تحليل للغده وهرمون الحليب 
وطلعت النتيجه والصدمه انوو فيني خمول بالغده وماقصرت الدكتوررره خوفتني وقالت لي كل تأثيراتها انها تأخر الحمل وراح تاكلين العلاج طول عمررك وكلام وش كثرره >طبعا ماخبرت زوجي بهذا كله بحكم انه مسافرر للشغل ويطول ويجيني بين فتره وفتره وانا جالسه عند اهلي 
رحت وخذيت علاج الغده اللي هو الثيروكسين ونسبته 50 استمريت عليه 
ووجلست ابحث عن علاج ثاني لهاا وبعد البحث قررت 
اكل العلاج اول مااصحى من النوم ومااكل بعده بساعه كامله 
اهتميت بالمأكولات البحريه لانهاا تحتوي على اليود وهو مهم للغده 
استبدلت الملح اللي استخدمه للطبخ بملح غني باليووود 
استخدمت قسط هندي مع عسل اكله باليوم مرتين او ثلاثه
وجلست على هالحال 3 شهوور وبعدها بديت ابحث عن دكتور شاطر عشان اروح واكمل باقي الفحوصات عنده والاغلب دلوني على محمد السادات بمستوصف الاهلي بحائل وعن تجارب ناجحه 
طبعا انا مو من حائل بس فيه لنا قرايب فيهاا ونزورهم بين فتره وفتره قررت اروح زياره ومنها اروح له 
رحت له وسويت فحوصات شاامله من السونارر والسونار المهبلي وفحوصات الدم والبول وانتم بكرامه والحمد لله ارتحت له مررره واسلوبه يجنن هذا غيرر الزحمه اللي عنده تخيلوا يبدا دوامه من 5 العصر وينجز الى 60 حاله لحد الساعه وحده بالليل 
طلعت نتيجتي وكانت الصدمه فيني تكيس وهرمون حليب اما الغده سليمه ومنتظمه 
انجنيت ماكنت متووقعه هالشي ابدااا لكن الحمد لله على كل حال جلس يواسيني وانو هالشي عادي ومع العلاج بتتشافين وقال لي انو باليوم تجيه 50 حرمه نفس حالتي وطمني مررره الله يحزاه خير 
اعطاني دوفاستون لتنظيم الدوره واعطاني للتكيس حبوب اسمها متفور مره باليوم  وللهرمون حبوب برادويل على جرعات لحد ماتأقلمت عليها وصارت الجرعه الثابته نص حبه صباحا ونص مساءا مع حبوب الغده طبعا لاني طول العمر اكلهاا <4 ادويه باليوم الحمد لله على كل حال 
وطلب مني تخفيف وزني ومانسيت الدعاء الاستغفار والتضرع لربي 
استمرريت ع العلاج بانتظام شديد مع الريجيم والحمد لله نقصت 4 كيلو ب10 ايام 
والحمد لله الدوره انتظمت شهرين تجيني بنفس التاريخ وهذي معجزه بالنسبه لي ياربي لك الحمد 
طلب مني اجيه ثاني يوم الدوره واعطاني كلوميد حبتين باليوم لمدة 5 ايام واراجعه اليوم العاشر من الدوره لما جيته لقى عندي بويضتين بحجم ممتاز ماشاء الله وقال لي احتمال كبير تحملين بتوأم واعطاني ابره تفجيريه وحدد موعد الجماع بس لظروف زوجي ماتم الجماع بالوقت المحدد 
وانا الحين احاكيكم دورتي صارت تجيني بنفس اليوم وبنفس الوقت صار بها 6 شهور ورحت له قبل يومين سوى لي فحوصات وقال انتي سليمه مافيك اي شي والله يابنات ماانسى فرحتي الحمد لله 
والحين اخذت كلوميد وحدد لي موعد الجماع وكلمت زوجي وراح يجيني ان شاء الله 
المختصرر من قصتي كلهاا مافي شي صعب على ربي 
قوي صلتك بربك وادعيه وتذللي له لانه بيده شفائك سبحااانه 
انتظمي على العلااج مع الدكتور ولا تاخذين اي شي الا باستشااره طبيه لاني جربت كل مايخطر على بالك ومافاد معاي والحالات تختلف 
لاتروحين لاي دكتوره ابحثي عن دكتوور شاطر بعد الله سبحانه 
القسط الهندي شي رهييييب لاتستهينين فيه علاج لكل شي 
اخر شي دعواتكن لي بالحمل عسى ربي يسعدكن وتذكري اذا دعيتي لاخيك المسلم يقول الملك ولك بمثله واسال الله ان يررزق كل وحده تتمنى مناهااا ويجمعني بكم في جنات النعيم